Dancing^Queen :

اختي انا كنت نفس قريبتج بس الفرق انا اللي غلطانه انا اللي علمت ريلي من بدايه زواجنا اني اصرف علي عمري وعلي بيتي مو علشان شي بس كنت ياهل وابي اثبتله اني ماحتاجه وبعدين بحكم اني كنت ماطبخ ، امي كانت اتطرشلي الاكل كل يوم وماعندنا طباخ وماجله فابوي كان كل شهر يطرشلي السايق مع ماجله بيتي اول ريلي اعترض يقول ليش اتطرشون الاكل؟ ابوي الله يرحمه كان يقول بنتي تحب المشمش جان اشتري مشمش وبنتي تحب هالنوع من الكيك جان شتريه لها وانارايح اشتري اغراض البيت وشوي شوي شرينا الماجله كلها وجذي ريلي شال نفسه وانا كنت غبيه ابي اثبتله انا ماني بحاجتج ولابحاجه فلوسك يعني عشتو انا عيني مليانه طبعا هالشي غباء ومعاشي قوي ومساعدني مع الوقت شال ايده 100% من البيت ومعاشه حقه بين ويييييييين ووين يشتري شي للبيت ولايشتريلي شي الا بعيد ميلادي او عيد زواجنا بس لاني كنت مثل ماقلتلكم غبيه اذا رحنا السوق اسابقه علي الكاشير يعني اثبت نفسي اني مو معتمده عليه قام يحقرني وكيفي اصرف علي عمري وعلي بييتي وعلي كلو بعدين عالجت حق الحمل حطيت فلوس الدنيا ولاني مابيه يسالني شفيج مافيج قمت ادفع من نفسي شوي شوي انقلب الايه وصرت الريال وشايله المسؤوليه واحسب ميزانيه ومعاشي مايكفيني ويالله تقزر لين اخر الشهر بعدين يو بناتي وبس عاد يبت خدامه وخليتها تطبخ ومنعت ابوي انه يدفع الماجله ويشتريلي بعد خدامتي تطبخ زاد المصرف وصار دبلات ريلي مو متعود انه يصرف شبهه انصدم وقام يقولي مصرفج زااااااااايد وشلوووووووون ومالوووووووون ومعاشج وايد وين اتودينه قمت سويت سالفه وبجيت وزعلت وسويت عمري غشيانه وبموت قلتله انت مو الريال؟ والا بس بالاسم؟ انت مسؤول عنيييييييييييييييييي وعن بيتي وعيالي والا ليش تزوجت بعدين شوي شوي اتفقت وياه ايحط ميزانيه للبيت اول شي بدينا بمبلغ عادي اقوله يكفي يكفي وقمت شسوي احط بدون لايدري ازيد شوي او اني اشيل من المصرف بدون لاعلمه وبعدين قمت اخليه اهو يروح يشتري واناماروح وياه فانجبر يدفع اهو مو بخل منه بس انا عودته شوي شوي شال مصرف البيت كله واليهال صار اغلب المشترا لي طلعت وياه اخذ الاغراض واخليه اهو يحاسب واوخر عنه غير جذي صار من ينزل معاشي اشيل من راس مرفوع منه واحول لحساب التوفير الخاص فيني عليييييييييي طوووووووووووووول حتا بدون سؤااااااااااال واخليه وخل افلس لايصير عندي فلوس اردله واقوله هااااااااااات بوكي فاضي وماهده الا لما يحط ابوكي ولاجيس توفيري هذا لي انا يعني اشتغل 5 سنين وماعندي توفير معقوووووله؟؟؟؟ ومعاشي خير من الله تبارك الرحمن ليييش؟ شمستفيده واهو توفيره مبلغ وقدره !!! وان قلتله حط من التوفير قالي هذا للزمن اهو الحين مو مقصر يحط وشال مصرف البيت عني بس التوفير علي قولته مشترك يعني الا يبيني احط وياه :( قمت احقر ولاحط وان قال قلتله انت الريال القوامه لك واذا جذي ابي اشاركك بالقوامه وشوي شوي تعلم بس بالبدايه صعبه خصوصا لما كنت اشوف بيتي يفضا ويظل اسبوع مافي الثلاجه شي واهو كل يوم باجر انشالله باجر انشالله ليييييييييييين عرف من صج اني رفعت ايدي والحين بديت اشتري مره ثانيه بس اشياء لي انا وعيالي واهو بالسنه حسنه اشتريله شي حقه واذا احتاج فلوس اعطيه بس علي سبيل السلف مثل ماهو يسوي فيني مرات يقولي اعطيج بس تردينهم !!! وانا كله مسامحته بعدين وقفت وقلتله ليش؟ انا اطالبك وابي منك هالشهر جذي والشهر اللي طاف جذي باخذهم من الدرج والا انت ترضا تاكل فلوس مره؟

اختي انا كنت نفس قريبتج بس الفرق انا اللي غلطانه انا اللي علمت ريلي من بدايه زواجنا اني اصرف علي...