مشكلة صغيرونة ..

السلام عليكم ورحمة الله و بركاتة

أنا عندي مشكله صغيرونة مع بنت خالتي يمكن تكون تافهة بالنسبة للمشاكل اللي في هذا القسم
بس فعلا انقهررررررررررت منها كثييييييييير
الموضوع هو أني كانت علاقتي مرره ممتازة مع بنت خالتي بس هي كانت متحفظه شوي في بعض الأشياء يعني تعاملني برسمية شوي غير بنات خالي
و مره قررت أمي و أمها إنهم يسافرون يومين مكة مع بعض بدون عيالهم اللي هما احنا
فقررنا انا وياها إن حنا نروح مجمع بروحنا و نخلي البزارين بالبيت مع الأولاد يوم الخميس وانا كان عندي مشاريع مع صديقاتي بالمدرسة وكشتات بس كنسلتهم كلهم قلت أروح مع بنت خالتي يمكن ينكسر الحاجز اللي بيني و بينها وقلنا خلاص بنروح على صلاة العشا
وجا يوم الخميس و أختي الصغيره أصرت إنها تروح و أنا مو راضيه لأني اتفقت مع بنت خالتي وصاحت وصارخت في الأخير راحت تكلم أمي وهي تصيح وقالت لأمي فلانه مو راضيه أروح وياها المجمع مع بنت خالتي راحت أمي وخالتي يضحكون وقالوا لها أصلا بنت خالتك مو رايحه يعني فلانه مو رايحه طبعا أنا انصدمت!!!!!!
و أنتظرها تتصل علي تعتذر ولا شي لأني لو ما قالت لي أمي كان رحت و جلست أستناها ولا اتصلت
وبعد اسبوع كان يوم الاربعا وكنت راجعه من المدرسة وانا مانمت إلا الساعه 2 الليل ولا حتى نمت الظهر كان عندي شغل أسويه وكنت مرره معصبه ومو في شعوري
واجتمعوا خالاتي عندنا ومن دخلت بنت خالتي وانا أتغلى عليها تعرفون يعني كيف وقلت لها كيف ما تتصلين تعتذرين وكله من باب التغلي المهم احنا البنات عندنا زي الاتفاق إن مشاكلنا مهما كبرت في نظرنا ولا صغرت ما نوصلها للحريم
وقلت لكم ذاك اليوم كنت ما نمت عدل وراجعة من المدرسة تعبااانه فاسألتني خالتي أم البنت شفيك شكلك زعلانه راحت بنت خالتي وتليقفت وقالت إي فلانه زعلانه لأني ما رحت وياها ذاك اليوم و أنا خزيت بنت خالتي وبعد ماراحت خالتي جات بنتها تكلمني وانا يعني بسوي روحي كني زعلت لأنها قالت لخالتي إني زعلانه منها وانا مو زعلانه أصلا وتكلمني ولا أرد عليها وأطالعها بنظرات تغلي وااظحه بعدين قالت انا ضيفه عندك كيف ما تردين علي وهي قبل كذا بشوي قالت لي انا أهل البيت ولا نعتبر نفسنا ضيوف ومن هالكلام قلت لها اختاري يا إنك من أهل البيت يا إنك ضيفه اختاري قالت لا خلاص أنا ضيفه
طبعا أنا غلطت و أعترف إني غلطت وقلت لها (:icon8: >>>>> انا ما عزمتكم أمي اللي عزمتكم

قلت لكم ذاك اليوم مو شعوري إطلااااااااااقا
وبعدين هي راحت ولا كلمتني
المهم يوم اجتموا كل خالاتي وبناتهم على الباب يوم جاو يطلعون قالت بنت خالتي بصوت عاااالي أمي ترا فلانه اطردتنا من بيتهم وقالت لنا إني انا ما عزمتكم راحت خالتي قالت لا فلانة ما تسوي كذا ومادري إيش>>> تبي ترقع السالفه
وبعد ماراحوا خذت تهزيء من أمي ما عمري في حياتي شفت أمي تكلمني بهالطريقه وتسبني و تقولي إنتي طول حياتك وانتي تفشلينا من وانتي صغيره والله لو إنها ضربتني بالسوط أهون لي من الكلام اللي قالته
ومن القهر اللي فيني بعدها لما شفتها هي حاولت تكلمني شويي باشياء بسيطه بس أرد عليها وانا حاااااقده عليها يعني تسألني شخبارك أهز راسي بس

ومن بعدها لا أنا كلمتتها ولا هي كلمتي من عيد الأضحى تقريبا إلى ألحين
حتى خالاتي بدو يشكون و أنا ما أبي أمي تعرف باللي بيني وبينها لأني ماني ناقصه تهزيئه ثانيه لأن كل ما صار زعل بيني وبينها يحطون المسؤووليه كلها علي معنها اهي أكبر مني بثلاث سنوات و انا اللي أتفشل
وفي الأربعا هذا قالت لي أمي إن خالتي قالت لها ايش مسويه بنتك لبنتي بالمووت رضت تجي بيتكم!!
وطبعا تهزأت من أمي تقول لا تفشلينا مره ثانيه يقولون هالأم ما عرفت تربي بنتها وانتي إذا كبرتي ماراح يصير عنك صديقات والكل را يكرهونك
أدري بتقولون إني غلطانه أنا عارفه بس حطوا نفسكم مكاني ما نمت إلا ساعتين ويوم مدرسة وصارت مشكله هناك مع أستاذه وما كنت في شعوري

أدري إني طولت عليكم
بس أنا أبي أحل المشكله قبل ما تعرف أمي بس بدون ما أعتذر من البنت لا بشكل مباشر ولا غير مباشر

و أبي رايكم