مشكلة عمتي وخوفها من الفضيحه ...أفيدونا يابنات حواء ..

السلام عليكم ورحمة الله وبركاته
عمتي يابنات اتصلت فيني تبكي وتسألني عن حل لمشكلة صارت ببيتها وانا الان اطلب منكم الراي والمشورة
عمتي متزوجه من شخص سبق له الزواج من وحده وتوفت وتركت له 4 أبناء ربتهم عمتي لحد ماتزوجوا وكبروا وكل واحد راح ببيت واستقر مع زوجته وعياله
المهم عمتي برضو عندها عيال متزوجين الان وواحد منهم ساكن معها بالبيت << هالشي ذكرته للتوضيح فيما بعد
المهم عمتي هذي زوجها تعبان والزعل يأثر عليه مرررره حتى ان له نظام خاص بالأكل والشرب علشان صحته
قبل اسبوع سووا له تحاليل ونصحهم الدكتور بأنهم يريحونه ويدارونه كون ان قلبه مايتحمل
جوا طبعا عياله يزورونه بالبيت
واحد منهم زارهم 3 أيام متواليه ويتردد عليهم بكثره
فاليوم الثالث كانت عمتي بتطلع من البيت لابسه ومتجهزه الا بجية ولد زوجها
سألها بتطلعون ؟؟ قالت ايه مابيبقى بالبيت أحد ادخل جوا سلم على أبوك اذا تبغاه قبل لانطلع حياك ربي
الولد دخل وسلم وطلع وصار يحوس بالبيت بعدها تقول سألني كلكم ياخاله بتروحون
تقول قلت ايه حتى مرت أخوك معاي وعياله اللي هوم عيال ولد عمتي اللي ساكن معاها
وكرر عليها السؤال أكثر من مره لدرجة ان عمتي استغربت من الحاحه بالسؤال
تقول طلعنا من البيت كلنا وهو مازال عند الباب
المهم رجعت عمتي من مشوارها بوقت متأخر ونامت هي وعيالها الا الصباح زوجة ولد عمتي تدق عليهم الباب
قالت ياخاله الخدامه ضربت علي الباب تبكي وتقول بروح ديرتي ماراح اجلس هنا
تقول استغربت وطلعت اكلمها قالت ياماما انتم لما طلعتوا امس جاء ولد بابا يتحرش فيني وهربت منه وقفلت علي الباب وانه ياماما اكثر من مره يحاول وانا أصده بس هو مايخاف مني
تقول عمتي انا انهبلت وتذكرت حركاته قبل لانطلع من البيت
طبعا سألت ولدها اللي ساكن معاها كون انه رجع البيت بدري تقول سألته أخوك مر البيت يافلان قال ايه يايمه لاقيته عند الباب الساعه الفلانيه وقال اني جيت اسلم عالوالد << طبعا ولد عمتي هذا ماكان موجود بالبيت من الصباح بعمله
وعمتي انهبلت لأن الساعه اللي كان متواجد فيها ولد زوجها قدام البيت بعد ماراحت من بيتها بساعتين
تقول خفت أشك من غير دليل لكن اللي قطع الشك ان واحد من مفاتيح البيت ضاع منهم قبل يومين بس من هالسالفه
والخدامه تقول اني قفلت كل شي ودخلت انام الا اسمع الباب ينفتح سألت مين مين ؟؟؟ محد رد
تقول لما نزلت الصاله أتأكد الا هو واقف بالصاله بالظلام ويمسكني ويجرني وانا هربت منه
الان عمتي بتنجن تقول وش أسوي ماودي زوجي يدري عن ولده ويجيه حاجه لاسمح الله
واخاف اتكلم مع الولد وينكر وتصير بيننا قطيعه
موقفها جدا صعب
انا قلت بشاور بنات حواء قبل لاأرد لها بشي لأنها كلمتني منهاره وتبكي مع العلم ان ولد زوجها هذا سبق وطلب من ابوه انه يبيعه الخدامه بحجة أن زوجته تعبانه ولازم لها خدامه تعرف الشغل
أفيدونا ياحوائيات وش العمل ............