مشكلة غريبة ساعدوني على حلها

السلام عليكم

عندي مشكلة غريبة ما أدري شنو أسوي مرات أحس إني فيني مرض نفسي و لازم أروح حق طبيب نفسي أبي أي شي يمكن منه فايدة

كل ما يقرب مني زوجي أنفر منة و غالبا أجبر نفسي عشانة لاكن إذا صارت ذيج السالفة و أتمنى إنكم تكونون فهميني أكون مرتاحة و عادي و كل شي طبيعي و عقب مايخلص و يوخر عني عيوني تنترس دموع و أقعد أبجي و الله ما أدري من شنو

مع العلم إني صارلي سنتين متزوجة و عندي ولد و أحب زوجي و ولدي وايد

ما أدري أذا كان هالشي من سر محد يعرفة و بقولكم إيا كنت أحب واحد قبل الزواج لمدة ثلاث سنين لكن من المشاكل أول ما يا ريلي يخطبني وافقت و عقب و ما يبت ولدي حسيت إني ما أحب بالدنية أحد غيرة و إنة أهو حبيبي و صديقي و كل شي و جودة غناني عن كل شي بالدنية
و صار هذا مجرد ماضي


لاكن هذي الحالة اللي تيلي متعبتني وايد متعبة ريلي لاني أكسر خاطرة لما أبجي


أسفة:44: على الطوالة بس حسيت إن هذا المكان اللي ممكن إلاقي في حل أو كلمة تريحني:06: