على ورق.. @aal_ork

محررة برونزية

مشكلة صديقتي فالثانوي والحل الجذري العظيم

حينما كنت في المرحلة الثانوية
كنت متشبعة بالامال والطموح الذي لاحدود له
احيانا كنت اقول بيني وبين نفسي لم يتبق لي شيء لأصبح طبيبة واحيان اخرى
مصممة ديكور داخلي واحيانا علم نفس واحيان واحيان واحيان
تقلبات على عتبات المستقبل الذي بدا يلوح فجره في افقي وسماي ..

.تعرفت على مجمو عة كبيرة من البنات لكني فضلت ان ااخذ الصفوة منهم لأكوّن بها صداقة
اكثر قوة وخصوصية وترابط ...يعني بديت اكوّن " الشلة " ...
كنت اتحدث كثيرا عما يروق لهن سماعه وعما يطلبنه مني لأكثر من مرة ...
ولم تنفك عني نبرات اصواتهن حينما يسألنني : بالله بالله الللي يحب اللون كذا وش معناه النفسي ؟؟ طيب اذا انا لون عيوني كذا وش تفسيره ؟؟ ...

وهكذا وكنت اتحدث عن عالم النفس " فرويد "
وعن نفس الانسان الخفيفة التي تتحكم بها احاسيس مجردة ومشاعر .
وان الانسان " مدني " بطبعه " وهكذا والله والله حينما اسل سيف احاديثي واتأمل ملامح وجوههن كنت افتخر واقول : اللهم اجعل لي شأن ونفع لأمتي فإن هذا لايعجزك ..

وفي خضم هذه الامور كانت من بين البنات طالبة لم افهمها ولم استوعبها غريبة جدا
ترمقني بنظرات كلها احتياج لكنها ماتلبث لحظات حتى تنقلب حاجتها ليد عون
ماسة الى نظرة " خير فيه شي " لأستغرب واصد عنها سريعا
تدعي القوة وهي متهشمة ضعيفة ستنهار قريبا جبل من زجاج ..

بدأت اقترب منها رويدا رويدا احسست بفضول وحب تعرف اكثر واكبر لأنها هي الوحيدة التي لم تفصح لنا عن شيء خاص بها .. الكل ادلى بدلوه .. الا هي ..
مع الايام كسبتها عرفتها اصبحت لي ملازمة مرافقة ..
الضحكة لا تنفك عنها وكانت لي مثل ظلي ....

انسانة خيّرة جدا لكن الآم موت والدها وضغوطات الحياة وعدم احساس امها بها واجحافها في المعاملة هما سبب حزنها وبؤسها .. جلست معها وقلت : انتي تحبين الشعر صح ؟؟ كانت تشرب عصير " الربيع " سحبت المزاز بضحكة وكسرت نظرتها للأرض وبدا الحزن اللي اكرهه يسحبها مني و قالت بكتمة عبرة : ايه احب الشعر ..خصوصا شعر ابوي الله يرحمه ..

تخيلي يا " ..... " كنت لمااروح المدرسة وارجع الظهر والشمس حامية والارض نار
والجو يذبح القاه واقف لي هنـــــــــــاك عند باب البيت ويبدا يأشر لي بيده فلانة تعالي لاياكلك الحرامي فلانة كضحك وكرمز انه : تعالي لحضن ابوك اشتاق لك ..
وانا ماغير اركض اجيه طااااااايرة وشنطتي تتعبني من ثقلها على ظهري
وتروح يمين ويسار احس ان مشيتي مي متزنة بس لأن ابوي قدام أركض وانا كل تركيز الوله له ..

كانوا يقولون لي " دلوعة " ابوها وخروا عنها . كنت ملكة مكاني .. لكن بعد موته .. كل شي تغير ... قلت لها : طيب ليه ماتكتبين خاطرة عن ابوك .. شعر اعطيه قدمي له ... اخذت تلوح براسها يمين ويسار وتقول : لالالالا .. انا مااعرف اكتب ..
يالغلا صدقيني جربي مانتي خسرانة .. وهي مصرة على انها ماتعرف ابد ابد ..
مرت الايام ومرت كل ضغوطاتي والحاحاتي عليها على ان تكتب تكتب تكتب ..
حتى اقتنعت لما قلت لها : وربي وعزه وجلاله انا كنت اكتب شعر كلام فاضي وتافه ماينقرا لكن مع الوقت صقلته ونميته وقريته واستوعبته وهذاانا الحين متمكنة فيه جدا .. شخصت عيناها وقالت : اما عاد بربك انتي معقولة ...

اعجبها انه تبدا لكن ترددها تعبني معها شويتين .
جاء اليوم اللي ماانساه .. وقت " الفسحة " " الفرصة " مثل مايسميها البعض جالسة بين البنات وجتني هي بخطوات سريعة ورمت قدامي دفتر روعة اعجبني شكله جدا .. ورفعت راسي وقلت مبتسمة : خير " ..... " شالسالفة ؟؟؟

ابتسمت وجلست على طول جنبي وقالت : افتحي واقري ..
كانت تقولها بثقة واعجاب بنفسها هي ..
سحبت احد الحلويات اللي كانت قدامها لي بس تمون ..

