مشكلة عمتي

السلام عليكم ابغا رأيكم صراحة ماني عارفة اقرر
انا صارت لي مشكلة مع عمتي هي قريبة من عمري وانا و عمتي مع بنات عماتي دائما نجلس مع بعض يعني قولو بيننا عشرة وعندنا قروب سناب مع بعض تمام صارت مشكلة بسيطة بيني وبين عمتي هيه انقهرت مني وفسرت من عندها تصرفاتي وراحت كتبت كلام عني ف القروب واني خبيثة وانها تعتبرني زي اختها بس انا خبيثة😩 المهم انا مارديت عليها بحكم انها عمتي احترمتها وقلتلها بس كل واحد يعرف نفسه ما يحتاج تقولي وهي عصبت برضو لمن رديت بدا الرد و زادت في الكلام وخرجت من القروب المهم قالت لعماتي كلهم وكلهم ضدي حتى بابا 💔 وبدون حتى مايسمعو مني انا صراحة مابررت لهم الي يحبني منجد ويعرفني يعرف اني ماني كدا عشان كدا مابررت لهم المشكلة بيني وبينها ومن حقي ابررلها هي فقط بحكم العشرة الي بيننا وفي حاجات ساعدتني فيها وانا انقهرت انها قالت للكل ومسوية نفسها هي الصح وانا الغلط المهمم صار شششهر واتواجهنا وكل وحدة قالت الي عندها واتسامحنا وهي اعتذرت مني وباست رأسي المشكلة الان فيا انا
انا مسامحتها بس مااقدر ارجع زي اول 💔 فهمتو قصدي يعني احس ماابغا اتعمق معاها اكثر ابغا اكون رسمية هي كم مرا عزمتني في بيتها رحت المرة الاولى بس احس بلخبطة اجلس افكر اروح وكأنه عادي ماصار شي ولا مااروح ولا اروح بس في المناسبات الخاصة ماابغا اكثر حتى روحاتي عند عماتي لانهم كمان اتكلمو من ورايا بس من قدامي محد يقدر يتكلم وكأنه ماصار شي دا الموضوع مضايقني ونفسي انتهي منه