مشكلة ممكن تؤدي الى الطللاق

السلام عليكم..بطرح مشكلتي هنا والي لي شهور قالبه حالي ونفسيتي واتمنى الاقي شي لو نصيحه تنفعني منكمعموما عشان احطكم في الصوره انا اكبر اخواتي، واختى الصغيره تزوجت قبلي وتعرفون الناس والمجتمع الي حولكم اذا تزوجت الصغيره العيون كلها تكون على الاخت الكبيره ليش ماتزوجت واكيد فيها وفيها بدون مايحطون عذر انه مجرد نصيب لا اكثر ولااقل، وانا صدقوني فراحانه لها وطايره من الفرحه ولو كل اخواتي تزوجو قبلي ماراح تشكل مشكله بالنسبه لي وبفرح وانسبط.. بتقولون ابي الزواج؟ اكيد زي كل بنت تتمنى فارس احلامها يطق عليهم الباب وياخذها لكن ماكتب ربي وكانت الوظيفه والدراسه بصراحه عندي اهم وبكثير.. الحمدلله ماينقصني شي وخطبوني واجد لكني كنت ارفض لاسباب خاصه فيني.. الين ماتقدم لي واحد يقرب لنا من بعيد... الرجال مطلق وعلى حسب كلامه ان زوجته ماكانت ست بيت وانها من عائله مخمليه وتحب تتشرط كثير وهي الي طلبت الطلاق.. وانتهت قصتهم بسرعه بعد زواجهم بشهر من قبل مايطلقها وعشان سالفة المحاكم الي طولت اهله قاموا يدورون له على عروس وذكروني له.. ابوي تعرف عليه واخواني واهلي الكل ميت عليه ومقطعينه بالمدح لدرجه ان جاء في بالي رجال كامل ماينقصه شي ابدا.. بصراحه جاء في وقت مناسب جدا يوم بدوا الناس كلهم يناظرون لي على اني عانس واني خلاص ماعاد راح يطق بابنا احد مع اني لسا ب27.. وفي نفس الوقت اغراني كثير مدح اهلي له.. انه انسان عصامي وطموح ومحافظ على الصلاه و..و..و وحرام تضيعينه من يدك.. تجاهلت انه من مطلق ورحت ركض استخير (ماحسيت بشي صراحه) ووافقت علي لانه فرصه ماتتعوض سمعت كلامي اهليي واقعتنعت منه بس ولا مره سالت نفسي اذا فعلا ابيه او ابي الزواج او لا، جت الشوفه جلست على جمب ماشفت صراحه منه الكثير يعني ماعرف وش طوله لونه شكله.. والي زاد الطين بله ان عندي ضعف نظر فاتوقع شفت منه شطفات لا اكثر ولااقل وعلى طول طلعت.. يعني بالمجمل شكلت من خيالي شكل خاص به.. انسان كامل مكمل زي ماانا احلم اهتماماتنا زي بعض، وسيم، طويل، يحب يسولف ويمزح وعشت باحلام ورديه على امل اتملك عليه في القريب العاجل... جت الملكه وملكت عليه وكنت مبسوطه ودخل علي عشان يسلم وهنا الصدمه! شفت وجهه لاول مره، لا مو هو الشخص الي رسمته في بالي.. شكله مره ماعجبني والطول طلع طولي! من اول حديث لنا اكتشفت ان اهتماماتنا جدا مختلفه.. تخيلتو الموقف صح؟ عشت في حلم وانصدمت بالواقع زيي زي اي بنت بتتزوج وعموما, ضاق صدري مره وصرحت اصيح كل ليلة واهلي مبسوطين ويحسبوني فرحانه فيه وانا ميت هم وغم.. وافكر كيف بعيش معاه؟ لا مو هذا الي تمنيته ابدا!! كلمت صديقتي وقالت لي يابنت الحلال الي يصيرلك عادي يصير لاي بنت غيرك.. لايهمك شكله وعطي الرجال فرصه اسمعي كلامه وجربيه وش بتخسرين؟ وفعلا صرت اكلمه.. وكنت انا المبادره دايم بحكم انه خجول شوي.. صرنا نسولف بالساعات، وماخفي عليكم اني بديت اعجب بسواليف وتجاهلت شكله الي ماعجبني قد ماقدر بس كل مالي وانصدم بشي جديد منه مايعجبني.. واسكت وابلع.. صرنا نسولف عن اشياء +18 زي اي زوجين، والازواج يحبون هالاشياء كثيره لهالسبب كنت مطيعه له وماكنت اضيق صدره وكنت احسسه بالاهتمام بالسوالف عن هالاشياء وهو كان طاير من الفرحه.. طبعا بديت اهتم لهالامور ولاول مره في حياتي احس بالغريزه تتحرك فيني.. الغريزه الجنسيه.. وكنت دايم افكر فيها لانه دايم يسولف عنها وصارت تجوز لي بصراحه ولاني خايفه بعد الزواج ماتقبله من اول ليله لهالسبب بالقوه اجبرت نفسي افكر في هالامور معاه عشان مانصدم زياده كان دايم يقنعني اني اطلع معاه ونسوي هالشغلات احم احم بس على الخفيف لكني كنت اخاف وارفض ويقول عادي انا زوجك ترى.. الين ماجت مره المرات ومرض اخووي الصغير ورافقت معاه في المستشفى وكلمني زوجي وبدا يقنعني اني طلع معاه ومحد بيشك ومحد بيدري ومن هالقبيل وانها فرصه ماتتعوض (طبعا اهلي ناس متشددين فما يجينا دايم الي في الشديد القوي) لهالسبب جلس يقنعني ويزن علي الين ماوافقت، وقلت احسن اتعود عليه قبل ماتزوجه.. وطلعت معاه وجلست معاه في السياره نسولف وكذا وتقربنا من بعض بس ماطبينا في الغويط طبعا.. لكن بعد مارجعت للمستشفى مدري كيف اشرج لكم يابنات احس اني انصدمت فيه للمره الثالثه بسبب جسمه، طلع سمين ومكرش واصلع ماله شعر وتوني الاحظ هالاشياء.. انا انسانه يهمني مره منظر الرجال وترتيبه لشكله.. ممكن اكون سطحيه لكني من هالنوع.. جتني ضييقه وغلقه من شكله اولاً ومن الي سويته ثانياً احس اني حقدت على نفسي لاني سويت شي زي كذا معاه.. صحيح انه مبسوط مني حيل بس انا ماني مقتنعه او مبسوطه من الشي الي سويته.. مدري بديت انفر منه وبدى يدب كرهي له يوم بعد يوم، حسيت ان صورته هنا اكتملت لي.. سواليقه وجلست اسولف معاه شهور وفي اشياء في كلامه ماقتنعت فيه واحسه نوعاما متسلط مايبيني اروح لصديقاتي ومايبني انام في بيت اهلي وكثير يردد ويقول ابيك تتغيرين بعد الزواج وفي اشياء كثيره بغيرها فيك.. هالشي يضايقتني انه مايبيني زي ماانا يبي يغيرني ويقلبني زي ماهو يبغا.. مدري متعقد من زوجته القديمه ولا كيف؟ غير كذا اخر سالفه درات بينا وهي الي اشعلت نار المشكله لمن سالته عن الشبكه قال روحي اشتريها وبعدين نتحاسب؟؟ انا انقهرت هنا يعني لا هدايا ولا شهر عسل ولا عرس وبرضوا مافيه شبكه منه بعد؟؟!جاء في بالي انه شخص بخيل بصراحه ومايبي يحط قرش واحد فحسيت بالنقص منه خصوص لمن قالي روحي اشتري انتي الشبكه بعدين نتحاسب؟؟ حسيت بالاهانه خصوصا وان الشبكه عندنا شي ضروري مره يجيبه الرجال مع اهله، هذا غير عاده انو في فتره الملكه ضروري يجيب هديه للعروس ولا جاب.. ماهتمني الفلوس والهديا بس الي حولي بدو يسالون ويفتحون عيوني على هالاشياء الي كنت اعتبرها سخيفه.. مثلا وين بتروحون على شهر العسل؟ اسكت ومارد.. وش جابلك هديه؟ اسكت ومارد، انلخمت وحسيت اني فعلا شي بدون قيمه بالنسبه لي ماقد فكر يجيني يوم من الايام هنا ولو قال لابوي ماتوقع يرفض خصوصا ان ابوي يعزه كثير بس دايم يحط الحق علي واني انا ماعزمه، عموما سالفة الشبكه ذي بعدها تطاقيت معاه وقلت له ليش اروح اشتريها؟ هي هديه من الزوج اصلا اذا انت مانتب جايبه وش الفايده منها ومن هالكلام الي قلته فوق طلعت كل حرتي ساعتها واغتنمت اول فرصه جتني وقلت لاعاد تكلمني رجاء.. والحين بعد سوالف شفت شكله عن قرب وجسمه وسويت الاشياء الي يسويها اي زوج مع زوجته (بشكل سطحي زي ماقلت) الحين الصوره كامله ومافي شي مستخبي في شخصيه احس اني نااااافره مره منه.. لدرجه اني ماعاد صرت اكلمه زي اول ومارد عليه دايم والتمس الاعذار في كل وقت يدق فيه.. مره يابنات كارهته وكل يوم عن يوم يزيد حقدي على نفسي احس تسرعت في زواجي هذا، كل مااكلمه وادخل فيه واتعرف عليه اقول في نفسي مو هذا الشخص الي ابغاه مو هذا الي تمنيته.. طبعا صارت مشكله كبيره عويصه لانه كلم ابوي وقال ابجي اشوف البنت ولمن ساله ابوي عن السبب قال ان لها فتره ماتكلمني ومن يوم ماطلعت من المستشفى مع اخوها وهي متغيره علي.. ابوي جلس يحقق معاي وقال اكيد عين ولا نفس قاموا يقرون علي ويرقوني بدون اي فايده.. كل يوم اتوسد الوساده واقعد اصيح ولا ادخل الحمام واقعد اصيح ضااايق صدري ومابي هالعرس يجي باي شكل.. مدري وش اسوي معاه او كيف اتصرف لاني جديا مادري وش ابرر لهم وش اقول لاهلي او اقوله حتى؟ والله انا من البدايه ماتقبلتك بس حاولت اسلكك وامشي معاك لعل وعسى اتقبلك بس كل ماقربت منك كل مانفرت منك؟ والله لا شكلك معجبني ولا جسمك ولا بعض سوالفك وبالقوه جالسه ابلعك؟؟ مدري وش اقول يعلم الله ان الرجال كويس ومايعيبه الا الاشياء الي ذكرتها.. عموما جاء عندنا وجاب لي هديه زي ماذكرت .. حاولت اجامله قد ماقدر لاني احس ماني طايقه اشوفه والله يابنات شعور غصب عني كانت خانقتني العبره ومابي اصيح في وقتها وافشل ابوي.. فصرت اجامله قد ماقدر، وعيب اكسر بخاطر الرجال..راح وارسلت له رساله شكر وتأسفت له عن المواقف الي بدرت مني وقلت له اني متضايقه هالفتره ومدري وش فيني ماودي اكلم احد وبالاخص انت.. فياليت تتفهم موقفي ماودي اكلمك هالفتره.. بس ابوي كبر السالفه وقال اكيد في شي قولي وش عندك ولا الرجال يقول ان وده ياخر العرس لان الامور بينكم مب ضابطه!! انا اعترضت وقلت مابي ياخر العرس بالعكس ممكن اذا عشت معاه يروح ذا النفور الي فيني وابدا اتقبله مع الوقت ومع العشره كل شي بيزين لهالسبب انا مستعجله على هالزواج وقلت مابي اكلمه هالفتره لكن امورنا كلها نحلها بعد الزواج افضل الين الكل عرف ظروف الثاني ويقدرها وماتدرون يمكن اتقبله واصير احبه.. والحين عايشه بين مد وجزر.. ابيه ولا مابيه اكره ولا ماكرهه لكن ابوي وزوجي مصرين اننا نأجل الزواج، كأن مثلا بيتغير شي ولا بييصير شي سبحان الله؟؟ والله مدري وش اقول لاتعليق..رجاء ياخوات اسدولي نصيحه اي وحده مرت بظروفي تقولي ترفع من معنوياتي الله يخليكم انا كل يوم عن يوم يطيح من وزني الكثير، لا اشتهي لا اكل ولا نوم.. ماعاد ادري وش اسويرجاء قولولي وش الي لازم اسويه وهل ابوي معاه حق في اقتراحه؟ =___________________=*