حبيت اكتب معاناة وحده من قريباتي يمكن القي عندكم حل قبل ماتتهور وتخرب حياتها
المرأه متزوجه ولها ثلاث اطفال وعايشه جفاف عاطفي كبير بشكل ماتتخيلونه من او يوم زواج زوجها طبعه غريب هادي ومسالم والكل يذكره بالخير ويلبيلها كل مشاويرها بس معاملتها لها كأنه اخته تقول ماعنده مشاعر مايمازحني مايقولي كلمه حلوه مايعلق على مظهري (بالرغم انها جميله بس سمينه شوي) لا جاء علق قام سب شكلي يعني ودك يسكت احسن واللي قاهرني يابنات انها تقولي عمره ماجلس جبني وداعبني ومزح معي وضمني ولا حتى بوسه على الطاير وهو ماشي مافي اي شي من الرومانسيه تقول خواته وهم خواته يمزح معهم يمسك يد ذي وينسطح في حضن ذي لدرجة تقول اني اقوم ماعاد اقدر اتحمل الموقف تنقهر المسكينه ماعمره سوالها الحركات هاذي
اناادري بتقولون تحاول تناقشه تشوف وش يضايقه وتفتح حوار معه واقولكم بصراحه المسكينه ماخلت ش حاولت وفي كل مره يتهرب ولا يقول انا ماني مقصر وانتي مافيك شي وماني مضايق منك وانتي مره وانعم ويقوم ويخليها
حتى تقولي في مره من المرات نامو عيالي كلهم ورحت غرفت النوم وحطيت إضاءات حلوه واناديته يسمر معي ونفضفض لبعض ويوم دخل علي صدمني قام يمسك على راسه ورقبته ويقول والله اني تعبان اليوم مانمت زين ابي انام تقول المسكينه جتني صدمه قمت وطفيت النور عليه ونام وان طول ليلي وانا ابكي من القهر
المسكينه اعرفها نظيفه في بيتها ونفسها وماعليها اخلاف الا انه حو محطمها من زمان معاد تتجرا تلبسله لبس فيه اغراء او جذاب وتقول نادرا مايجلس بالبيت وان جلس جلس معه الريموت يقلب بها القنوات ويخليني
المسكينه جاتها اعراض غريبه في الفتره الاخيره صار دايما الظغط نازل وصارت عصبيه وحالاتها حاله
والله مالومها ...على فكره الرجال وضعه الجنسي طيب مافيه شي ياخذ حاجته على قولتها مثل الحيوان ويمشي وتقول حاولت اني امتنع واقهره بس اني اضعف قدام رغبته فاعطيه لاني هذا الحاجه الوحيده فيه اللي تحسسني اني مرغوبه
وش رايكم يابنات حواء الرجال هذا طبيعي ولا لا.. والله انا لاحظته لماتغيب عن البيت وتروح لاهلها مايشتاقلها وم ايدق الا بس يسال عن اعياله ولا رسايل حب ولا شي مهملها بشكل فظيع رغم انها ماتستاهل انا من معناتها معاد قدرت انام الليل انقهرت عليها وقلتلها تشيل فكرة انها تتركه وتروح لاهلها عشان عيالها والمسكينه تقول انها صعبه تشكيه تقول احس فشيله وش اقول لاهلي كيف اشرحلهم المعناه يمكن يتفهوني يمكن يقولون مادامه يلبيلك حاجاتك الماديه وجيبك عندنا وش باقي تبين
تكفون يابنات دورولها حل كاسره خاطري مره
وآسفه اذا فيه اغلاط إملائيه لاني والله اكتبلكم وانا متوتره
اصداف ورديه @asdaf_ordyh
عضوة فعالة
يلزم عليك تسجيل الدخول أولًا لكتابة تعليق.
الله يكون بعونها تحاااااااااااااول هي تتقرب منه تسوي كل الي تبيه يسويه لها وهوتلقائيا بسوي زيها يعني مثلا تبوسه كثير تضمه كثير تحط راسها ع سدره ترسله رسايل وهو بتدريج يسوي مثلها
الصفحة الأخيرة
هي تدعي ربها بالليل ان يصب محبتها بقلبه صب