مشكلتنا مع اخويا ومرته

بنات بقلك على حاجه مضايقتني صراحه جدا ؟ ابغا رايكم وشوركم

انا عندي اخويا اكبر واحد عمره ٣٣ و دكتور استشاري المهم بغينا ندور له على عروس ونزوجه وبدانا ندور احنا سمر وهو قال عادي جيبولي اي وحده ما شرط الي فيها الخير وبنت ناس وبنت حلال طيبه وخلوقه المهم دورنا اوقات ما يحصل نصيب وصرت انا ادور في الجامعه واسال صحباتي وحده من صحباتي من الحضارم بيضه كلمتني قالت عندي اختي تحب السمر تعالوو شوفوها لو عجبتكم اخطوبها المهم طنشت عبالي تتريق ومازلت ادور بعدين قلت لامي وحده من صحباتي قالت تعالو عندنا وكذا ايش رايك قالت نروح ونشوف امكن النصيب هناك ما ندري ورحنا ما شاء الله استقبلونا وانبسطو ما قصرو معانا وخطبنا البنت وصارت الملكه والزواج وكل حاجه والله يا بنات في عيوننا نحطها اول مرت اخ تدخل بيتنا امي ما تقصر معاها بشي ابدا وهيا بعد محترمه ومره تحترم امي وابوي وتقدره بس المشكله هنا يا بنات اخويا لما بدا يكبر عاش في الجبيل عند اخواتي من اخويا وله تقريبا عشره سنين بين انو يكمل دراسته ويدخل عسكريه المهم اتزوج وجاء عندنا احنا خواتو اشقاء احنا اربع بنات انا الكبيره عمري ٢٣ وفي الي تحتي صغار وحده بالجامعه وحده بالمتوسط وحده اولى ابتدائي وفي عيال المهم يا بنات اخويه مره ما يهتم لنا ولا يعبرنا بس كل همه امي وابوي يكلمهم ويسال عنهم واذا كن جالسين مع امي وابوي ودخل يسلم على امي وابويا احنا ولا كاننا جالسين ما يعبرنا ولا يسال عننا احسنا احنا خواته الاشقاء ولا كاننا خواته اذا جلسنا مع خواتي من ابويا وبناتهم يقعد يضحك معاهم ويسولف ويمزح معاهم بس احنا لا يقول ما تربيت معاهم ما اعرف كيف اتعامل معاهم بنات والله احنا نسال عنه وويوم زواجه قمت سويت وفعلا بس كل مال يبعد عنا ويسفهنا حتى واخواتي جالسين بس يناظرو فينا مقهورين انا وخواتي مرات نحس انه شايف نفسه ومرات ما ندري وش فيه وغير كذا دائما يقول اهل مكة اغبياء وما يعرفو يتكلمو وماهم مطورين واحنا وهو اتربينا وعشنا وكبرنا بمكة الين صارت مرته يا بنات تعاملنا زي ما يعلمنا اخويا كل هما ترضي امي واحنا بالطقاق فينا ما تسال ولا ترسل ولا شي وحتى لما نكلمها من طرف خشمها ترد طيب يا بنات اذا اخويا كذا هل من حقها تتعامل معانا بالطريقه دي حتى لما ولدت قمنا وشلنا وحطينا حتى احنا عملنا كل شي من زينا من توزيعات كم ملابسها وملابس النونو والديكور والطقم في الاخير لما جات هيا والنونو اقلها اعطيني هيا اشوفها وابغا اصورها ع الاقل اخلي الصوره عندي ما بنزل ولا شي بس ابغاها عندي لانو النونو قعدت اسبوع في المستشفى بعدين طلعت قالت ما تصوري ولا تخافي حتى انت ربي حيرزقك وحتدولدي لا تشيلي هم بنات انصعقت من كلامها وطلع اخويا قلها لا تخلي اهل مكة يصورنا وحتى حنا خواته منعنا ورسل الصوره لاخواتي من ابويا وبناتهم وعيالهم الي بالجبيل تخيلو يا بنات اخوك شقيقك كذا يعمل معاكو يا بنات والله ويشهد عليا ربي اننا مره كويسين مع بعض وعايشين بنفس البيت هيا فوق احنا تحت ما نزور بعض كثير مافي مره تواصل قوي بيننا يعني على خفيف اذا جو اهلها طلعنا او اذا جونا ضيوف نزلت احيانا غير كذا والله انها مرتاحه مابنعل لها اي ازعاج حتى انها تقول انا مرتاحه واخوكم مو مقصر معايا مره اخوك ولد طيب وولد حلال طيب ليش كذا تعاملنا هل عشان اخويا كذا بتعاملنا معانا ولا ايش وضعها ؟
اخر شي انا لما قالتي لا تخافي حتولدي ولا تصوريها ومني عارفه وانا لست في الجامعه وماني متزوجه بس انصدمت رغم وقفتي معاها بكل شي حتى لما راحت تولد امي تقول نطلع نرتب بيتها ونزبط غرفتها الي حتقعد فيها مع الضيوف يا بنات البيت وسخ صراحه بس ما قلنا شي طلعنا ونظف ورتبنا وطبخنا ما قصرنا بشي بس في الاخير هذا جزاتي لما جابت النونو قالت ما تصوريها ولا تخافي حتى انت ربي حيرزقك وحتجيبي عيال صدمتني والله يا بنات كانو احد قلها اني عقيمه ولا ما لولد وانا لسه بنت وصغيره بس انا الكبيره عند امي خلاص معد صرت اتعامل معاها حتى ما صرت اسال ولا اهتم حتى كلامي معاها خفيف جدا اخويا اصلا من زمان ما صرت اكلمه ومطنشته ولا اعطي اي اعتبار ولا كانو في حياتي بس ان شاء الله تكونو فهمتوني .
وًما اتوقع عنصريه لانها عايشه مع اخويا ومبسوطه معاه وبنتها طلعت سمره علينا وحرمتنا منها ومن شوفتها وعادي تحبها وتخاف عليها بس ليش كذا تتعامل معانا حتى ما تنزلها على الاقل عشان امي تشوفها اذا ماهي معطيتنا اعتبار احنا الخوات ع الاقل امي تشوف حفيدتها هذا اول حفيده لها واذا نزلتها تخاف عليها مننا نروح نصورها ولا شي مره متفاجئه منها معقوله في ناس كذا طيب
انا دائما اسمع اخوات الزوج مو كويسين بس والله مو كل الناس مثل بعض في ناس راقيه في ناس طيبين في ناس كويسين في ناس ذوق مو الكل مثل بعض .