الله يشفي الأم الطيبه..ويهدي ولدها
وياليت( رغد) ما تمل ولا تكل من تذكيره بالزياره وتحتسب الأجر إن شاء الله.
و دمتم جميعا بخير

دنو2008


آآآميييييييييييين يارب وجزاك الله خير , وان شاء الله ماراح تمل وان شاء الله ام زوجها تطلع بالسلامه وتنتهي السالفة

والله يعطيك العافيه ويوفقك ويسعدك دنيا وآخره

يارب رحمتك

الله يجزاها خير ويجعله في ميزان حسناتها

ممكن تلبس وتقوله مدامك قاعد عالنت وفي البيت خلاص خليك مع العيال وانا اللي بروح لأمي أزورها في المستشفى

يمكن يستحي ويحس على دمه

اذا جاء وقت الزيارة تكلم على خالتها وتسلم عليها وتقول لها :
ها ياخالة تبين شي فلان بيجيك بعد شوي
وتحط السماعة وتقول يالله امك تحتريك

لالالالالالالالالا حرام عليه ليش يترك امه ياويل قلبي
تصدقين لما ابو زوجي كان هنا بالرياض كنت انا وزوجي لازم نزوره مرتين باليوم وافرح قلبه بالعيال جلس شهر بالمستشفى ماتتصورين كيف يفرح يوم نجي ونجيب قهوه واكل له
السالفه هذي قبل 7سنوات تصدقين انه باقي يحكي ويسولف للكل عن وقفتنا معه وتخفيفنا له بجيتنا له كل يوم رغم ان المستشفى كانت بعيده مره عنا انتي قوي زوجك وقوليله من افضل امك والا هالكمبيوتر امك اللي رمت كل شئ وشالتك وحطتك لين كبرة

خوفيه من عقوبة الله وان هذا بيردونه له عياله بكرى
وانتي تلهفي اكثر لروحتها علشان يتشجع وشجعي العيال ايضا انهم يطلبون كل يوم يشوفون جدتهم
تصدقين طاح ابوي قبل سنه بالمستشفى الكل قال انه ميت ميت والله ان اخواني واخواتي وانا من كل مناطق المملكه وقرايبنا في مكه كنا مزوره انا كنت كل اربعاء قاصه تذكره ورايحه
كل الاطفال كانوحابين يشوفون جدهم ابوي عنده 73حفيد ماشاء الله كان اغلبهم يجي
تخيلي كان من سوء حالته حتى امي مايعرفها وبفضل الله تحسن واستعاد قدرته وصار يقول لنا ليش ياعيال كلفتم على حالكم والله اني غلبتكم بس شوفتكم ردة لي عافيتي
وهذا هو صار احسن بالبيت وكل اعياد ومناسبات مجتمعين وحاطينه وسط عيونا
واللي تخلف على طول من تخلص الاربعين تروح توريه البيبي كل هذا ساهم في شفائه