مشكلة في مدارس الاولاد؟؟؟؟؟؟؟؟؟

التشجيع التشجيع التشجيع بالكلام وليس فقط بالحلاو والهدايا

والسلام

السلام عليكم
اختي الظفيرية ....
انا مجربة تدريس الأولاد وصار لي4 سنين وهذي ان شاء الله الخامسة
مو الوسيلة اللي تجذب الأولاد للشرح لكن شخصية المدرسة واسلوبها ساعات تكون شديدة وساعات لا على حسب الموقف والاولاد انواع نوع يمشي بالهدايا ونوع يالتشجيع مثل يابطل
احنت ومن مثل هالكلام وفيه نوع بالدرجات وفيه بعضهم شيطان والمدرسة كلها متأذية منه بس اذا كلمتيه كأنه واحد كبير ونصحتيه راح يحترمج ..... هذولا صادفت منهم كثير... وفيه اللي بالتهديد ( مره عندي طالب شيطان لدرجة ما اقدر أشرح استدعيت أمه وقالت انه يخاف من أبوه .... لما قلت حق الولد ترى اعلم ابوك من يومها ما تشيطن عندي ) المهم هي تعرف طريقة التعامل مع كل واحد منهم لان فيه فروقات فردية بينهم ....

بالنسبه للوسيلة خليها تسوي وسيلة فيها حيوية يعني مو رسمة وبس
مثلا... انا طبعت صورة كونان على بطاقة عادية ... وحطيت جيب تحتها ... وأحط فيها بطاقات الجمع أو الضرب أو رموز الاعداد .... وأقول من يجاوب على اسئلة كونان
ومرة سويت علبة سحرية ( على شكل اسطوانة) وسويت معاها عصا سحرية وبالعلبة احط بطاقات الاسئلةأو أشياء يعدها التلميذ ( أولى ) أو رمز العدد الجديد...
بس لاتكثر الوسائل بحصتها تراهم بسرعة يملون ولا توزع كل يوم هدية ترى جذي تفقد قيمتها ....
وفي طريقة حلوة لحفظ النظام والنظافة بالحصة .... وهي انها تسوي بطاقة وعليها وجه يضحك ومجلدة واخر 10 دقايق بالحصةأو هي ترسم على السبورة .... تختار الولد الهادي اللي يجاوب وتكتب اسمه وتخليه هو اللي يقول ( افتحوا الكتاب صفحة .....)

بس تعبت ...
اخاف اختج معانا بالمدرسة:42: لان مدرستنا كلها ظفيريات....

الرجاء مراعاة الادب **

السلام عليكم ....
مع اني ماقريت الرد الثالث .... لكن حبيت اقول للاخت ...
قال رسول الله عليه وسلم:
ليس المسلم بالطعان ولا اللعان ولا الفاحش ولا البذى

وشكرا للمشرفة لان هذا القسم هو ملتقى المعلمات اللي يعتمد عليهم المجتمع في بناء الفرد وتربيته التربيه العقليه والدينية والاخلاقية وهذا هو المهم ....