مشكلة قل النوم بسبب الرضاعة الطبيعية.. هاااااام للامهات..

السلام عليكم بنات
انا ولدي عمره شهر ونص تقريبا..
لكن اسم الله عليه مجنني.. يصير نشيط بعز الليل..
واذا نام يادوب ساعتين بالكثير..
اما بالنهار فنومه متقطع ومتباعد..
مع انه يصير شبعان ونظيف وكل شي تمام..
والحين طايح لي بحركه انه يصرخ على طول بدون صياح..
واول ما امسكه يسكت فجأة..
يعني شيلوني..
وانا كتفي صار يألمني مره من كثر الشيل والهز..
والله اني ساعات انام وانا جالسه..
يادوب نص ساعه وافز..
هذا غير الهالات والشحوب اللي بوجهي..
وعادي اتحمل كل هذا لو انه يتعبني بالنهار بس..
لكن تعب في الليل وفي النهار.. فوق طاقتي مره..

المهم..
ولدي يرضع طبيعي 100%
وقريت بالنت ان اللي يرضع طبيعي ماينام اكثر من ساعتين..
واللي يرضع صناعي يقدر ينام 4 او 5 ساعات متواصل..
عشان كذا صرت افكر اعطيه رضعه صناعي باليوم..
بس قالوا لي اذا ذاق الصناعي بيرفض صدرك..
ووحدة تقول لي بترضعينه صناعي بس ماراح يتغير نظامه..
واخاف اخسر راحتي وفوق كذا الرضاعة الطبيعية..

باختصار..
ابي أعرف الحين هل اذا فطمت ولدي عن صدري
وعطيته حليب صناعي.. بينام زي الناس ويريحني؟
تكفووووون علموني..