مشكلة ومولاقيه لها حل ... تعبت

انا مخطوبه ( مملكه ) من سنه ونص تقريبا ، في البدايه كان الوضع طبيعي مع خطيبي زي اي اثنين متملكين جديد مكالمات تلفونية للتعارف و زيارات وكلو بعلم أهلي لانه هالشي عندنا مسموح .. بس بعد فتره بدات اشوف التغيير من خطيبي صار الموضوع غيره عميا او بمعنى صحيح ( الشك) موطبيعي ابدا يشك بكل شي حتى لما اطلع مع اهلي سوق او مطعم يسال اساله مريبه / ليه صوتك متغير؟ ليه السوق هدوء مافي ناس ، او يقولي ليه تتكلمين بصوت واطي وماتبين احد يسمعك ؟! بالله عليكم احد يتكلم بالمطعم او بالسوق ويصراخ
انا تحملت وتحملت وكنت امشي الموضوع لانه عمري موصغير وهذا اول عريس يتقدم لي :44:
وكل مره اقول تحملي لحد ماانفجرت وصرت اعصب واصرخ واحيانا انام وانا ابكي لانه بدا يرمي كلام اكبر وكله شك ب شك بس هوا رافض يعترف ويقول لا هذي غيره طبيعيه ، طيب له الحين سنتين تقريبا من عرفني ايام الخطوبه و الملكه وعرف كل شي عني وشايف كيف لما البس عبايتي و تصرفاتي كلها تدل الحمدلله اني موحقت صياعه والا مصخره ، انا يمكن كتبت كم موضوع قبل كدا عن هالشي وناس ايدت اني انفصل عنه بس انا كل مره كنت اصبر واتصبر واطعي ربي انه يهديه ويسهل امرنا واقول يمكن حاله وتعدي مع الوقت .......
لكن الموضوع مثل ماهوا يخفف شوي عشان يرضيني وبعد ماارضى يرجع نفس قبل موقادر يتغير يعني مبين انه طبع ومايقدر يغيره ، الحين انا صار لي سنه ونص مملكه ولااحد تكلم بموضوع الزواج ولااحد من اهله فتح الموضوع والناس اكلت وجهي انا واهلي وهم يسالون واحنا نرقع على اساس يكون نفسه وانا مقهووره موعارفه كيف اتصرف واخر شي اكتشفنا انه انفصل من شغله ومافي امل يرجع :( طبعا ماما كلمت ابوه وقالت انا ماازوج البنت الا لما يرجع لشغله لانه كان موظف حكومي وراتبه ممتاز وعمل مشكل بالعمل وانفصل والظاهر ماله امل يرجع لان صارله 6 شهور جالس بالبيت اكل ومرعى وقلة صنعه ، مايتحرك ولا يدور شغل وكل مااقله روح دور لك شغله طيب قبل فوات الاوان يقولي طيب اشوف ويرجع للنوم و التسدح ! يعني فوق ماانا متحمله شكه وغثاه واسلوبه السيء صاير عاطل - واهله سكتم بكتم ولاحس ولاخبر !!
الله يخليكم اشيرو علي انا عطيته فرصة هالشهر وقلتله اذا ماتعدل الحال انا مااقدر استمر معاك؟ العمر يجري وهما مستهترين ! متى اتزوج واخلف مره زهقت وصارتي نفسيتي سيئه صعبه الناس تسالك كل شوي متى زواجك وانتي ترقعين :( وكمان لما شكيت لوحده ردت علي برد سخيف تقولي / امسكي فيه لحد مايلاقي وظيفه تظمنين احد يجيك غيره ....... معقوله !! يعني صرنا بزمن نتزوج اي رجال عشان كلام الناس ، والسعاده والراحه مالها دور .... ابغى مساعده من الحكيمات كيف اتخذ قرار
علما باني استخير من 5 شهور وادعي تحت المطر دعاء حاار و بكاء ولاشفت اي تغير