مشكلة كبيرة شاركوني الراي الله يسعدكم

راح ابدالكم مباشرة كان عندي شغالة اندونيسية جلست عندي اربع سنوات كانت تسوي شغلها كامل بس ماارتحت لها ولا يوم دائمااتحلم بها اني اتخاصم معها يمكن حلمي يوميا والله واقول لزوجي عنها ويطنش الموضوع الين يوم تهاوشت معها وتطاقينا وزوجي ماهو مقتنع بسفرها مع انها قد احرقت بنتي وقد حطت الصابون في كاس اللبن المهم اني تهاوشت معه وسفرتها وبعد شهرين جتني شغالة جديدة اندونيسية صغيرة حليوة ماقد اشتغلت في اليوم الثاني اشتكت من زوجي وبكت تقول انه يتحرش بها وانكر زوجي انه تعرض لها المهم هديت من روعها وما صدقتها لان زوجي فيه دين يصلي والمسجد مايتركه وصيام التطوع المهم بعد سبعة شهوروفي يوم من الايام وانا راجعة من المدرسة شفت زوجي يركض بسرعة لحمام الرجال ويتروش وكانه مايبغاني اشوفه شكيت فيه اخذت بنتي عمرها اربع ونص سالتها وش كان بابا يسوي قالت الشغالة اخذت ريالي وبابا مسكها من ورا والله مثلت بنتي المشهد وقالت الشغالة تضحك المهم لمحت له وانكر اخذت الشغالة وكشفت عليها باقي عذراء تطمنت وفي قلق المهم اخذتها يوم راح زوجي وسالتها واعترفت وقالت انه حاول اكثر من مرة وانها رفضت انا انصدمت ليش يسوي كذا المهم واجهته بالشغالة انكر في البداية وبغا يخوفها لاكن كانت قوية وبعدين اعترف لي واعتذر ويوم قلت راح اوديها قال ثقي في وخليها معاد اسوي كذا المهم اتضح لي امور كثيرة وقلت له تبغاني انسى اسفرها ولاتدخل بيتي شغالة ابد وجبت عمتي وحماتي عند عيالي لاكن الموقف قوي والله كل ماحاولت انسى مااقدر احس اني اكرهه دلوني هل تصرفي صحيح ام ماذا ا فعل اسفة طولت عليكم لاكن والله هم بقلبي كبير