مشكلة عويصة.. من تنقذنا.. ولها الأجر

السلام عليكم ورحمة الله وبركاته..

عساكن بخير..

حبيبـــاتي.. عندي مشكلة..

وأريد حل في أســـــــــرع وقــت ممـــكـــن..

والمشكلة في حرمة خالي.. المسكينة

مشكلتها الله يسلمكن في شعرها.. شعرها ماشاء الله طويل وكثيف وأسود مثل سواد الليل.. وهي من النوع اللي ما تعمل سشوار كثير لشعرها.. لأنه ناعم وهي محافظة عليه.. وتعمله بين فترة وفترة حمام زيت.. والحمد لله شعرها غزير وناعم..

المشكلة.. كان عندها عرس وراحت الصالون عشان تصفف شعرها.. وحطت لها الكوفيرة كمية كبيرة من الجلي المثبت للشعر .. وتعالوا شوفوا يوم ردت البيت.. وغسلت شعرها.. صار يتساقط بكثرة وصار لها مثل الوخز في الرأس.. ولين الحين تعاني من تساقط الشعر والوخز في الراس.. مع انه مرت فترة على العرس تقريباً شهر ونص..

والله حالتها حالة المسكينة.. مع أنها تغذي شعرها بالزيوت الطبيعية .. لكن ماكو فايدة..

فالله يخليكن.. اللي تعرف علاج فعال لهذي المشكلة تنجدنا بيها.. وراح ندعي لها دوم إن شاء الله..

تحياتي،،،،،،،،،،،