بسم الله الرحمن الرحيم
السلام عليكم ورحمة الله وبركاته
خواتي عزيزاتي ,,
بتكلم عن مشكلة قريبتي هي تصغرني ب 10 سنوات لكن ماشاء الله عندها عقل وربة بيت من سن المراهقه واصغر كانت ماشاء الله
لكن مشكلتها مع امها مردي تغار منها ولا حاقده عليها
امها من يوم كانت بنت يقولون انها حسوده وايد وخاصه مع اختي الكبيره اي شي تشوفه تبغي زيه
يوم اختي خطبها ابن خالها راحت شبكت ولد خالنا الثاني المسكين بشهرين خطبها مدري كيف لعبت عليه وكان ولازال طيب وعلى نياته وينقد حظه بزواج
يعني مو بس الحريم مسكينات حتى الرجاجيل منهم هو شخص طيب وعلى نياته وفي حاله مايحب يتكبر على الناس وانسان دايم يسامح ومايحقد
زوجته عكس كل هالصفات بس هي طيبه ودمعتها في عينها ودايم تقلب الامور لصالحها لكن عيبها اللي في قلبها ولسانها
تعيب كثير تنتقد كثير تفتن كثير اي شي عند غيرها تبغيه حتى زوجها مستواه المادي مب لين هناك لكن تخليه يستدين عشان بس ياخذ لها او ياخذ لعيالهم الصغار للمفاخره
كثير تتكلم في خوات زوجها مع انهم قريباتها بنات خالها تنتقدهم وتنتقد عيالهم وتنتقد ام زوجها وحريم اخوانه وتتحداهم ماتخلي شي فيهم
هم مايتدخلون فيها بس هي تتنقرش
المهم بنتها من كانت بنت ماشاء الله شغاله في البيت طبخ وتنظيف وتمسك اخوها الصغير وكانت تدرس كل شي عليها
مع هذا كانت تنتقدها وتلعنها وتسبها تقول ليت ماولدتج والله يشهد علي ان هالبنت ماترفع صوتها على امها
طالعه على ابوها
لكن مو سالمه من امها مدري ماتحبها لان تحمل اسم ام زوجها خير الاسماء والله وتحب الثانيه بنتها الصغيره هي سوسه بس بشكل انسانه بريئه وهاديه :huh: واسمها على اسم امها تدلعها اكثر من الكبيره
المهم بنتها الكبيره كان يحبها ولد عمتها وهي ماكانت تبغاه كانت تتمنى ولد خالتها بس ولد خالتها ماكان يبغيها
وكنت اقولها اثقلي كل احساسج بالحب وهم وخاصه ان بسرعه تحب كانت قلت انتي نفسيتك تعبانه عشان امك ومعاملة امك لك بس حرام تقطين نفسك بالنار هالكلام قلت لها يوم صارت تكلم ولد عمتها بالماسنجر ذيك الايام الغبره ;) وتخبرني عن كل شي اقولها ابتعدي عنه مايصلح لك ولد عمتها اكبر منها بسنه لكن فيه صفات سيئه جرب يشرب كان صغير عمره 18 وجرب يسرق فلوس اهله وجرب يلعب على البنات مع ذلك ماتخلى عن حبه لها يوم راح الجامعه قال بخطبها وبسافر المهم جا خطبها رفضت امها بكل قوه وراحت قالت لاولادها انها تكلمه بتلفون راحوا هم الثلاثه ضربوها ضرب وعلى فكره امها فتنت كذب عليها
بس ماعرف ليش حاقده وخاصه تكره ام الولد اللي هي بنت خالها تغااار منها واستانست يوم شافت زوجها تزوج عليها
المهم البنت نصحتها وقلت لها انا خبرتك قبل تبتعدين عنه لو يحبك بيترك كل اطباعه ويعقل وانتو صغار قدامكم الدنيا انتي قدمي للجامعه ولاحقه على الزواج سبحان الله كلما تقدم مايفلح وهي تركت الولد بعد النصيحه وقالت ماتبيه
بعد اشهر ياتني تبكي قلت وش فيك صورت جوال امها الواتس اب تكلم الولد تقوله اذا تبغي بنتي تعال اخطبها
وهي مصدومه كيف امها بعد ما ضربها بعد ما سوو لهم مشاكل تقوله تعال اخطبها ولا تضحك معاه وتمدحه تقول امي مجنونه انا خلاص ما ابغيه
حنت على راسها لين قلبت رايها ووافقت البنت
قالت الزواج علينا خلت ابوها ياخذ قرض ليتمم زواج ابنه رغم ان هي طقت الصدر ان الحفله عليها بس اهل الولد ماسلموا من لسانها وانتقاداتها
المهم البنت عرست وكأن محد معرس قبل غيرها وتنشر الاخبار وتتكلم وتضخم الامور ووووو بنتي سوت وبنتي وبنتي وبنتي وبنتي
مع مرور الايام بدت تسوي لهم مشاكل طبعا البنت خذت منحه مع زوجها برع مسافرين يدرسون اثنينهم لله الحمد ربي عوضها
لين يجون السعوديه الام تزعل ان بنتي ماتنام في بيتهم عند زوجها تنام عندنا مع ان بيوتهم قريبه وهم حدووا ايام بين بيتهم وبيت الزوج وقت مايجي تنام هناك تسوي مشاكل وتزعل الام او اذا زوجها كان يبغي يطلعها ويعطيها هديه او اي شي الام تحاول تخرب
زهق الولد من تصرفات الام ورد لعاداته القديمه اللي هي انه يكلم بنات
المشكله ان الام مراقبه صايره تراقبه بكل مكان يعني بالانستغرام اي بنت هو يضيفها تقوم تضيفها دام زوجته ماتسوي كذا هي شدخلها
صادته مره مرتين وكان يعتذر ولين يسافرون يتغير لكن من يرجع السعوديه نفسيته تنقلب ويصير يكلم بنات المشكله البنات اللي يكلمهم وع مو حلوات شفت صورهم استغفر الله يسون حركات خايسه
والبنت فقدت الثقه تقول وشفيهم زود عني قلت لها بدال لا تقعدين تصيحين وتفكرين وتسمعين كلام امج
انتي اقعدي معاه كلميه حاولي ان ماعقل كلمي ابوه وبالفعل سوت هشي والولد اعتذر لها وتغير وصار يهتم لها وحذف البنات
وكنت اقولها اهتمي بدراستج ولا تراقبينه كثر المراقبه هي تضغط على الريال اهتمي بولدج بدراستج استغلي فرصة وجودج برع استانسي بالتعارف والطلعات زوجج بيشتاق لج بيحن لج وانتي صري زي صديقه له مش زوجه وبس قالت كيف ماعرف انا ماعرف اشرح لها بس اعرف اطبق هشي على نفسي ,,
المهم هذه الام ماخلصت من مشاكلها سكنت فتره وردت وحده من البنات الخاينات تكلم ولدخا اخو هالبنت وهو استغفر الله يسمونه من الصنف الصايع من كثر ماتعيب بعيال الناس ماتشوف عيالها
هالولد يكلم بنات ومتزوجات منهم وحده ارسلت لها رساله بعد ماتركها ولدها تقول نسيبكم يلاحقني
استغربت من تفكير الام اللي تكلم بنت خاينه زوجها وتكلم ولدها وتصدقها
وتروح تسوي مشاكل وتفتح ابواب الشك بقلب بنتها مره ثانيه ودايما تقول لبنتها انتي ماعندج شخصيه انتي ماتعرفين شي تسوين وانا ابي مصلحتك
زوج البنت يقولها انتي تبين تهدمين بيتي وبيت زوجتي وتبيننا ننفصل هذا اللي تبغينه والام تعصب على البنت وتجرحها بالكلام اخر شي
بس لان البنت قالت انا بتفاهم مع زوجي بدون تدخلكم قالت الام انسي ان عندك ام وانا متبريه منك
وتحب هالام تصغر قدر زوجها وتخليه خاتم بأصبعها وتبي بنتها تكون زيها وتتحكم في حياة بنتها وتقارنها بالغير وتعايرها بالغير
مع ان هالام كذا بس مرات تكون طيبه معانا وغير بس تتكلم في الناس وايد وتحش فيها حتى في خواتها ماسلموا من لسانها وتنكر المعروف بسرعه
زوجها يقول وصلنا عمر كبير كان طلقتها وارتحت لاني تعبت من تصرفاتها وماتخليه يتكلم في البيت نمروده
علموني كيف تتصرف هالبنت انا قلت لها واجهيها بالاشياء الي تضايقك البنت تسكت لما امها تسوي مشاكل وتفضفض لابوها المسكين سبحان الله ناس تعاني من جفاف الاب وهذه تعاني من قسوة الام لان اذا تكلمت امها مابتخليها بحالها بتخليها ماتسوى ريال وبتتكلم عليها عند الكل لان امها تتكلم في عيوب زوج بنتها في قروب الاهل
طبعا تقريبا نحن بنات الخالات كلنا حصلنا لسعه منها بس كنا نتغاضى هالامور لجل ان نحن اهل يعني انا يوم كنت مخطوبه لولد خالي بالسعوديه وانا مو من السعوديه بالاساس
هو اخو زوجها بعد كانت تروح تقوله ان خطيبتك تدخل الشاتات والمنتديات وهي تشك فيك انك بعدك تكلم حبيبتك السابقه وانا والله ما فكرت ولا شكيت ولا يبت طاري بس كانت تتكلم بلساني ويجي هو يحاسبني على شي ما ادري عنه ,, :icon33:
بس انفصلت وصارت مستانسه لين اليوم هي مستانسه اني انفصلت عنه وهو تزوج وكلما تشوفني تقولي عن زوجته هي تكرها وتظهر عيوبها اقولها الله يهنيهم انا مو بقلبي شي عليه الحمدلله مرتاحه وهم لايقين على بعض مايخصني فيهم تقول اي صح ,, وترجع تتكلم ماتحس ان مابغي اسمع لو مب فارق العمر والله احرجتها بس استحي ,,
والشي الثاني هي عندها احساس ان زوجها مرات يكلم بس يعاملها زين ومايقصر بحقها ويحبها بس الشك موجود بسبب مواقف سابقه بس هي ماصارت تفتش من وراه زي قبل لما امها تقولها صارت تهتم لامور ثانيه تنشغل فيها
انا قلت لها صيري له الصديقه والحبيبه اكثر من الزوجه حاولوا تغيرين نظامكم بكل شي هي قليلة خبره نوعا ما وانا مو متزوجه عشان اعطيها من خبراتي الزوجيه هههه ف ابغى اقتراحاتكم مع زوجها ومع امها النمروده اللي رافعه ضغطي ,,
البنت تقولي كلمي ابوي وحاولي تواسينه مع انه ولد خالي وزي اخوي الكبير بس ماحبيت اتدخل الا اذا جا بيتنا بدون امه اكلمه قدام اهلي لانهم عارفين الوضع ,,
ماعليش كتبت كثير وتعتبتكم بالقراءه والانفعالات ,, بس ابغي نصايحكم واعتذر منكم ,,
قصائد أحمد @ksayd_ahmd
عضوة جديدة
يلزم عليك تسجيل الدخول أولًا لكتابة تعليق.
قصائد أحمد
•
ليه محد رد علي
ليه محد رد عليليه محد رد علي
الموضوع جدا بسيط و سهل
تسكر اذنها عن امها و لا جنها سمعت شي
اذا هي صج تحب زوجها و تبيه و شاريته حرام تخسره عشان هذي الاشياء
امها فيها هذا الطبع من زمان و انتي بروحج تقولين ان الكل انقرص منها محد سلم منها ف اللي فيهم هذا الطبع يتعاملون معاهم " بالحقران "
يعني تتكلم من اليوم لين باجر تسوي مشاكل من اليوم لين باجر . . خليها تسمع و تطنش و لا جنها سمعت شي
اهيه اللي عليها تسويه تتقرب من زوجها و تحاول ماتخسره
لان كثر الدق يفج اللحام و بعدين محد بينفعها !
امها في منها وايد ترى مب بس اهيه تعاني في وايد بنات يعانون
و انا اتوقع يكون فيها نقص او اي شي ف تطلع النقص والضعف بهالاسلوب البايخ . .
قولي لها كل ما بتكلم امها ما تيب طاري زوجها نهائيا وين راحو شو اشترو شو سوو
ابد ابد ماتيب طاريه نهاااااااااااااااااائيا
وقت ماتنزل السعوديه تقعد عند زوجها احسن لها و تزور اهلها
تقووي شخصيتها مب انها ترادد لا تقوي نفسها و قلبها و تخلي هالكلام مايأثر فيها
و اذا امها من النوع اللي يمشي و يتكلم ف الناس ف اتوقع محد يصدقها لو تعيب ف زوج بنتها
و تحاول تحط حدود بينهم يعني مب كل شي تقول لها . .
و ابووها شايف و عارف لو تمت تتشكى له زياده مسكين مايقدر يسوي شي . .
و فهمييها ان كل الريايل كلمووو بنات قبل الزواج مافي شاب ما مر ف هالتجربه
و ان اغلب الريايل اللحين يكلمون بعد الزواج بس بشطارة الزوجه تخليه يعوووف هالشي . .
اهيه اهم شي ماعليها من اللي تسويه امها ف اخوانها ف ابوها ف الناس
عليها من نفسها و زوجها و بيتها
الله يوفقها و يسخر امها لها و يحنن قلبها عليها
اسمحي لي طولت عليج ف الكلام :icon35:
تسكر اذنها عن امها و لا جنها سمعت شي
اذا هي صج تحب زوجها و تبيه و شاريته حرام تخسره عشان هذي الاشياء
امها فيها هذا الطبع من زمان و انتي بروحج تقولين ان الكل انقرص منها محد سلم منها ف اللي فيهم هذا الطبع يتعاملون معاهم " بالحقران "
يعني تتكلم من اليوم لين باجر تسوي مشاكل من اليوم لين باجر . . خليها تسمع و تطنش و لا جنها سمعت شي
اهيه اللي عليها تسويه تتقرب من زوجها و تحاول ماتخسره
لان كثر الدق يفج اللحام و بعدين محد بينفعها !
امها في منها وايد ترى مب بس اهيه تعاني في وايد بنات يعانون
و انا اتوقع يكون فيها نقص او اي شي ف تطلع النقص والضعف بهالاسلوب البايخ . .
قولي لها كل ما بتكلم امها ما تيب طاري زوجها نهائيا وين راحو شو اشترو شو سوو
ابد ابد ماتيب طاريه نهاااااااااااااااااائيا
وقت ماتنزل السعوديه تقعد عند زوجها احسن لها و تزور اهلها
تقووي شخصيتها مب انها ترادد لا تقوي نفسها و قلبها و تخلي هالكلام مايأثر فيها
و اذا امها من النوع اللي يمشي و يتكلم ف الناس ف اتوقع محد يصدقها لو تعيب ف زوج بنتها
و تحاول تحط حدود بينهم يعني مب كل شي تقول لها . .
و ابووها شايف و عارف لو تمت تتشكى له زياده مسكين مايقدر يسوي شي . .
و فهمييها ان كل الريايل كلمووو بنات قبل الزواج مافي شاب ما مر ف هالتجربه
و ان اغلب الريايل اللحين يكلمون بعد الزواج بس بشطارة الزوجه تخليه يعوووف هالشي . .
اهيه اهم شي ماعليها من اللي تسويه امها ف اخوانها ف ابوها ف الناس
عليها من نفسها و زوجها و بيتها
الله يوفقها و يسخر امها لها و يحنن قلبها عليها
اسمحي لي طولت عليج ف الكلام :icon35:
و صح شي زياده . .
لا تم تقول لزوجها . . امي و امي و امي لان بعض الازواج مايحبون الزوجه الشكايه . .
و غير بعد انتي لا تدخلين ف اي شي خلي هالموضوع عليها هي انتي اللي عليج تنصحينها
اما تكلمين الاب جدام الاهل حرااام لانه ينحرج و فشيله تكلمينه خليها هي تكلمه و تفهمه بطريقته لوو حابه ان تدخل ابوها ف هالموضوع
انتي ابعدي عنه و لا تزيدين الجروح اللي ف قلبه من هالكلام
و صح حاولي ان تفهمينها لما بتكلم ابوها يكون الكلام بينهم ماله داعي يطلع و يوصل لاي احد
لا تم تقول لزوجها . . امي و امي و امي لان بعض الازواج مايحبون الزوجه الشكايه . .
و غير بعد انتي لا تدخلين ف اي شي خلي هالموضوع عليها هي انتي اللي عليج تنصحينها
اما تكلمين الاب جدام الاهل حرااام لانه ينحرج و فشيله تكلمينه خليها هي تكلمه و تفهمه بطريقته لوو حابه ان تدخل ابوها ف هالموضوع
انتي ابعدي عنه و لا تزيدين الجروح اللي ف قلبه من هالكلام
و صح حاولي ان تفهمينها لما بتكلم ابوها يكون الكلام بينهم ماله داعي يطلع و يوصل لاي احد
الصفحة الأخيرة