مشكلة عويصة//تم التعديل مع غلق الموضوع

قبل السب ارجوكم تذكرو ان الانسان مبتلى في هالحياه وانا هذا ابتلائي العظيم وماعرضت مشكلتي الا رغبه في مساعدة احد ولان هالموضوع حرج فماقدرت افاتح فيه احد غير انه صار يهدد علاقتي بناس كثير حولي
عارفه بتقولون مراهقه صغيره بس انا مو صغيره انا ٢٦ عمري وعندي بنت ومتزوجه اشتغل بقسم المونتاج والجرافيكس وكانت حياتي طبيعيه لحد مااشتغلت معي وحده من احدى البلدان العربيه مختلفه في مذهبها وعقليتها وهيئتها عن البقيه وكان فيني فضول اعرف كيف حياتها كانت تجذبني وادخل في حوارات معها وينتهي الحوار كل مره وانا ابي اتحاور معها اكثر واكثر تطورت العلاقه وصرنا دايم نسال عن بعض وجا اليوم اللي قالتلي انها منجذبه لي وداخلها شعور تجاهي يحتاج ترجمه وصارت علاقه مابينا من بعدها دخلت في دوامه وصراع داخلي فاتحت وحده من صديقاتي المقربات ولكنها زادت الطين بله وقامت تشتمني بابشع الاوصاف فكرهت نفسي اكثر واكثر لقيت الحل اني ابتعد عن هالبنت لكني وجدت منها حب اكثر من ماسبق احس نفسي مااقدر ابعد عنها في شي يربطنا مو عارفه شلون رغم ان العلاقه ماتكررت فقط مره وحده هالشي بالطبع اثر على بيتي وزوجي كل شوي يهدد بيتزوج لانه شايفني منشغله عنه وانا ماعاد صار يهمني صرت ابحث عن الطلاق وكل قلبي مكسور بس على بنتي انا مو عارفه وين اودي نفسي يابنات حاسه اني ماشيه في قطار بيوديني للهاويه وبنفس الوقت انا كاني منومه مغناطيسيا مو فارقه معي فعليا مو فارقه معي ابي ابتعد عن هالبنت وماابي ماادري شلون فكرت افصل من وظيفتي لكن لو فصلت وين اتوظف وين اروح ؟ شورو علي ربي يسعدها اللي ترد بدون تجريح لاني كارهه نفسي اصلا ماابيكك تزيدونها علي