مشكلة صديقتي مع اختها واخوها اللي ووصفها بالفاجره

السلام عليكم ورحمة الله وبركاته
اخواتي الغاليات عندي صديقه طلبت مني ان اعرض مشكلتها عليكم مع اختها واخوها
هذا الله يسلمكم صديقتي صارت معها مشكله مع اختها واختها لها بنت صغيره عمرها تقريبا 3 سنوات
المهم صديقتي كانت نفسيتها شوي تعبانه لان الدوره قربت تجيها
المهم صديقتي اقعدت بالمجلس اللي فيها اختها وكانت في حالة نفاس توها جابت بنوته
قامت صديقتي اطلبت من الطفله انها تعطيها الريموت حق التلفزيون لكن البنت عنيده ورفضت انها تعطيها الريموت قامت صديقتي واخذت منها الريموت بقوة من يد الطفله وقالت لها انقلعي فزعلت اختها ام الطفله قالت لها هيه انتي وشفيك على بنتي ليش تاخذين منها الريموت بقوه
قالت صديقتي ليه شايفتني ضربتها ؟
ومالك شغل اخذ منها الريموت بكيفي !
قالت اختها شوفي ترى مااسمح لك زلاارضى على بنتي تاخذين منها هالريموت بطريقه هذي..!
والا بنتي مالك شغل فيها يامعقده تبين تتعقد نفسيتها من اسلوبك
عاد انقهرت منها صديقتي وتهاوشت هي وياها واختها قامت تاعيرها بانها العانس والمعقده والنفسيه
وعلى فكره ترى اختها المتزوجه هذي اصغر منها باربع سنوات لكن صديقتي بعد ماقصرت دافعت عن نفسها واشتمتها وقالت لها عيب عليك تقلي احترامك معي انا اختك اللي اكبر منك
المفروض تحترميني مو انا اصغر عيالك تهاوشيني
وكل وحده تتلفظ على الثانيه الفاظ سيئه المهم دخل عليهم اخوهم وشاف صديقتي وهي تتهاوش مع اختها قام تهاوش مع صديقتي وقال لها مهما كان هذي نااافس وانتي قليتي ادبك عليها
وحطيتي عقلك بعقل الطفله المهم انقهرت صديقتي وحطوا اللوم عليها انها هي الغلطانه والمذنبه بحق اختها المهم ردت صديقتي على اخوها وقالت له حسبي الله ونعم الوكيل عليك
قام ضربها ضرب مبرح وتورمت عينها وانحاشت منه وراحت لغرفتها
وقال لها كلام ماينقال قال لها يافاجرة وحكم عليها انها هي من اهل النار
قالت خاف ربك لاتقذفني بشرفي ياظالم
قال لها اي بنت عندها كمبيوتر محمول وتدخل النت هذي بنظري فاجره لانها تكلم الرجال
هي كان عندها كمبيوتر وتدخل للنت عن طريق شبكة الجيرانوهذي البنت غلطت انها شرت الكمبيوتر من ورى اخوها وهو مايدري عنها لكن فجاه شاف كمبيوترها بغرفتها واخذها منها غصب عنها بعد ماشبعها من هالضرب والشتم المهم يابنات صديقتي انسانه شريفه وتخاف الله وماعمرها كونت علاقه مع اي رجل اجنبي وهي تحلف لي على هالشي
وهي اخفت عنه الكمبيوترلانها تعرفه انه انسان معقد ولاراح يسمح لها
للاسف هو شاك فيهاوهي عمرها 32 سنه الله يرزقها بالزوج الصالح والوظيفه السنعه
ابي رايكن يابنات بتصرف اختها وبتصرف اخوها وكيف تتصرف صديقتي معهم
وكيف توقف العنف ضدها والكلام الجارح لانهم لهم اربع شهور متخاصمين
يارب انك تفرج عليها نفسيتها جدا تعبانه وهي راح اخليها تقرا ردودكن على هالموضوع فرجاء يابنات مانبي كلام يجرحها وماادري وش رايكن بمركز العنف الاسري هل تتوقعون انهم بيساعدونها
وشكرا