وفتحتها بسرعة وبدت تاكل وانا متنحة وقلت : لا وش فيه بالله ...
انا فاهمة بس للحين مااستوعبت ابيها تقول ان نظرتي فيها ماخابت ..
وانها طلعت تملك ملكة موهبة لاحول ولاقوة الابالله ..

بخت ضحكتها وقالت : اول مرة تتنح كذا . لحول اقريها ..
قالت بنت من المجموعة : انا اقراها هاتيها ..
ارتبكت البنت وقالت : لا خليك انا ابيها هي تقراه .. فتحته وقريته من اوله لآخره ...ا
ندمجت معاه ورحت لأبعاد فضاءاته ياااااااه وربي كان عالم ثاني
بسم الله عليها خذاني الوقت وهي جالسة جنبي تعلمني وتقول هذي كتبتها عشان كذا
وهذي عشان كذا وكذا وتذكرين السالفة هذيك ايه هذي قصيدتها وهذي خاطرة عنها وهذي وهذي وهذي .... لاحول ولاقوة الا بالله ..
طلعت البنت جد موهوبة ومو اي مو هبة مبدعة لآخر حد .. وفاقتني ايضا بالشعر والخواطر والقصص كانت تقام مسابقات في المدرسة ونتاهافت عليها انا وهي كانت تفوز اكثر مني وان فزت انا واياها اكون انا اقل مرتبة منها هي ...

بالله تخيلوا ياناس ... كيف الانسان بداخله عملاق صغير .. لويرحمه ويحن عليه ويفتح له باب شلون بينطلق لهعالم وكيف بيترجم كل مافيك على ورق بأحرف على اسطر ترمز الى كلمات ....
انتي وانت فيكم موهبة وايما موهبة ..
وهذي هي الحين اسم ربي عليها مابقى لها شي وتتخرج من قسم اللغة العربية وخالها واعدها بأنه يتكفل بكل تكاليف القصة اللي لهذي اللحظة توعدني فيها ..
لكن شرط عليها انه يون " بإسم مستعار " الا الآن فيه جدل قائم ..
والحلم بإذن الله صاير صاير ..
وانا ماعلي الا اني انتظر هالمولود اللي بيحل الى العالم ...
يعني انا انت انتي موهوبين لأبعد حد ولآخر درجة .. بس
نمي هالشي طلعيه واجتثه من جذور الصمت لا تعذبونها وترمونها في ربوع الجفاف العاطفي ..
فيه ناس ياضاقت عليهم مسكوا القلم وخطوا خطوط عريضة تعبر عن مكنون بداخلهم لاتستسخف هالمكنون .. اظهره قدامك شوف وش يبي منك وليه هو قابع داخل اعماق نفسك وروحك ..
وفيه من تلقاه يرتاح ياخط ورسم ونظم شي على دفتره ..
وكأنه فرغ شحنات وطاقات كامنة داخله هو ..
اعط نفسك ماحرمه الوقت منك .. امنح روحك كل شيء لم تتحه الدنيا لك ..
اخلق لعالمك انت كل مالم توجده الايام لعيناك الطيبة الحالمة ...

والآن اترككم بحفظ الله ورعايته
على امل انجاب موهوب
بعد موضوعي هذا الذي
سردت به قصة خاصة لحياتي
علها وعساها ان تجدي نفعا بإذن الله ..
اختكم
على ورق...

يلزم عليك تسجيل الدخول أولًا لكتابة تعليق.

تسجيل دخول

ربة منزل محترفة • 17 سنة

موضوع حلو وقصة حلوة كنت اكتب قبل اتزوج بس يوم تزوجت خليت الكتابه وادمنت الأنترنت

على ورق.. • 17 سنة

ربة منزل محترفة :

موضوع حلو وقصة حلوة كنت اكتب قبل اتزوج بس يوم تزوجت خليت الكتابه وادمنت الأنترنت

موضوع حلو وقصة حلوة كنت اكتب قبل اتزوج بس يوم تزوجت خليت الكتابه وادمنت الأنترنت

هلا وغلا وخطوة عزيزة فاضلتي " ربة منزل محترفة "
الله يحفظك امين ...
بس ليه تركتي الكتابة ؟؟؟؟
منتي فاضية يعني ولا مشاغل دنيا ولا العيال وتربيتهم ولا ايش؟؟
طيب مايجيك وقت ضيقة وكتمة تحسبن انه ودك تنفسين عما فيك بورق
عمرك خطيتي بعد هالهجر الطويل هذا ؟؟
كيف كان اسلوبك اكيد تغير وبشكل انتي لحظتيه ...

انتظرك

روعة الود33 • 17 سنة

ما شاء الله..

على ورق.. • 17 سنة

روعة الود33 :

ما شاء الله..

ما شاء الله..

كان ودي تعلقين او تعقبين
بس وربي يكفي مرورك الخفيف العذب هذا
ربي يسعدك ويسخر لك جنود ارضه وسمااااااااه
احترامي لك
اختك
ورق..

دانة الإيمان • 17 سنة

يعطيج العافيه اختي
القصه ان شاء الله بتفيد البنات..وتفيدني انا بالذات
لان كل شخص بداخله موهبه من الله تعالى
بس للاسف موعارفه اشلون يستغلها او يبرزها
وهالصديقه كنتي لها خط سير علشان تبرز موهبتها

الله يحفظكم من كل شر
دمتي...