مشكلة فروة الرأس المتهيجه و الحساســــــه

كلمــــــه و لــــو جبـــــــــــــر خاطـــــــــــــــر :(

Swan Lake وعليكي السلام ورحمة الله وبركاته
الله يشفيج ويعافيج

شوفي .. توكلي علي الله وروحي اي كلينك جلدية او روحي الصيدلية وقوليله عن شعرج وجلدة .. شوفي مشكله القشور فقط بالرأس ان كانت قشرة اشتري شامبو لعلاج القشرة من الصيدلية اما ان كانت قشور لازقه بالرأس ووحكه وينشلعون بيدج لما تضغطين عليها مع حساسه حبوب صغار تحسين تحرق الراس .. فهذه نوع من الحساسية براسج أيضا روحي الصيدلية اشتري شامبو او روحي طبيب خاص


بالنسبه لي اخر فتره قبل اسبوعين حاشني بقمه راسي قشور ثقيله وتطلعلي حبوب صغيره مثل الحساسية رحت الصيدلية وعطتني شامبو وهو ( نيــــــزورال Nizoral ) كرتونه لونها اصفر مكتوب عليها

لعلاج قشر الشعر وإلتهاب الجلد الدهني 100 مل شامبو -- سعره بالكويتي 3 و 300 فلس قرشه صغيرة

شريته امس الخميس بليل واستخدمته لشعري قالت لي لمدة 3 اشهر مرتين بالاسبوع .......... اما بالايام العادية استخدمي شامبو اللي دايما تستخدمينه
قبلها كنت استخدم سكين كاب شامبو بس من قطعته شعري صار اوكي فتره شهر ثم ارجعت لي القشرة وعلي فكره القشره اذا كانت بالراس تطيح الشعر وااي دواء علاج تستخدمينه لتساقط الشعر او خلطات ما ينفع طالما مشكله قشرة الشعر موجودة



تمنياتي لج بالشفاء العاجل والصحه والعافية


والسلا م ختام

الغاليه شمس بدر مشكووووووره على ردج بس اليوم شفته وأنا ادور عن موضوع .....لانه البنات احبطوني...وما كان عندي امل حد يرد علي....بس انتي يا عسل والله كلج ذوق......:24:
بالنسبه لشامبو نيــــــزورال....هذا انا وصفها لي صيدلي من زمان....هو زين حق فروة الراس.....لكن خلى شعري ايطييييييح بشكل....حتى اذكر رحت حق الصيدليه اللي شرته منهم....وقلت لهم عن المشكله....تم الصيدلي ايقولي لا لالالا هذا ما ايطيح الشعر....غريبه انتي تقولين هالكلام...حتى قال لي بتصل لج بدكتور جلدي صديقي وبأكد لج على كلامي...وكلمت الدكتور وقال نفس كلام الصيدلي انه ما ايطيح الشعر.....عاد وانا اتكلم معاه كانت حرمه في الصيدله وسمعتنا جان تي و تقول صح كلام البنت هالشامبو انا مجربتنه ووايد ايطيح الشعر...وقالت لي انصحج اتهدينه....فا ما ادري في ناس يمكن ما يناسبهم و في ناس ايناسبهم.....
بس انا قريت مره في مجله ان فروة الراس الحساسه والمتهيجه يكون سببها هروموني او بسبب الضغوط النفسيه والمشاكل او بسبب استخدام مواد قويه على فروة الراس او عمل مساج لفروة الراس بقوه.....ما ادري شكلي بروح احلل هرموناتي....اكيد فيه خلل فني.....
على كل حال مشكوره اختي على ردج لي وجزاكي الله كل خير....:26::24:

لا اااااااااااااااااا كح كح لا تقوليننننننننننننننننن .. ضاق خلقي
عاد توني شاريه الدواء استخدمته مره وحده .. اتهقين راح يطيح الشعر ؟؟؟ ايممممممممم .. خو انا ما صدقت يوقف ............. ايممممممممم تدرين اشلون دامني شريته اتوكل علي الله واستخدمه بس من يخلص بغير الشامبو .. علي الاقل احلل فلوس الشامبو

وشكرا عالمعلومه يالغالية


علي فكره اذا بسبب ضغوط نفسيه .. تبين نصيحه مافي اكثر مني ضغوط نفسيه بالبيت بالدوام وتعب من قلب حتي تجاعيد تحت عيني والسبب التفكير والضغوط النفسيه اللي اعانيها .. والله الكريم يفرجها علي

شوفي الله يسلمج اشرب كل المشروبات العشبيه اللي تسبب ارتخاء وريلاكس مثل

الكركدية - كمون - كراوية - يانسون - نعناع - زيزفون - وخاصه اخلط الكمون والكراويه واليانسون مع بعض وافحوه بماي لمدة 10 دقايق واشربه يا سلاااااااااااااااااااااااام مهدي للاعصاب

والكركديه ما عليه كلام

وايضا التلبينه وهي عن حديث الرسول صلي الله عليه وسلم .. ماني حافظه الحديث بالضبط بس ملخصه انه مسجمه للفؤاد مفرحه .. وكانت عائشه رضي الله عنها توصي به للنساء للي ازواجهم او احد متوفي عندهم لانه ينفع للحزن الشديد والكآبه

وطريقته ... كفشتين شعير كامل مطحون .. يذوب بقلاص ماي علي نار هادئة مدة خمس دقائق وعقب قلاص حليب ويحلي بالعسل ....... والله وبالله انها لذيذه جدا جدا وايد مفيدة ..وفيها فيتامين ب ايضا



والسلام ختام

عزيزتي................................
الحنا افضل حل :26:

او
السدر:26: