مشكلة صديقتي مع حماها..تكفون بسرعه الحل

السلام عليكم ورحمة الله..

ببدا على طول لان المشكله كبيره وتحتاج حل..والبنت حالتها تعبانه..

البنت هذي اول ماتزوجت تعرضت لمشاكل كثيره مع اهل زوجها وكانت تطب العون من اي احد يساعدها لكن كل مره تتوجه لاحد منهم تلقاهم ضدها..خصوصا انها عايشه وحيده بعي عن اهلها وصديقاتها..

المهم توجهت بحسن نيه لاخو زوجها اللي اصغر منه وشكت له على انه ساعدها في اشياء تخص زوجها وهي اشياء كبيرررررررره مره...المهم كل يوم صارت تكلمه وارتاحت له ولاحس باللي هي تسويه طبعا بدون زوجها مايدري ..وتعلقت فيه وقامت ترسل مسجات وهو يرسل وشافها كم مره بس بدون مايصير شي بينهم..

الزبده انها وعت لنفسها وتابت لربها وعرفت انها تغلط لكن بعد ايش...

بعدها بفتره درى حماها اللي اصغر واحد من جوال اخوه اللي تكلمه انها تكلمه وترسله...عاد قام اخوه يبي يرقع السالفه لانكم تدرون فيها ذبح وفيها مشاكل وطلاق...وهذا الصغير انسان عصبي وشكاك ومايرحم..وقام قال لخواته وانتشر الموضوع ...ولان بعد الخدامه شافتها مره وكان حماها اللي يكلمها يطل عليها...وقالت لهم لكنها راحت الله حسبي الله عليها بعد ماسوت الشر

حاول حماها اللي تكلمه يحل الموضوع ويفهمه انها مو هي لكن اختها اذا راحت عندهم تكلم حماها وهكذا...ودرى زوجها بشطل غير مباشر عن السالفه...وقام يسالها عن اختها بس هي ماترضى تتكلم معاه لانها حاسه بالذنب..وماتبي تتهم اختها..وتقوله خلاص الموضوع انتهى وسكره..

مر على الموضوع سنتين...و سافر زوج صديقتي مره واحتاجت احد يودي بنتها المستشفى وقدر حماها الصغير اللي شاك فيها انه يكلمها بالموضوع ودق عليها في البي وقال انا شفت رسايلك لاخوي وقام يبرر ويقول انها اختك هل الكلام صحيح...وقام يقولها انا مثل اخوك وابي ارتاح واعرف السالفه وجلس ساعه كامله يحاول لكنها ماقالت شي...وكان يبي يعرف هل لها علم بالموضوع ان اختها تكلم حماها...

الحين هي تقول ايش اسوي هل اقول لزوجي ان حماي كلمني لانه لو درى انه كلمها ولا قالتله بيقول ليش ماقلتي وايش خفتي منه...وبيشك فيها ..

لكن لو قالت له بتصير مشاكل وبيحقق معاها وبتنفتح السالفه وتدخل فيها اطراف ثانيه وكل خواته بيقولون انهم شافوها...وممكن يصير فيها ذبح وطلاق واهلها يدرون وتروح فيها هي واختها اللي مالها ذنب...


واذا سكتت ممكن مايصير شي على الاقل لين يبرد الموضوع...خصوصا ان حمها كان ساكت طول هالفتره ولا شاف على زوجة اخوه شي يبين انها بنت لعابه...وهي فعلا انسانه صالحه لكن الشيطان شاطر..


وهي تقول ان حماها الصغير يمكن يبيها تقول لزوجها عشان هي تكون اللي جنت على نفسهاااااااااااااا...


ارجوكم الحل قبل لايجي زوجها من السفر...ومن ناس مختصين بسرعه



رجاااااااااااااااااء يابنات البنت تبي حل ماتبي احد يلومها واللي تقول ربي يعاقيها واللي تقول ظالمه..
ايش هذا خلو عندكم رحمه شوي..

البنت تابت والله تواب رحيم ..ماتدرون يمكن انها تصير احسن مني ومنكم..

وبعدين مش هي اللي اتهمت اختها..وهي مارضت على كذا......افهووووو..