السلام عليكم ورحمة الله وبركاته
انا قبل فترة طرحت المشكلة لكن للاسف ما لقيت الموضوع يمكن لاني تاخرت بالرد ,,
المشكلة وباختصار اخواتي انه صديقتي الها 7 سنين متزوجة وعايشة معي في نفس البلد بالغربة ,, هية وزوجها وعندها 3 اولاد ما شاء الله ,, اخو زوجها بشتغل معهم هون وتارك زوجته واولاده في بلدهم , فكل يوم عطلة بحمل حاله وبروح مع زوجها وبقضي معهم سواء الاجازة كانت يوم سبت على احد , او ايام العطل الرسمية , صديقتي ابدا مو ماخدة راحتها مع زوجها في بيتهم مع العلم انه سلفها كبيرفي العمر وعايش لحاله في بيت , لكن مو فاهم انهم بحاجة يجلسوا مع بعض ياخدو راحتهم , لانه بلدنا هون نار جوها وهية لابسة هالشرعي في بيتها طول الايام اللي بقضيها معهم , وزوجها كتير مخنوق من القصة عشانه وعشان مرته بس مش حابب يفاتحه بالموضوع عشان ما يزعله ولا يخسره ,, فيا ريت تساعدوني لاني انا شخصيا ما لقيت الحل الا انه زوجها يحكي مع اخوه على هداوة ,, لكنها خايفة انه سلفها يزعل ويخسره اخوه وتحس انه من تحت راسها هالشي ,,
يا ريت مشورتكم اخواتي وبارك الله فيكم ,,
lonely4e @lonely4e
عضوة مميزة
يلزم عليك تسجيل الدخول أولًا لكتابة تعليق.
lonely4e
•
بعتذر منكم اخواتي حطيت الموضوع في القسم الغلط , يا ريت تحذفوه لاني كتبت الموضوع نفسه في قسم الحياة الاجتماعية ,,, بارك الله فيكم ,,
Katie
•
lonely4e :
بعتذر منكم اخواتي حطيت الموضوع في القسم الغلط , يا ريت تحذفوه لاني كتبت الموضوع نفسه في قسم الحياة الاجتماعية ,,, بارك الله فيكم ,,بعتذر منكم اخواتي حطيت الموضوع في القسم الغلط , يا ريت تحذفوه لاني كتبت الموضوع نفسه في قسم...
طيب ليش مايروحون كلهم مع بعض صدقيني في هالحاله راح يستحي اخو زوجها من مرت اخوه وبيصير يسحب نفسه شوي شوي ويفهم انه لازم اخوه يتمشى مع مرته
الصفحة الأخيرة