مشكلة صديقتي وزوجها وامها ولاعرفت اساعدها ارجوكم

السلام عليكم

امس اتصلت علي صديقتي وهي منهارة لابعد درجة تقول حصلت بيني وبين زوجي مشكله عادية بس عيب زوجها الله يهديه انه عصبي ويكبر المسائل يعني مشكلة عادية وبرضو صديقتي فيها عيب المناقر تحب تناقره

المهم بالصدفه اتصلت امها عليها وقالت باجيك شوي بحكم بيتها قريب منهم على دخلة امها شافت وجه بنتها وزوجها مبين انهم معصبين قالت الام وشفيكم قال زوجها مادري عن بنتك من اليوم وهي معصبه قامت البنت ماصدقت خبر جابت القديم والجديد

الام حبت توقف مع بنتها وليتها ماوقفت غلطت على زوج بنتها قالت اصلا من يوم ماخذيت بنتي وهي مو مرتاحه ويقطع اليوم اللي خذيتها فيه الرجال اقولكم عصبي تخيلووو وش سوى





طرد الام من البيت قال دام عقب العشرة مااستاهل بنتكم لاعاد اشوفك عندي بالبيت

المهم الخلاصة البنت تقولي ان زوجي متندم الحق ينقال هو طيب وراح لها وهي رافضة الام تشوفه يبي يعتذر لها

والحححححححل تكفون انا ماعرفت اقولها شي ولا ارد عليها

المشكلة هي بين نارين هذا زوجها وهاذي امها. تكفون ادري طولت بالسالفه بس وش اقول وش ارد بالذات صديقتي واختي ولا اعرف اساعدها

عطوني حل