والله طفش يا بنات ما عرف ايش اسوى كل يوم ابكى ما عندى الا البكى والله يعين

طيب ممكن تغيرون مكان السكن وتنتقلوا لعمارة فيها سعوديين وحتى لو كنت على بعد كيلو مترات من منزلكم السابق ..

حبيبااااااتي..

لية مركزين على الجيران بالذات..:11:
يعني مافية تسلية إلاجيران..مافي هالبلد...الا هالولد

ماعندكم اهتمامات..هوايات..الانترنت..ولا مؤاخذة..مايكفي..:21:

انا مثلاً..كنت اتمنى جيران..وامووووت في الجيران....:32:

وحصلت كم طعش واحدة..بس للآسف:(...طلعوا كلهم كبار..أصغر واحدة عمرها أربعين..

وأنا كبر عيالهم....هم حبوبين وطيبين...بس أنا أحب جلسات الفرفشة وسعة الصدر..:42:

جلساتهم ...رزينة حبتين:23:

فنصيحة..أشغلوا نفسكم شوي..ولو حصلتوا جيران..يمكن مايناسبونكم..

والعملية يالغالياااات..ماتستاهل صياح ونياح..

إذا ضاقت صدوركم...اقروا قرآن...انشغلوا بترتيب البيت..

لاتخلون سعادتكم وراحة بالكم..مرتبطة بالجيران وبس..

وأحمدوا ربكم على العافية<<---يازيني ساكتة:42:

خلاص بترككم..:30:

فمان الله:32:

ونه خفوق

تعرفين الحريم ما شاء الله ليس حباّ للجيران كل هذا الاهتمام

ولكنهن يحبن الاشراف والسواليف ومعرفه الطباع والعادات وشكل ملابس الجيران والموضات ووين راحوا وين جوا ومن وين هم ؟ وهكذا وربما هذه غريزة في الانسان وخاصه عندكم يالحريم ..

اتمنى الا اكون مخطيء ! ! !

وقفو شوي ... ليش تتمنى انك ما تكون مخطأ ؟ المفروض العكس !

اختي غلا ... انا حالي مثل حالك بيتي ما يشجع ان احد يجيني فجأه ... مو بس البيت .. يعني احيانا اكون مزيته شعري ... جالسه انظف البيت ... احيانا اكون بملابس البيت الي ما تقدرين تفتحين الباب فيها ... يعني مررره صعبه .. و المشكله ان الناس تتوقع اني ما ابي احد ... يعني اما ان الوحده تطب عليك فجأه او تتوقع انك ما تبين احد ... ... مررره وحده من جاراتي طقت علي الباب و كنت لسه صاحيه و حاطه لي الفطور وجالسه بملابس البيت و مثل ما قلتي المجلس هو الصاله الي نجلس فيها دايما و بيتي ما بعد رتبته كنت ناويه اذا خلصت فطوري اقوم انظف ... ما دريت الا و الباب يطق .. شفت من العين السحريه .. جارتي ما ادري وش اسوي ... فتحت الباب و انا منحرجه و زوجي بالصاله ينتظرني اجي و هي كانت تبي تسولف ... و مررررررره انحرجت ما قدرت اقولها تفضلي ... اعتذرت لها باسلوب لطيف و راحت .. بس بعدها ما جت زارتني !

و مره كان عندي عزيمه و كنت عادتي اذا خلصت الطبخ و الكشنه و كل شي اروح اتحمم و وقت الطبخ البس اشين قميص عندي علشان اذا جاه شي ما اتحسف عليه .... خلصت قبل موعد الضيوف بحوالي ساعه و نص .. قلت الحق البس و اتحمم بعد ريحة الزيت ...... و انا ارقى الدرج الا و الجرس طن طن ..... مين قالت انا فلانه .... فتحت لها الباب و انا ما اقدر اناظر في عيونها من الفشيله ... قلت هلا حيالك بس اسفه والله على منظري لسه ما لبست ما دريت اني متأخره .. قالت لا ابد لا متأخره و لا شي ... انا ما عندي شي فاضيه قلت وش اقعد اسوي في البيت ... لبست و جيتك!!!