
مظلومة2009 @mthlom2009
عضوة جديدة
مشكلة من مشكلة تانية ؟
السلام عليكم ورحمة الله وبركاته
اخباركم يااخواتي
انا قبل كدة كتبت مشكلتي مع زوجي هنا وانتم ماشاء الله عليكم اعطيتوني اراءكم السديدة وهذا رابط الموضوع
http://forum.hawaaworld.com/showthread.php?t=1694480
واحب ابشركم ان مشكلتي اتحلت لاني دخلت خواني في الوضوع اللي بيني وبين زوجي وحلوا المشكلة
ودحين زوجي مرررة كويس معايا لابعد الحمدلله الله لايفرق بينا بس دحين في مشكلة تاني جاتني بعد الاولى او هي مو مشلكة بشكل كبير
المهم
ان اخواني قرروا يصرفوا لي راتب شهري مساعدة لي ولعيالي بس بدون مايدري زوجي وزي ماقلتلكم خواني مشاء الله عليهم كثير ومناصب مو سهلة في البلد واخوان هم 5 وكل واحد اعطاني 1000 ريال يعني الموجوع 5000 ريال وقالوا هذا لك بدون مازوجك يعرف وانا اخذتها وصار شهريا ينزل بحسابي هذا المبلغ
وكملن قالوا لاتقولي لزوجك احنا بنساعدك عشان مانبغاه يحس انه فقير لان الفقر موعيب بس الاحساس فيه صعب
الموهيييم انه انا ماقلت لزوجي ابدا على الكلام دا ودحين زوجي بدا يشك بيا لاني اشنري للاودلاي ملابس للعيد ولي ويقول منين لك الفلوس ديا وانا بقوله من حسابي الفلوس اللي زمان اعطيتنياها ويقول الله لها سنه ولا تخلص ؟؟
ايش رايكم يابنات اقولهم من اخواني ؟بس اخاف ازعل خواني مني لانه قالوا لي سرا بينا ؟واخاف كمان يطمع فيها زوجي ويتكل على اخواني بكرة بكل شي؟
واحيانا اخاف ان زوجي يشك بيا ويقول من وين الحرمة هذة تجيب الفلوس
ولا افتح فيها حساب تاني بالبنك بدون مايدري ولا اجيب له سيرة المشكلة دحين صار عندي فلوس بس ماناي قادرة اتهنى فيها؟:44:
وكمان اخويا قبل يومين كلمني وقالي انا راح اعطيكي هدية حلوة وكبيرة للعيد لك وللعيال واللي سمعت من ابويا ومامي ان اخويا هدا باع كم ارض في الرياض وجابت له مبلغ مرررررررررررة مرتب وعلى قولت ابويا خودي المبلغ الكبير من اخوكي لك وللزمن
طيب زوجي ايش راح اقوله
انا افكر اقوله على هدية العيد الكبيرة بس وباقي الموضوع اللي هو موضوع راتب خواني مااقوله
الله يخليكم ساعدوني والله راسي بينفجر من التفكير
وعلى فكرة انا هنا من كبيرات المحررات بس هذا اسم تاني ليا لاني مابغا احد يعرفيني من قرايب زوجي هنا
وشوكرن
استناكم
12
952
يلزم عليك تسجيل الدخول أولًا لكتابة تعليق.

شمـsunـس
•
والله ماعندي اختي حل او تصريفه لكن اللي حبيت اقوله لك ....لا تقولين له على الراتب اللي يعطونك اخوانك.......مشاء الله عليهم اللي حسو في معاناتك وساعدوك الله يخليهم لك ماكلفوك الا انك تحفاظين على السر...غيرك زوجات مساكين ماعندهم اهل يعتزون عليهم.....لا تخسرين ثقة اخوانك فيك...هذا غير ان زوجك فعلا ممكن يعتمد على هالفلوس وتنقلب نقمه بدل ماهي نعمه

اصحي زوجك يعرررف عن الفلوووس الي من اخوووانك لاتخسرررينها كلها بعض الرجاااال طماعين وفلووس جت بالسهل ياسلام سلم
وحتى الهديه اذا جت وكانت كبيررره اشترري فيها حاجه للزمن مثل ارض رخيصه وتقعد لك سنين
قولي امي تعطيني فلوووس اذا احتجت
وغييري حسابك لايشيك عليييييه
وحتى الهديه اذا جت وكانت كبيررره اشترري فيها حاجه للزمن مثل ارض رخيصه وتقعد لك سنين
قولي امي تعطيني فلوووس اذا احتجت
وغييري حسابك لايشيك عليييييه

ابدا لاتفكرين واذا سألك من فين الفلوس قولي هدايا مره من امي ومره من اخويه لولادي يعني صرفي نفسك
وفتحي حساب ثاني بالبنك وشوفي شخصيت زوجك اذا كان يفرح بالفلوس ماتوقع يزعل بس بيشيل يده من المسؤليه صدقيني
انتبهي تقوليله
وفتحي حساب ثاني بالبنك وشوفي شخصيت زوجك اذا كان يفرح بالفلوس ماتوقع يزعل بس بيشيل يده من المسؤليه صدقيني
انتبهي تقوليله


الله يجزاهم خير اخوانك لاتعلمي زوجك وقرشك الابيض ينفعك في اليوم الاسود لاتقولي لزوجك مافي داعي
الصفحة الأخيرة