مشكلة فتاة حديثة الزواج

السلام عليكم اخواتي في عالم حواء
انا عضوة جديدة ومتزوجة جديد ليا شهر تقريبا
عندي مشكلة وحابة اني اطرحها عليكم عشان استفيد منكم ان شاء فلا تبخلو عليا بالردود🌹
هذي اول مرة اتزوج انا طالبة جامعية عمري ٢٢ سنة
انا انسانة اميل للشخصية الجدية مع اني مني جادة ١٠٠% بس اميل للجدية 😏
في المقابل زوجي رجل كثيييييييير المزاح وانا بطبعي لا اتحمل المزاح من يوم كنت في بيت اهلي اتحمل شيء بسيط بعدين خلاص ما اقدر اساير 😠وزوجي لاحظ فيا هذا الشيء مع اني ما اسب ولا اعصب بس وجهي يتغير😡😡😡 وصار يقولي انت مرررة جدية ارتاحي شوية اتونسي وامرحي 😜
هو مزحه من النوع اللي طفولي شوية ويميل للسخافة واحيانا يلعب بالكلام فما اصير اقدر افهم ايش قصدو بالزبط مع انو اكبر مني ١١ سنة 😭😭😭
صرت اخاف اني اكون فعلا انسانة نكدية لانو اهلي بالبيت قالو لي خففي نكديتك بس انا ما احس اني نكدة 😕
وصرت اخاف انو زوجي وانا ما نقدر نكمل كذا 💔💔💔
غير كذا ثرثار مع اني شفت الثرثرة فيه من يوم كنا مخطوبين بس ما توقعت انو ثرثار لهذي الدرجة
واحسو كمان يتكلم يتكلم يتكلم ويوم اجي اتكلم ما يسمع حتى لو نضحك ونتكلم كلام جيد ومرح مع بعض 😔😔😔😔
انا ما ابغى اتنازل مئة بالمئة واتغير عشانو لاني ما ابغى اتعذب بكثر مزاحو واصلا كثرة المزاح خطأ
فما اعرف ايش اسوي وكيف اقدر اخليه يتخلص من هذي العادة لانو رجل طيب لو خفف مزاحو رح اكون كويسة
معليش اذا طولت عليكم🌹🌹🌹🌹