عصفوره ناعسه :) :

لا تشغلين بالك فيها. انا ماحبيت كلمات قلتيها مقارنات اهلها كذا واهلي كذا حتى الشغالات ووووو تكلمتي عنها !! انا لو احد يدقق بحياتي لهذي الدرجه راح اكرهه وبقول وش دخلها لو نجيب باليوم الف شغاله. بعض التفاصيل مالنا حق نتكلم فيها حياتهم وهم حرين فيها فهمتي ليش قلت يا صبرها لاني ماحب احد يتدخل بحياتي وين سافرت وش سوى لي زوجي او او ، في اشياء انتي كاتبتها مادري وش الفايده منها مافيها ظلم لك ولا لها علاقه بموضوعك ومالها ذنب هي بالاشياء هذي ، يعني مثلاً معاملة اخوك لها هذا حق من حقوقها ولا فيها شي ، مثلاً احترام الناس لها مثلاً محبة امها لها كلها اشياء ماتخدم موضوعك بالعكس اشياء تتعبك وتشغل بالك ، اما عن معاملتها لك اذا هي محتقرتك ووووووو انتي طنشيها وشيليها من حياتك. سلام لله. وغير كذا مافي. انتي من ضمن كلامك تحطمين من نفسك تقولين عشانا عاديات مايحترمونا عشان كذا وعشان كذا. ياختي لابد تغيري من شخصيتك وتتركين التدقيق بالاشياء اللي مافيها فايده. غيري من ثقتك بنفسك انشغلي بأمورك وتطوير نفسك مو لازم درجة الماجستير او الدكتوراه ترى الثقه بالنفس تنبع من الداخل ومستحيل تكتسبيها من الخارج. فنون التعامل ماهي مرتبطه بالكيد ومادري إيش تقولين مانعرف للكيد ! ياختي فنون التعامل اولها النيه الطيبه وعدم تفسير الامور والتدقيق. اشغلي وقت بالاشياء اللي تنفعك افتحي مصحفك ورتلي وتدبري الآيات راح تتغير نفسيتك وتزيد ثقتك بنفسك بشكل كبير القرآن كله خير وثماراته اولها الراحه والطمئنينه لو كنتي بظروف صعبه ، غيري من حياتك انتي وشخصيتك انتي واتركيها هي. من قلبي قلت لك هالكلام ربي يوفقك وييسر امورك

لا تشغلين بالك فيها. انا ماحبيت كلمات قلتيها مقارنات اهلها كذا واهلي كذا حتى الشغالات...