مشكلة لصديقتي عطوها حل 😭

الله ييسر امرك
شعورك طبيعي جدًا
لكن لاتستسلمين لليأس ووكلي ربك.
لي صديقه تزوجنا كلنا قبلها وحتى اختها الي اصغر منها تزوجت قبلها.
وما تزوجت إلا لما صار عمرها ٣١ سنه.
تزوجت رجل منصب ونفس عمرها.
وجاها اولاد وبنات واختها الي تزوجت قبلها جاها ولد وخلعت زوجها.
يعني محد يدري الله وش كاتب في علم الغيب.
ادعي الله وانا ادعيلك بالزوج الصالح الي يسعدك.

الله يفتح على قلبك
لا تفكرين الا بالشي بالايجابي بحياتك
عادي تكونين بهالعمر ولسه ما تزوجتي كلها قسمة من الله
اعرف وحدة قرابتنا عمرها اكثر من 30 وتزوجت احسن نصيب جاها لان صبرت العوض من الله
ربي يسعدك ويبعثلك الزوج الصالح الي تتمنيه.

عادي ياقلبي اختي ماشاء الله كبرك وتقدم لها واحد اكبر منها بسنه وبس الله يتمم عليها
وانا تزوجت وعمري ٢٧ واحس اني استعجلت اني وافقت لاني كنت خايفه ان القطار يفوتني
نصيحه الا الزواج لا تستعجلين فيه انتظري الين يجيك الي يستاهلك ويعزك وبرزك ويحترمك الله يوفقنا وياك

خذيها مني أكبر منك ومو متزوجة، هالفكرة حتقعد في بالك مهما كنتي قوية لأن كلنا نمر بلحظات ضعف، لذلك لاتلومي نفسك إنك تفكري في الزواج الشطارة إنك ما تخلي هالفكرة مسيطرة عليك بس طبيعي تروح وتجي، مرة قريت مقال عن العنوسة كاتبة المقال قالت إن دائما الحلول التي تطرح لعلاج العنوسة إما تكون متعلقة بتخفيض المهور أو القبول بالتعدد لكن هي طرحت فكرة عجبتني قالت ليش مايكون التعايش مع العنوسة هو الحل، يعني لو المجتمعات كلها تتقبل فكرة ان بناتهم أو خواتهم يمكن طول حياتهم ما يتزوجوا ماراح تكون أصلا العنوسة مشكلة، أنا ربطتها بفكرة الإيمان بقضاء الله وقدره خيره كان أم شره يدرسونا فيها من الإبتدائي يعني ليش الوحدة تقول لنفسها بكرى راح يجيني نصيب أفضل من غيري طبعا حسن الظن بالله مطلوب بس في نفس الوقت ليش ما نتقبل فكرة إن الله قد يبتلينا بعدم الزواج ليختبر صبرنا ونؤجر عليه في الآخرة بدل مانقعد نعشم انفسنا بأشياء يمكن مو مكتوبتلنا، أقول لو كل أم من لما بنتها طفلة ما تحط في راسها أن بكرى بس تتزوجي ومن هالحكي وتقوللها إذا ربي كاتبلك بالزواج راح تتزوجي والا راح تصبري تصير البنت من صغرها متقبلة فكرة إن يمكن ما عندها نصيب بالزيجة شنو ما كانت الأسباب، وماراح يكون الزواج أمر حتمي لدرجة الوحدة فينا من نص العشرينات لو ماتزوجت تعيش بقلق، لو تربينا على الرضا بأمر الله ما كان صار فينا هكي