مشكلة عمل

السلام عليكم صبايا أنا بدي آرائكم بمشكلتي تحملت كتير ومو عارفة شسوي
أنا وقت خلصت دراسة اشتغلت بشركة سياحه وبعدها تركت بسبب اختلاف الأجر وتاني شغل بعد شهرين كمان اشتغلت بشركة استيراد وتصدير فتت جديدة وتعلمت كلشي وصرت شوي شوي عندي كل الأمور الإدارية لدرجة كل مايصير مشكلة أنا بحلها وع طول بساعد الكل وحتى يجو موظفين جداد وانا دربهم والبنات يلي بدربهن ما يحبو الشغل ولاصاحب الشغل ماتحملوه أنا ضليت بالشغل ولو اني مو مبسوطة بس كرمال اكسب خبرة و لاقي فرصة افضل يام صاحب الشغل ياخرني ومرة هزئ بموظف المبيعات صرلو عندو شي 3 سنين و بهدل فيه وحطني مكانة ورجع موظف عادي لاني اشتغلت عرض سعر و عجبو والموظف ماكان يفهم عليه و بعدها الكل صار يكرهني انا طبعا ما اخدت مكانه وضليت بمكاني وكمتن صح في موظفين إداريين معي بس كل الشغل عليي هنن ممكن يتلقو اوامر مني كرمال يعملو شي المهم انا اتحملت كرمال فيد نفسي ولو اني مو مبسوطة بعدها تركت الشغل لان كمان بالبيت انا كلشي بسويه وبساعد امي ونحنا ساكنين كزا عيلة بالبناية ف صار ضغط عليي وتعبت كتير ف تركت الشغل لان صار دوام 9 ساعات وراتب ما عم يزيد يمكن لان البنت بتشتغل بفكروها جاية تتسلا وتضيع وقت كرمال ماتقعد بالبيت ومابيعطوها راتب عالي انا راتبي كنت كلو اعطيه لامي وما اصرف زيادة وكنت اعطي دروس خصوصي ضليت شي 9 شهور بالبيت بشتغل شغل خاص الي ممكن طلع منو مصروفي هلق بعد هالفترة اجاني كزا عرض عمل الحمد الله جيدين اصلا نت مقررة ما اشتغل كرمال مضايقات العمل صرلي هلق 3 شهور بهالشغل هو صاحب العمل عم ياسس جديد شركة ف هو كمان معرفة مع اهلي انا اجيت واتفقنا عالشغل وبلشت شوي شوي صرت اتدايق من التصرفات تبعو و شخص وسخ ونسونجي وانا بصدو وعملت مشكلة كرمال اترك اجى هالشخص لعنا وصار يقول انا ما بأن بحدا غيرك ومن هالحكي وعامل حالو منيح قدام اهلي وهنن سدقوه ووقفو ضدي مع اني حكيت كلشي وانا مابخبي بحكي كلشي بصير معي وهلق كل يوم بنزل عالشغل وانا بكرهو للشغل وقرفانتو ومابحب اشتغل شي بس هيك بجي رفع عتب يعني كمية التوتر اثرت عليي كتير اكتر من اية شغل جربت اشتغل فيه يعني صحتي كتير اتلخبطت من التوتر والله ببكي كل يوم علاقتي كتير رسمية مع الكل بالشغل
حتى اني اشتغل لهالشركة مو طايقة بقول مابيستاهل اصلا هو مو متعلم وشخص غير متواضع ومدري كيف بلدي كتير وبخليني ساوي قهوة ومن هالشغل هاد مع انو ما تفقنا هيك مع العلم اني واجهتو بس وبس يجي ضيف بيجي بخجلني قصدا وبيطلب مني ساوي شي انا مستحيل ساير ولابعرف ساير اصلا بتحمل بتحمل بعدين خلص بنفر من كلشي

الرجاء النصيحة صبايا يلي بالمشكلة مابيعرف يفكر بالحلول او يشوفا عحقيقتا بعتذر كتبت كتيييير حكي بس صدقا مخنوقة كتير وماعاد فيي اتحمل هالقرف وكرهت كلشي
شكرا صبايا