مشكلة قريبتي مع زوجه طلليقها ايش الحل ساعدوني

مساء الخير اخواتي


ابي استشيركم في مشكله لا والله الا مصيبة وابيكم تساعدوني فيها

هي مشكلة صديقتي وقريبتي .. مع زوجه طليقها ..

قريبتي تطلقت من زوجها وعندها منة بنت عمرها 11 سنه وولد 7 سنوات .. اسباب الطلاق كثيرة منها ان الرجل ماله اي شخصية خواته هم اللي يمشون حياته مع زوجتة المهم بعد الطلاق بشهرين او 3 شهور تزوج الطليق من حرمة ثانية .. لم تدري ان زوجها أقصد طليقها تزوج وكانت ترسل له مسجات وتتصل ولاكان يرد لا على اتصال ولا رساله بعدها ارسل اخوه علشان يكلم اخو قريبتي ويمنعها من الاتصال عليه لأنها كانت تحاول ترجع له .. واخبرها اخوها انه طليقها تزوج


قريبتي تزوجت بعد سنة تقريبا من طلاقها بعد ما عرفت ان رجوعها لطليقها مستحيل بعد زواجه

كانت تشتكي بنت صديقتي تشتكي من زوجه ابوها انها تحاول تمنع تواصل البنت مع ابوها وكانت تقول للبنت ابوك يقول اي شي تبينه قوليه لي وانا اوصله لأبوك يعني لا تكلمين ابوك مباشره

مره من المرات البنت كانت تسولف لأمها وبعدها صاحت البنت وحضنت امها قالت مره كنت ابي انام ولا قدرت انام رحت اطق الباب على ابوي وكنت اسمعه يضحك هو مع زوجتة بس ما فتحو لي الباب .. ملاحظه البنت هنا كانت في صف 2 ابتدائي .. واخوها 5 سنوات او اقل

وتقول الصباح فتحت الباب زوجة ابوي وقالت ترى امس احنا سمعناك وانتي تطقين الباب بس ماردينا عليك ومره ثانية لو كان فيك الموت انتي ولا اخوك لا تطقين علينا الباب .. ولا ترى اكسر لك ايدك ..

موقف قريبتي كان .. حضنت بنتها وصاحت بحرقه حاولت تكلمة اخت طليقها الكبيرة الحكيمة ... يوم سمعت كلام الأم ردت عليها العمة بكل برود والله مافيه احد قالك خلي عيالك واطلعي من البيت ..

حاولت تكتم حسرتها وقصه عليها القصه قالت ما يصير نصدق كل الكلام اللي يقولونه الصغار عيب انتي مره كبيرة
سكرت صديقتي وقريبتي السماعة وهي تتحسر على عيالها .. وقالت للي حولها علشان تخفي انكسارها يمكن علشانها عروس ولا جربت الآمومة

وكل تقصير يصير كانت تحاول تخفف على البنت والولد اللي كبرو في ظل اب عديم شخصية وزوجة اب مش عارفين نتعامل معاها

طبعا مافيه اي تواصل مع الطليق حتى قبل لا يطلق الزوجة الأولى لأن خواته كانو هم اللي يتكلمون بالسانه يعني حتى قبل الطلاق كانو يقولون لزوجه يالله ارجعي وكانت تقول ليه هو ما يرجعني ويردون عليها يقولون لا احنا نتفاهم معاك بدال الزوج واي شي تبينه من البيت كلمينا وحنا نجيبة لا تكلمينة .. يعني يا تتفاهم مع خواته ولا تسكت لانه مراح يرد

هذا كله عدى ... لكن المصيبة اللحين ...

زوجة الأب ماسكة البنت وقايله لها تدرين ان امك تركتك انت واخوك علشان تتزوج واحد ثاني

تدرين ان امك سمعة راااايحه فيها بهذي الصيغه تخيلو بنت على وشك سن مراهقه تسمع هذا الكلام عن امها

تدرين ان خالتك اللي رايحه بعثه مع خالك اصلا هي ما رايحه بعثة لالالالالا رايحه تغازل علشان مافيه احد يعرفها هناك

تدرين ان جدك دخل على خالتك ولقى في غرفتها رجال مسوي روحه حرمة وضربة وتهاوش معاه

والله ثم والله اني صعقت من هذا الكلام اللي انا سمعته بنفسي من البنت وانصدمت من وقاحه زوجة الأب

والولد اللي اللحين صار في صف اول ابتدائي قال اصلا هي كل تقول كلام مو حلو عن ماما وانا ادري انها كذااااابة



بنات قريبتي تقول انها راح تكلم عمة عيالها .. وتقولها راح ارفع عليها ( زوجة الطليق ) قضية قذف
ومره تقول بتكلمها بنفسها بتقولها راح ارفع قضية قذف

وكل مره تقول شي مسكينة من القهر تقول حتى لو فرضنا هذا الكلام صحيح مع انه والله كله كذب ليه تسمع البنت هذا الكلام ايش ذنبها البنت ليه ما تخاف الله فيه هذولي الآطفال ..


ابي اسمع مشورتكم الله يرضى عليكم ...