مشكلة صديقتي وابوها ساعدوها

السلام عليكم ورحمه الله وبركاتة

شخباااااااااااركم بنات عالم حواء

صديقتي طلبت اكتب سالفتها لنها ما عندها معرف واللي ماعندها رد تكتفي لها بدعوه حلوه


مشكلتي مع ابوي حنون وطيب ويحبنا ومو مقصر معنا ابدا الله يحفظه اهو وامي منفصلين من بعض من زمان وتزوج ابوي كنا نطلع معاه كل اسبوع ويجينا وننام ف بيته الثاني مافي مشكله لكنه بعد فتره قام يبتعد اكثر ومرته اصلا تكرهنا من البدايه كانت مستحملتنا بس لنها توها متزوجه غيرت معاملتها وابوي قام ما يجينا ب الاسابيع بعدها ب الاشهر مايجي ولا يتصل انا بس اتصل عليه لكنه يتصل على امي والله يا بنات تعبت مشتاقه ل ابوي ابيه ماهمتني فلوس ولا شي لكن ابيه اهو كل مره اتصل له اقوله نبي نشوفك يتحجج بالشغل وانه مضغوط قلتله ب لو مره ب الاسبوع لمن يجينا ما يجلس حتى خمس دقايق مادري شو الحل ساعات احس انه مسحور ما احط بذمتي اهو يكره مرته الثانيه ويسبها لكن ما يقدر يخليها الي عندها حلول تقولي وكيف نقدر نرجع ابوي انا اتصل عليه هالفتره كثير يمكن ب الاسبوع اربع مرات الي عندها حل كيف اقدر ارجع ابوي لصالحنا تقولي لا تقولون لي كلمو احد كبير بالعايله عمومتي يعرفون بس ما يقولون شي وخوالي صغار والله يوفقكم ويخليكم