مشكلة ولد اختي .. ساعدوها

السلام عليكم حوائيات

ماراح اطول عليكم بدخل بالموضوع

اختي ولدها يدرس اول ابتدائي في مدرسه خاصه
مشكلته مررررررررررررره شقي مستحيل يجلس دقيقتين على بعض

دايم زوجها يروح يسال استاذه ويقول شاطر بس شوي شقي
المهم اليوم بعدخروجه من الصلاة قابل استاذ ثاني في نفس المدرسه هو جارهم ويعرفه زين
قال لزوج اختي ابغى اقولك شيء بس متردد
قاله زوج اختي خير
قال ولدك مجنن الاستاذ بالفصل مرررررره شقي ولا يسمع كلامه
ويسوي حركات عجيبه يضحك الاولاد بالفصل ولاعاد يقدر يسيطر ع الفصل بسبة ولدك
والرجال تعب منه وكل يوم ادخل فصلهم الاقيه موقفه ع السبوره
واحيانا اخذه في غرفة المدرسين الى ان يهدأ !!!!

اختي مرررره مقهوره مو عارفه كيف تتصرف لانه احرجهم والاستاذ صابر على بلاويه :icon33:
فكرت تدق على استاذه بنفسها بس جارهم قال لاتكلمونه ولا يعرف اني قلت لكم

محتاااااااره مع ولدها حاولت تفهمه من اول السنه يخفف شقاوه ويركز بالفصل بس مافيه امل

صغير وعنده فرط نشاط ما يقدر يجلس

مع العلم انه يدرس بمدرسه خاصه وكل اساتذتهم اجانب وهو ذكي ماعنده مشاكل بالدروس شاطر


اللي عندها طريقه حلوه لتعويد الولد ع الهدؤء بالفصل تعطينا
واللي تعرف كيف تتعامل مع الاستاذ وهل يعتذرون له عن تصرفات ولدهم ولا يطنشون الموضوع


ربي يسعد اللي ترد او حتى لو ترفع الموضوع بدعوه لهلولد ان ربي يهدي قلبه