بصراحة السالفة يبيلها طولة بال .. بس متل ما سألت الأخت fruit هالأسئلة لازم الواحد يعرف إجابتها قبل ما يحكم ... ما اتخيل إن في أم في هالدنيا ما ترتب عيالها وتحافظ عليهم إلا إذا كان في سبب قوي مثلا تكون صغيرة وخبرتها في الحياة قليلة .....

وبعدين شو ردت فعلها لما قالها ريلها إنه بيتزوج عليها ؟؟؟؟؟ معقولة هالشي ما له أثر إيجابي ... غير الصياح أقصد ما تحسن شوية الوضع ؟؟؟؟ إذا كانت تكتفي بالصياح والصراخ .. أعتقد إن هالبنية عمرها وايد صغير عشان تعيل أسرة وتشيل هالمسؤولية !!!!!!!!!! لازم تفتح باب الحوار بينها وبين ريلها ... هذا بيكون مب حل بس على الأقل الحوار لفة التواصل وخصوصا بين الأزواج ... على الأقل كل واحد يفهم الثاني ...مع إن لازم يفهمون بعض ويحسون من غير محد يكلم الثاني .....

وبعدين وين اهلها ؟ أقصد شو ردت فعلهم ؟ وأمها شو قالت؟ ولا ما تدري عن السالفة عشان ما تكبر المشكلة؟

يا بنات صعب تحكموا على مرة أخوها من مجرد كلام لأنه أخت زوجها مالها إلا الظاهر
والله العالم بالسبب إلي خلاها تهمل في بيتها و أولادها للدرجه هذي
لأنه ما أتخيل إنه في وحده توصل للمواصيل هذي إلا بسبب قوي والبيوت أسرار،،
طبعاً أنا ما أشكك في صاحبة الموضوع لأنها أكيد تبغى مصلحة أخوها و أولاده
والدليل طلبها لحل المشكله،،
لكني أقول للبنات لا تتعجلوا الحكم على إنسانه ما تعرفوها و ما تعرفوا الظروف إلي عايشه فيها..

سلا777777م

:26: :26:
:26:

الله يهديك وبس يااختي

الواضح من كلامك عنها انها وسخه حتى في نفسها

احنا مافهمنا غلط انتي اللي ماذكرتي هالنقطه فيها

وبعدين انا مقتنعه ان فيه كثير بنات نظيفه في نفسها وفي بيتها ولا شيء بس عيالها

كيف تتحمل وسخهم

الله يهديها وبـــــــــــــــــس

وماراح اضيف اكثر مما قالوا البنات

بس حبيت اوضح اني مارديت هالرد القوي الا لأني كنت فاهمه غلط

وبكل الأحوال النظافه من الايمان

والله ييسرلك حل معاها

الي حكموا على البنت ونصحوا ان زوجها يتزوج عليها ...رغم انها حبوبه واخلاقها عاليه

ابسالكم بذمتكم انتوا مافيكم عيوب ولا كاملين وهل بتفرحون لو تشكوا ازواجكم منكم ونصحوهم انهم يتزوجون عليكم


كل مشكله لها حل بأذن الله


احس ان الغلط في زوجها واسلوب تعامله وهو بروحه يقدر يغيرها وبالكمله الحلوه والزينه وبمساعدته لها


وبصراحه دام عندها خدامه فأظن خدامتها مهمله في تنظيف البيت

سبحان الله

نفس المشكله حكتها لي وحده من صديقاتي مع زوجة اخوها
وتقول انها نصحتها مرات عديده مافيه فايده
تقول امي بالرغم من انها حرمه كبيره تجيها البيت وتحاول تنصحها وتوجهها لكن مافيه فايده
والله تحكي مشكلتهم وهي تتنهد من الحسره على اخوها ووضعه الصعب
تقول لدرجة انه يدخل غرفة نومه مايلقى مكان ينام فيه
السرير مليان والأرض مليانه ملابس
الله المستعان

مانقول غير الله يهديها ويصلح الحال

وبعدين بقول للأخت رمايه انه حتى لو كانت خدامتها مهمله في تنظيف البيت
والمراه ايش وظيفتها في البيت
من متى كان الاعتماد الكلي على الخدامه
الخدامه لو ماتابعتيها وراقبتيهاووجهتيها كل شي راح يخرب