المشكله انه يدافع عن حبيبته ضد زوجته ودخل البيت وقفل الباب حق المجلس وقلها خليك برا انتي تحبي المشاكل وانا كرهت اسمي بسببك يعني غلطان ويكبر بالحكي

حسبنالله وهو نعم الوكيل ﻻ تطلع من بيتها وتهملوا اهم شي وﻻدها وباذن الله راح يرجع لبيته ووﻻدوه

لاتسكت له وتخبر اهلها واهله وتفضحه قليل الادب وتتصل على الهيئه وتعطيهم رقم البنت لان الحين كل الشرايح بااسم ويوقفونها عند حده


وكلمة خايفه على اولادي روحي لااهلك واولادك معك ومستحيل يااخذهم

مدري وتقولي غلطان ويقولها كرهت اسمي لاانها اعرفت فعلتها ويدور اي شيءء يبراء نفسها ويخلي روحه مو على خطاء ويكبر الحكي متفشل من نفسه
بس لابد الموضوع يدخل فيه رجال مو بس هي لابد يتادب
وهي بعد الهيئه رقمها احس لازم يوصل لهم على الحكايه خليها تتربى تخرب البيوت لو تبغى الحلال ماصلحت اللي تصلحه خرابت بيوت هذي وماينسكت بعد عليها هي مو بس هو لاانه لو هدى الوضع راح يرجعون البعض اللي كذا يبغى لهم احد قوي ورادع كبير
تستغفر وتفكر وتستخير قبل لاتصلح اي شيء
الرجال يبغاها شكله حسبي الله ونعم الوكيل

قولي لها اصحك تخرجي من بيتك ..
خليكي في بيتك وعلى قلبه وقلب اللي مستنية بيتك يتخرب عشان يخلى لها الجو
وهو اللي بيجيبها وبيدخلها بيتك في غيابك ويخونك معاها على سريرك

قولي لها .. اول كانت تكلمه ويكلمها من وراكي وكنتي تواجهيه وينكر..
لمن فتشتي وراه ووريتيه اللي شفتيه عصب وصار يتحداكي ويكلمها قدامك
وهي اخذت الضو الاخضر انها تتبجح وتكلمك وتقولك بالفم المليان على وساختهم !!
ورحتي خربتي الدنيا بزيادة وبينتي ضعفك بمكالمتك لها
في وضع زي هذا المفروض الوحدة تتصرف بحكمة مع زوجها وتحاول تسوي نفسها ماتدري ..
طالما شافت انه ينكر معناته حريص انه مايخسرها .. هي في المقابل تنظر لموقفه بنظرة ايجابية
وتبدأ تشتغل على جانب الانثى فيها .. وتتعلم اساليب الغنج والدلع وتلبس وتتشيك عشان تجذبه لها
وتتغلى عليه لمن يحاول يتقرب منها عشان هو من الصنف اللي يزهد في الشي المتاح له ويدور البعيد
والدليل على كذا كلمته لها في الرسالة لمن قال للحقيرة ذيك ليش تغيرتي علي ؟؟
هذيك بعيدة وعلاقتهم في الظلام ..
وكل شي في الظلام والسرقة وبالنور الخافت حلو ولذيذ
لان الشيطان دايما يحلي الحرام ويعطيه صورة اجمل من الحقيقة
هو عارف ان زوجته طاهرة ونظيفة وتستحق تكون أم لأولاده ..
وعارف ان ذيك وسخة ولايمكن يتزوجها ويأمنها على حياته وبيته ويجيب منها اولاد ..
عشان كذا كان ينكر ..
وفي نفس الوقت متلذذ بالحرام ومو قادر يتركه رغم انه عارف انه بيجي عليه يوم وينتهي
انتي مصدقة ان اللي بينهم حب ؟؟ طيب ليش ما تزوجها قبل مايتزوجك ؟؟
لاتقولي اهله رفضوا والا اهلها رفضوا .. شكلها اصلا ماعندها اهل وبنت شوارع ..
والرجال لو يبغى يتزوج بنت شوارع محد يقدر يمنعه ..
والله مابينهم الا الشيطان وكيد الشيطان ضعيف .. كل همه يخرب بيتك .. اصحك تعطيه فرصة

