مشكلة ولدى

السلام عليكم
عسى ان تكونو بخير اخواتى هادى اول مرة اكتب فى هدا القسم وان شاء الله يكون هدا
المكان الصحيح الاقى فيه حل ولدى عمره 10 سنوات طفل عادى جدا فى كل شى من صغرة
بس كان شوى انطوائى وماتكلم بسرعة تكلم فى حوالى 3 سنوات وفى الاربع تحسن حديثه
وبما انى ولدته باستراليا وضليت فيها لحد عمره ست سنوات كان يتكلم بس انقلش ولا كلمة
عربى اول مارجعت لبلدى ماحاولت اضغط عليه شوى شوى بدا يتكلم مشكلته انه ما يقدر يعطى
جملة كاملة فى البداية كان عادى لاختلاف اللغات بس تو لينا حوالى اربع سنوات فى بلدنا
ولسه ماتحسن يحاول يحكى قصة يبى نصف ساعة وهو يلف ويدور كمان ابعته يجيب غرض
لازم ينسى شى او يجيب شى اخر مكانه كان بليد مايفكر والعيلة بتقارنه بابن اخوى يقولون ما
شاء الله نشيط يلقطه وهى طايرة مو زى فلان وهو مايحب يتكلم بجانب احد لاحسن يضحكون
عليه بالله عليكم افيدونى ادا فى حد عنده حل كيف اتعامل مع ولدى شن اسوى لاعطيه الثقة بنفسه
ادا انا فى نفسى اضايق من تطويله فى الكلام مابالك فى الناس.
اسفه على الاطالة بس نبى حد احكيله وانتم اخواتى فى الله