مشكلة عضوية

السلام عليكم يا اخوات عندي سؤال أو استفسار ومش عارفة اقول لمين الصراحة عشان يفيدني
انا بحس ان أعصاب رجلي اليمين بتقلب وبحس بصعوبة في حركة نصف جسمي اليمين وبحس بإختلال في التوازن لما أقف في كثير جدا من الأوقات
المشكلة اني كشفت عند دكتور مخ واعصاب وعمل فحص لاعصابي باستخدام النقر علي مواضع الأعصاب وقال مافيش مشكلة في اعصابي وطلع عندي نقص في فيتامين د شديد جدا والكالسيوم كمان
فهل احد منكن كان عنده مشكلة مشابهه وتوصل لحل أو حتي لو في دكتورة تفيدني في شئ
لأن الموضوع فعلا مأزمني وكمان نقطة انا عندي نسيان وعدم تركيز وسرحان بنسبة كبيرة
وبحس اني مش متوازنة وده انعكس علي نفسيتي وتنظيم حياتي كلها
فبطلب منكم الإفادة في الموضوع لأنه يهمني اوي وجزاكن الله كل الخير يا اخوتي