الندم على اللي فات ماينفع .. اللي صار صار وماقدرت تتحمل الموقف وانفجرت ..
والحقيقة انا ما الومها .. لها حق تنقهر وتسوي كل اللي سوته ..
شوفي ..
قولي لها تبغي بيتك واولادك ؟؟ تبغي تسترجعي زوجك ؟؟
اذا قررتي تنهي كل شي وتثأري لكرامتك وتتركي البيت وتطلبي الطلاق .. محد يقدر يلومك
لأن الخيانة شي كبير ممكن يهدم كل شي ..
اما لو قررتي تناضلي وتحافظي على بيتك وتسترجعي زوجك ..
وتحرصي ان اولادك يتربوا بين امهم وأبوهم لأنهم استثمارك الحقيقي في هذي الحياة ..
معناته اول خطوة تسويها .. لاتخرجي من بيتك ..اقعدي على قلبه وقلبها ..
وزوجك غيري معاملتك له .. خليه يدخل ويخرج من البيت ولاتكلميه كلمة وحدة
اهتمي بنفسك وعيشي عشان نفسك
حسسيه انك في بيتك انتي .. واذا فيه واحد منكم لازم يخرج فمعناته هو اللي يخرج مو انتي ..
وحتى لو قالك قومي اوديكي بيت اهلك قولي ماني رايحة .. اروح عشان افضحك؟؟
لمن يسألوني ليش راجعة منهارة ؟؟ تتوقع اقولهم شي غير الحقيقة؟؟
يابني آدم اذا انت منت مستوعب ان سمعة اولادك من سمعتك مصيبة ..انت عندك بنت .. تفهم ايش يعني سمعة بنت ؟؟
بكرة الناس تلوك في سيرتك ويجرحوا اولادي ويأذوهم بالكلام ..
انا قاعدة عشان اربي اولادي.. وبستر عليك عشان اولادي برضه .. هذي حطها قدام عيونك واحفظها صم
انا قاعدة في بيتي .. بيتي انا ...
وغصبا عنك تصرف على هذا البيت بدون تقصيرعشان يستمر موضوع الستر اذا يهمك ..
قدام الناس احنا متزوجين وحياتنا زي العسل
بس بيني وبينك لاتعرفني ولا اعرفك
وتبدا تحرق اعصابه بلعبة ( شوف ولاتذوق ) .. تلبس وتتشيك وتتعطر وترسم على وجهها احلى ابتسامة
ولا تخليه يقرب منها ..
ولاتجي وحدة تتفلسف تقول تلعنها الملائكة .. يروح يكمل بسطته هناك عند الواطية اللي زيه
زوجته صارت كثيرة عليه واطهر من انها تقبل تتنجس بواحد زيه
خاين والله اعلم لفين وصلت خيانته ..
من حقها تحافظ على نفسها وتبتعد عنه لاينقل لها امراض وبلاوي
طول ماهو مستمر في الخيانة ينقلع بعيد لين ينظف من النجاسة اللي فيه
نجاسة وطهارة مايمشوا مع بعض .. هي طاهرة وهو نجس .. هي عفيفة وأمينة وهو خاين وزبالة ..
رجال وخان .. وصحيح انه جرحها .. بس كله يعدي ويروح ..
اذا اقنعت نفسها ان الحياة ماتوقف عند خيانة زوج مستهتر .. بتقدر تعيش حياتها بأحلى الطرق
بتلاقيه بعد فترة ترك هذيك الواطية اللي صارت متاحة له ببلاش
ورجع لزوجته النظيفة اللي صارت ابعد له من نجوم السما ويبوس رجلها عشان ترضى عليه..
وقتها هي اللي بتكون في مركز القوة وهي اللي تقرر كيف شكل حياتهم بيكون ..
الله يهدي زوجها ويرده لبيته وزوجته واولاده ويكرهه في الحرام واهل الحرام يارب ..