مشكلة مع زوجي

السلام عليكم
حبيباتي اتمنى تنصحوني
انا وزوجي نحب بعض حيل ويعزني لكن من بداية الزواج ونحنا في مشاكل، الان عندي طفلين منه بعد الثاني لاحظت زادت المشاكل بيني وبينه اخرها قبل شهرين تقريبا كنت عند اهلي لمدة ثلاث شهور وكلمته من ورا اهلي واتصالحنا ورجعت بيتي بدون رضا اهلي لاني ما اتخيل نفسي بدونه متعلقه فيه وعشان الاولاد كمان، بعد مارجعت لاحظت تغيرات على تصرفاته مثلا صار عصبي اكثر وصار يهدد بالطلاق ( مع العلم طلقني مره وندم كثير واستسمح مني) ولاحظته صاير نكدي اسبوع كويسين واسبوعين في نكد وهوا من النوع اللي يحبس بالبيت ومايكلمني لمن انا اراضيه حتى لو ما كانت المشكله تستاهل، لينا شهر علي هادا الحال وتعبت منه صراحة وحاولت مرات اسأله ايش سويت انا خلينا نتفاهم يصدني من النوع اللي يكابر، اخر مشكله ذا الاسبوع عصب لاني خليته يستنى بالسيارة شوية وعشان رميت باقي الاكل وهوا كان يبغاه، ثاني يوم منعني ازور اهلي كانو عاملين عشا وطبعا مو معزوم لانو مايسلم علي اهلي ولا يحترمهم ، قالي ماتروحي كدا بدون سبب، واخويا كلمه وقاله تعال انت واهلك واترجاه ياخدنا لاهلي، زوجي رجع البيت معصب قالي مين اعطاه رقمي ؟وليش دخلتيه بيننا؟ قلتله انا اعطيته الرقم مافيها شي هوا ما اتدخل بيننا ايش فيها لو كلمك وعزمك! قالي طيب انا اوريكم..اليوم اللي بعده استفزني وانا رديت برسالة مستفزة بعدها عصب مره قالي انا اربيكي، انا ما سبيته بس كان اسلوبي مستفز طلعت عن طوري ،والايام اللي بعدها صار يستفزني ويهدد بالطلاق ويقول انا مو صابر لله استنى حاجه بس.. طبعا انا مادققت بكلامه قلت كلام عصبيه وبس..امس قالي عندك موعد بالمستشفى قلت كويس شكله هدأ . الاولاد نزلهم عند امه وانا الاقي نفسي في بيت اهلي وطول الطريق انا ساكته ما ابغى اتكلم اشوف ايش يبغي يسوي، وصلني لحد باب البيت وبكل نذاله يقول لبابا جبتلك بنتك ويمشي حتى ماسلم عليه، بابا اترجاني اتطلق منه قالي تعبت معاكم ريحيني ذا مو ادمي مو انسان وقالي لاتكلمي اهله ابدا ولا تحسسيه انك تبغۍ الاولاد ، ٱ‏​نـْ❦ـِْٱ قسيت قلبي قلت هاذي المره ماراح احن ولا اكلمه لمن هوا يكلمنا، طبعا ما ادري ايـ�ـش فـِ♡ـيْ نيته هوا طلاق ولا بس تخويف وتأديب، زوجي عموما مره طيب وحنون ويدلعني بس فيه شي متغير يا انو احد عبى راصه عليا او جاتنا عين، واهلي يبغوني اتطلق وانا ما افكر في الطلاق ، لمن راجعت اللي صار شكيت انو متعمد يسوي كذا عشان اغلط بالكلام او يخرجني من البيت ممكن شافلو شوفه تانيه غيري ،ايش اسوي مره مهمومه ماليا نفس اكل ولا انام 😞