منبرشه

منبرشه @mnbrshh

عضوة جديدة

مشكلة ومولاقيه لها حل ... تعبت

الأسرة والمجتمع

انا مخطوبه ( مملكه ) من سنه ونص تقريبا ، في البدايه كان الوضع طبيعي مع خطيبي زي اي اثنين متملكين جديد مكالمات تلفونية للتعارف و زيارات وكلو بعلم أهلي لانه هالشي عندنا مسموح .. بس بعد فتره بدات اشوف التغيير من خطيبي صار الموضوع غيره عميا او بمعنى صحيح ( الشك) موطبيعي ابدا يشك بكل شي حتى لما اطلع مع اهلي سوق او مطعم يسال اساله مريبه / ليه صوتك متغير؟ ليه السوق هدوء مافي ناس ، او يقولي ليه تتكلمين بصوت واطي وماتبين احد يسمعك ؟! بالله عليكم احد يتكلم بالمطعم او بالسوق ويصراخ
انا تحملت وتحملت وكنت امشي الموضوع لانه عمري موصغير وهذا اول عريس يتقدم لي :44:
وكل مره اقول تحملي لحد ماانفجرت وصرت اعصب واصرخ واحيانا انام وانا ابكي لانه بدا يرمي كلام اكبر وكله شك ب شك بس هوا رافض يعترف ويقول لا هذي غيره طبيعيه ، طيب له الحين سنتين تقريبا من عرفني ايام الخطوبه و الملكه وعرف كل شي عني وشايف كيف لما البس عبايتي و تصرفاتي كلها تدل الحمدلله اني موحقت صياعه والا مصخره ، انا يمكن كتبت كم موضوع قبل كدا عن هالشي وناس ايدت اني انفصل عنه بس انا كل مره كنت اصبر واتصبر واطعي ربي انه يهديه ويسهل امرنا واقول يمكن حاله وتعدي مع الوقت .......
لكن الموضوع مثل ماهوا يخفف شوي عشان يرضيني وبعد ماارضى يرجع نفس قبل موقادر يتغير يعني مبين انه طبع ومايقدر يغيره ، الحين انا صار لي سنه ونص مملكه ولااحد تكلم بموضوع الزواج ولااحد من اهله فتح الموضوع والناس اكلت وجهي انا واهلي وهم يسالون واحنا نرقع على اساس يكون نفسه وانا مقهووره موعارفه كيف اتصرف واخر شي اكتشفنا انه انفصل من شغله ومافي امل يرجع :( طبعا ماما كلمت ابوه وقالت انا ماازوج البنت الا لما يرجع لشغله لانه كان موظف حكومي وراتبه ممتاز وعمل مشكل بالعمل وانفصل والظاهر ماله امل يرجع لان صارله 6 شهور جالس بالبيت اكل ومرعى وقلة صنعه ، مايتحرك ولا يدور شغل وكل مااقله روح دور لك شغله طيب قبل فوات الاوان يقولي طيب اشوف ويرجع للنوم و التسدح ! يعني فوق ماانا متحمله شكه وغثاه واسلوبه السيء صاير عاطل - واهله سكتم بكتم ولاحس ولاخبر !!
الله يخليكم اشيرو علي انا عطيته فرصة هالشهر وقلتله اذا ماتعدل الحال انا مااقدر استمر معاك؟ العمر يجري وهما مستهترين ! متى اتزوج واخلف مره زهقت وصارتي نفسيتي سيئه صعبه الناس تسالك كل شوي متى زواجك وانتي ترقعين :( وكمان لما شكيت لوحده ردت علي برد سخيف تقولي / امسكي فيه لحد مايلاقي وظيفه تظمنين احد يجيك غيره ....... معقوله !! يعني صرنا بزمن نتزوج اي رجال عشان كلام الناس ، والسعاده والراحه مالها دور .... ابغى مساعده من الحكيمات كيف اتخذ قرار
علما باني استخير من 5 شهور وادعي تحت المطر دعاء حاار و بكاء ولاشفت اي تغير
32
2K

يلزم عليك تسجيل الدخول أولًا لكتابة تعليق.

تسجيل دخول

فوفا الحلوة
فوفا الحلوة
الله يعينك اختي والله ماني عارفه ايش ادلك عليه
بس انت استخيري ربك كمان والخيره فيما اختاره الله
فونكه فوشيه
فونكه فوشيه
حبيبتي بقولك شي وياليت تنفذيه دقي عليه سلام ..كيف الحال...
قولي له انك متمسكه فيه وتحبينه وماتقدرين تستغنين عنه وبعدين ابدئي في موضوع العمل..قولي ياقلبي انا انتظر اللحظه اللي تجمعنا سوى علشان خاطري ياقلبي حاول تدور شغل بسرعه وتكون نفسك علشان نعيش ونستقر وقولي كمان انك ما انتظرتي إلا عشانك متمسكه فيه وتحبيه وإن شاء الله يتحرك
وإذا ع الشك فصدقيني هذا الشي من حبه لك بس حاولي تبينين له انه كل حياتك وانك تحبيه ومافي حياتك احد غيره وكثري من هالكلام ومع الوقت بيصير يثق فيك

حبيبتي إذا كل هالاشياء مانفعت معاك استخيري والله يختار لك مافيه الخير بس لاتفكرين في الانفصال في حلول ثانيه
الله ييسر امرك ياقمر
كساندرا لامارا
الله يفرجهااا عليك ويكتبلك الخيراين ماكان
وينك ياامسي
وينك ياامسي
حبيبتي استخيري
وخلي ابوك يكلمه ويقوله انا سمعت انك تركت العمل كيف بتتزوج وانت ماعندك وظيفه وانا وافقت عليك لانك موظف وشوفي وش يردعليكم وصدقيني مدامك استخرتي ربي راح يفرجها عليك
اما اللي تقولك امسكي بالرجال فهذي تفكيرها محدودوماعندها سالفه
جمانه0
جمانه0
ياحبيبتي وضعك يبيله حزم وقوة من اهلك وانتي بعد ............تعطونه مهلة محددة للوظيفة والزواج ....ناقشيه قولي متحمله شكك وبطالتك الى متى .............وحدة من قرايبي كانت نفس وضعك راح ابوها وكلم اهله قالهم الى متى معلقين البنت وولدكم لازواج ولاوظيفة وعمر البنت يمشي وطبعا تركها وتزوجت واحد مشاء الله لاقوة الابالله معيشها اميرة .............انتي فكري بوضعك زين واهله سكوتهم غريب يرضون وحدة من بناتهم يصير لها كذا طبعا لا...........اتخذي قرار والله يوفقك واذا على كلام الناس بيتكلمون بس ماعليك من احد اهم شي مصلحتك وبس وموفقة حبيبتي ................