مشكلة ولدي مع الرضاعه الصناعيه والترجيع

هلا امهات

أنا بكريه وأول طفل عندي بعد اربع سنين الله رزقني فيه

اول ماولدت ولدي مارضع من صدري لانه الحلمات مو بارزين وكان فيه حليب كثير بس مع المرض اللي صابني

وضعفت شهيتي للاكل كثييييييييييير قل الحليب تالي عرف يشرب من صدري وطلعت الالام الرضاعه اللي ماقدرت عليها

وظل على الرضاعه الصناعيه لانه مايشبع من صدري ابد ابدا

المهم ابي اعرف كم الوقت بين رضعه والثانيه انا سمعت انه ثلاث ساعات زين بين كل رضعه لانه الحليب الصناعي

صعب هضمه مو مثل الطبيعي بس مشكلة ولدي الترجيع على طووووووووووول ودايما ولاعت جبدي من كثر الترجيع

خصوصا وقت سهره وحركي كثير يعني زين اذا ظل الحليب في بطنه وبعد ساعتين الا يبتدي يصيح ويحسسني انه عطشان

اصبر الين الساعتين واعطيه ولايشربها كامل يعني امليها ل120 ويشرب من 120 الى 50 مل بس الباقي مايشربه ينام

وبعد ساعه يقعد ويرجع كثيييييييير والحل هل هو يشرب كويس ومع الترجيع اظل كل ساعتين ارضعه تعبت معاه كثير


قولوا لي اش الحل