البدره22 @albdrh22

عضوة جديدة

مشكلتنا مع اخوي وبنت خالتي

بسم الله الرحمن الرحيم

لسلام عليكم ورحمة الله وبركاته

انا جديده هنا بينكم

وحبيت اطرح عليكم مشكلتي او بالاحرى مشكلة العائله كلها

الله يسلمكم احنا وجماعتنا مانزوج ولا تنزوج الا من بعضنا بعض هذي العاده عندنا وانا عندي اخوي الكبير وتقريبا عمره وصل ثلاثين تقريباً

كان متملك على وحده من الجماعه تقرب لامي وما كان يعرفها احنا وامي رشحنها له وبعد الملكه كلمها وصارت بينهم خلافات

الموهم اخوي حس ان البنت ما تبيه او مغصوووبه عليه وسبحان الله شار واستخار وطلقها واحنا ما درينا الا بعد ما طلق ويعلم الله تضايقنا عليه وعلى البنت

بس كان يبرر اللي سواه انها ما تبيه وانها احيانن اذا صار بينهم شي ان امها تتصل عليه وتقعد تعاتبه وليش تقول لبنتي كذا ومن هالكلام

مع والله يابنات انها قد سببت لنا مشاكل مع اخوي وقعد اخوي فوق الشهر وهو ما يكلمنا بسبت ششي تافه وهي على البر مثل ما يقولون

ويعلم الله ما قد قلنا له اتركها ولا شي الين هو سبحان الله بروحه تركها ويعلم الله كم تضايقنا وخاصمناه عشان تركها المشكله مو هنا

المشكله عندنا بنت خالتي وهي يتميه الاب والام واخوها بعد ما تزوج تخلا عنها عشان زوجته اجنبيه وتسوي مشاكل وهي راحت عاشت عند اختها المتزوجه

واختها موظفه وعندها عيال وبنت خالتي قد تملكت مرتين وتطلقت وربي انها تحزن يابنات استخرت انا وامي واختي الكبيره اننا نخطبها لاخوي

والله صار لنا حول الشهر وحنا نستخير فيها اقسم بالله حسينا براحه فضيعه وان هذي اللي تناسب اخوي

الطامه انو لما فاتحنا اخوي بالسالفه قال ما ابيها ابد يعني تطلقت مرتين وانا ارجع اخذها ومن هالكلام طبعا حنا ما سكتنا وقلنا له حرام عليك بنت خالتك ويتيمه

ويعلم الله انها مستوره وطيبه لابعد الحدود بس اخوي معاند وامي زعلت عليه وحلفت انها ما تحضر له لا فرح ولا عزا ان ما تزوجها

وحتى اختي الكبيره بعد زعلت عليه واخواني كلموه وهو مصمم رافض نقوله بس استخير فيها مو راضي

بنات ياليت اللي عندها طريقه تساعدنا او تنصحنا او على الاقل تدعي ان ربي يهديه وياخذ بنت خالتي اليتيمه

ويعلم الله بتكون لها دعووووووووووووه من قلب صادق في قيام الليل

قال تعالى ((( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ ))

اتمنى اني اسمع منكم شي يسر بنات عالم حواء وهذا العششم فيكم

لكل من مر هنا :26:

يلزم عليك تسجيل الدخول أولًا لكتابة تعليق.

تسجيل دخول

دموع الصيف • 13 سنة

ياختي الله يرزقها اللي احسن من اخوك حبيبتي لاتجبرونه وصدقيني لو تزوجهها ماراح يستمر معاها

No0orh • 13 سنة

خليه يستخير ومايدري وين الخيره فيه بس انتبهو تغصبونه ترى بتصير حياتهم نكد وهي شكله المسكينة مو ناقصها

ماما جومانة • 13 سنة

طيب خلوه على راحته
يمكن ياخذها ويظلمها مغصوب
الزواج اتفاق ورغبة كل الاطراف في بعض
اتركو تعاطفكم ورحمتكم لها بالدعاء
واذكروها عند ناس غير
بيجيها ان شاء الله رزقها

دانيا الدلوعه • 13 سنة

الحين الشباب ياخذها عن حب واقتناع ثم يقلب عليها وينكد عيشتها
فما بالك ياخذها مغصوب ومومقتنع فيها
انتوا ماراح تضروا اخوك انتوا حتضروا المسكينه بنت خالتك لانها راح تتطلق للمره الثالثه (بعيد الشر)
بنت خالتك الله خالقها ومدبر امرها
لاتشفقوا عليها وتأذوها

مناير مودرن!! • 13 سنة

اللهم صلي على محمد

معليش حبيبتي هذا زواج صعبة تغصبونه وبعدين فهمي امس واختس وبنت خالتس ربي يرزقها والخيرة فيما اختاره الله