مشكلة صديقتي مع امها تكفوووون صديقتي بحاجتكم تراها بهم

السلام عليكم ورحمة الله وبركاته

مساكم الله بالخير بنات
بنات ابدخل على طول بالموضوع
صديقتي وحبيبتي واختي
محتاجه نصح محتاجه احد يساعدها هي بهم كبييييييييير هم هو هم الام

امها من الجنسيه المصريه تزوجها ابو صديقتي وجاب منها صديقتي واثنين اصغر منها
صار سوء تفاهم بسيط وصار طلاق وكان عمر صديقتي وهي الكبيره طبعا كان عمرها 6 سنين والاخير كان كان توه بالاشهر
على طول اخوها جاء واخذها لمصر وجلست هناك الين كملت كبرت صديقتي وتزوجت وجابت طفلين
وهم على قد حالهم مايقدر ابوها يروح لمصر كل مابغى لانه مو على وظيفه على قد حالهم اجار بيت وعنده ثلاث اطفال يدرسهم ويلبسهم وياكلهم منين يجيب زوجته من مصر مو موظف وكبير بالسنه
حاولت صديقتي بشتى الطرق يوم كبرت تجيب امها وشتغلت بس الشغاله قليل فلوسها مستحيل تكفيها لكن تزوجت ونشغلت مع زوجها وعيالها
والحمدلله صارت معهم فلوس وكتبلهم الله يجيبونها من مصر وجابوها وكانت صديقتي بعمر 24
وفرحتها مو سايعتها هي وخوانها الاثنين
تقول اخيرا صرنا زي الناس كاملين ام وابو وطفالهم فرحت وعاشا بسعاده
تقول عيشتنا تغيرت يوم جت امي للسعوديه
حسينا اننا اغنياء كله عشان امنا جت
قعدت الام بس اربع شهور وحنت لمصر صارت تزن عليهم عشان يرجعونها لمصر
تغيرت من عرفت عن حياتهم
صارت تفتعل المشاكل
تقول اننا نفهمها نقولها ترانا حرمنا ابوي من الزواج من وحده ثانيه مانبي وحده تاخذ مكانك كنا نحاول نجيبك لسعوديه ابوي جلس 18 سنه بدون زوجه بسببنا عشاننا نبيك
قالت انتم منتم عيالي انا كاني زوجة ابوكم ماحس انكم عيالي

تقول ابوي يعطيها مصروف شهري مع انه على قد حاله يبي يحسسها بالسعاده بس هي ماتبي
تقول من عرفت اننا ناس على قد حالنا وهي متغيره اول ماجت كانت فرحانه انها جت فرحانه بعيالها تطبخ لهم ويقولون لها يمه اقعدي لاتشتغلين تقول لا انا فرحانه فيكم خلوني اعبر لكم قد ايش انا فرحانه
وتقول تحسب عندنا خدم وعندنا فلوس وتحسبني متزوجه رجل غني حتى اللي انا متزوجته على قد حاله
من قعدت هالاربع شهور وهي تسبب مشاكل عشان نسفرها لبيت جدي
وكلمنا خالتي بمصر قالت لا تجيبونها حنا ماصدقنا انها راحت لزوجها وعيالها تجي تسود وجيهنا عند الناس
يقولون لها بس هي متعبتنا منكده عيشتنا ماتبينا وحنا مانبيها تروح نبيها بس هي ماتبينا وتبككككي صديقتي حييييييل
تقول انا تركت بيتي وسكنت عند اهلي عشان امي ابي اعوض السنين ابيها مشتاقه لها
زوج صديقتي يشتغل بمدينه ثانيه فيجي لزوجته وعياله اربعاء وخميس وجمعه ويسافر للمدينه
وخلا زوجته تقعد عند اهلها

وتقول هي تايم تخانقني روحي لبيتك هذا بيتي انا وابني انتي روحي لبيتك
وتشتغل بالبيت وتطبخ وتغسل واذا سوينا شيء تقعد تهوشنا ونتركه
واذا قعدت قالت انا ماقدر عليكم ماقدر اوقف اغسل اطبخ ما اقر اقوم بشغل البيت
نقولها انتي تهاوشيننا اذا اشتغلنا واذا لمسنا شيء بالبيت ماتبينا نجي شيء والحين تقولين كل شيء علي حنا مانبيك تشتغلين حنا نشتغل بس انتي تهاوشيننا ولا ترضين نلمس شيء بالبيت

نصير جالسين وبامان الله وتحي تحلس شوي وتقول لابوي انت السبب اللي بعدتني عن عيالي وتقعد تسب وبعدين تصير هوشه بعدين تقول انا مش عايزتكم عيزه ارجع لابوي

تقول نجي نلقاها تغسل وتطبخ واذا حلست قالت انا مش هعمل حاقه نقولها حنا ماقلنا لك اشتغلي حنا فيه وحنا نشتغل بس انتي تطلعينا لا جينا نسوي شيء

تقول اخوي مريض نفسي معه زي الخووووف الشديد تقول تتضايق منه ومن تصرفاته واكله
واذا جانا احد او رحنا لاحد تدقق بعيشتهم وفلان ايش يشتغل وفلانه واصله لاي مرحله وبيتكم ملك وتحرجنا تطالعهم بنظرات غيييره

واذا رجعنا لبيتنا تقول شوفو الناس نظراتهم لكم كيف لانكم ماتشتغلون مامعكم فلوس زيهم

امهم عمرها الحين 54
اول ماجت للسعوديه عالجوا لها اذنها لانها ماتسمع زين فنصحهم دكتور يركبون لها سماعه قيمته الوحده بـ6 الالف

بنات مالها الا اربع شهور بس بالسعوديه
وصديقتي تقول وش الحال مانبيها تسافر مانبيها تروح نبيها لنا بس هي تغيرت بعد ماقعدت وطولت
تقول ايش تنصحوني نوديها لدكتور نفسي يبيلها علاج نفسي
ولا ايش نسوي نوديها لمصر
تقول مانبي ننحرم منها هي ماتبينا بس حنا نبيها متعلقين فيها

والله عجزت احل مشكلتها شيء عظيم هالامر
ام ذي كيف اخليها تبعد عني بس امي ماتبيني وش الحال
ياليتها تسافر لمحافظه ثانيه ارحم بس هذي دوله ثانيه صعبه مانقدر نروح لها

وكلام كثير والله صديقتي تعبااااااانه تقول وش الحل
والله اني بكيت لها يوم شفت فرحتها بجيت امها للسعوديه كانت فرحانه فرح ماعمري شفت والحين تعيسه تعاسه المسكينه


الله يفرج همومكم ساعدوها بنصايحكم لاني ابرسلها رابط الموضوع
اللهم يامفرج الهم والغم فرج همها وازل غمها