مشكلة لقيماتي

بنات السلام عليكم ..ساعدوني والحقوني
سويت لقيمات يوم الاثنين اللي راح وانفجرت علي حبتين وتحرقت في وجهي ورقبتي ويدي على شكل نقط صغار متفرقة ..
اليوم قلت بعيد المحاولة ..ولبست عباتي ونقابي وانا اقلي من الخرعه لاتنفجر علي والمشكلة اني انكت مع زوجي قبل لا ابدا واقول ياليت عندي بدلة فيلكس ..والمصيبة صارت الانفجارات اخس من اول واكثر حدة وهربت من المطبخ وناديت زوجي وجا عشان يطفي النار واتفجرت عليه اللقيمات وتحرقت ايدينه ووجهه ياقلبي وشوي على رجله..
احس بتانيب الضمير واتمنى اعرف السبب..بنتي تحب اللقيمات وانا دايما لقيماتي تنفجر من بد العالم..
طريقتي (دقيق خميرة وحليب بودرة واعجنها بالماء واتركها فترة بسيطة تتخمر واقليها في زيت حار واحط عليها عسل )..وعلى فكرة هذي هي نفس طريقة اختي ومرت اخوي وماشاء الله لا قوة الا بالله ماعمرها انفجرت عليهم اللقيمات..والله يابنات جاني احبااااط ..وسويت بحث في قوقل عن اسباب انفجار اللقيمات ومالقيت شيء..مالقيت الا انفجار صهريج انفجار ناقلة..الظاهر انا لقيماتي ارهابية.