مشكلة ضعف المخزون

جواهر الشارجه • 5 سنوات

لصبر اجر :

من وين اخذتي كبسولات كف مريم والله يرزقك ويرزقنا عمدي نفس المشكله تسع سنين لم يكتب ربي حتى معرالعمليات

من وين اخذتي كبسولات كف مريم والله يرزقك ويرزقنا عمدي نفس المشكله تسع سنين لم يكتب ربي حتى...

اختي لا تفقدين الامل ..
خلي املج بالله كبير واسعي لازم تبحثين وتدورين الحلول
انا توكلت على ربي وابتعدت عن الاشياء اللي تضايقني
ومشيت على نظام صحي بعيد عن المقالي والاندوومي والمعلبات ..
مركزه على الاكل طازج مثل بروكلي وسبانخ وسلمون والمشي كل يوم والابتعاد عن الكوفي والشاي
واشرب عسل باللخلطة (حبوب اللقاح وغذاء الملكات وطلع النخل وجنسنغ وزنجبيل ) صبح ومساء
واستعمل حبوب دهيا وكبسولات كف مريـم لفوائدها
وانزيم كيو 10
اشرب ينسون ومراميه
والحين بشرب بردقوش
لازم هالاشياء اقل شي 4 شهور ونتيجتها عقب تطلع احسن انا الحين كملت شهر وبشوف تجربتي وبخبركم بالتفصيل

جواهر الشارجه • 5 سنوات

سجاياا34 :

وعليكم السلام..ان شاء الله تستفيدين من العسل والعلاجات اللي تاخذينها.. بالعافيه عليك 🌷 الله يرزقك الحمل السليم المعافى الثابت عاجلا غير آجل ويشفيك..

وعليكم السلام..ان شاء الله تستفيدين من العسل والعلاجات اللي تاخذينها.. بالعافيه عليك 🌷 الله يرزقك...

حبيبتي امين اجمعين ويارب يرزق كل محروم بالذريه الصالحه

مكالمة معلقة • 5 سنوات

اليانسون يرفع هرمون الحليب اتركية
خليك على المرامية والعسل والحبة السوداء
وتمرخي وفالك الحمل بتؤام يارب

مكالمة معلقة • 5 سنوات

اشربي الأناناس ممتاز

*ذهبة* • 5 سنوات

عزيزتي انا متاخره بالحمل وصار عندي رصيد كافي من المعلومات ماازكي نفسي لان كله بيد الله احيانا الوحدة كل شي يكون فيها تمام وسليمه وتطول بالسنوات مانخلف واحيانا العكس الاطباء والعلم يصكونها بوجهك ويقولون لك مافي امل للانجاب لكن قدرة الله تغلبهم على العموم لو جينا من المنظور العلمي ضعف المخزون ماله حل يعني مستحيل في شي ممكن يزيد العدد لان هذي خلقه ان الوحدة تولد ولها عدد معين ومع تقدم السن العدد ينقص مافي شي ممكن يزيده
لكن بما ان عندك عدد ولو كان قليل معناها في امل ان تحملين لو كان كل شي تمام عندك استخدمي فيتامينات تحسن من جودة البويضات المتبقيه عندك سواء طبيعيه او طبيه مثل العقاقير واختصري على نفسك بما ان انتي على مشارف الاربعين اسرع حل هو طفل الانابيب توكلي على الله ومافي شي بعيد على الله ربي يكتب لي ويكتب لك حمل طبيعي سليم واحنا مستورين في بيتنا قدرة ربي عظيمه يقول لشي كن فيكون التزمي بقراءه سوره البقره والصدقه والاستغفار والحوقله ففيهم العجب وتفرج لك من حيث لاتعلمين