مشكلتنا مع الشغالة السيرلانكية الله يعافيكم ابغه الحل.....انتظركم

هلا ببنات حواء ربي مايحرمني من الطيبات

الله يعافيكم ابغه حل مع هالشغالة الي تعبتني كل شوي
( ماما أنا تعبان .. ماما أنا في حلق تعبان .. ماما أنا في يد تعبان .. ماما أنا في رجل تعبان .......
كل شوي تعبان والصراحة أحيانا أشوفها تعبانة بس أحيانا ماأشوف فيها شئ بس ماأقدر أقولها كذابة )

المهم أوديها للمستوصف الحكومي ويعطونها علاجات ولا تطيب وأريحها ولا أخليها تشتغل ولا تحرك ساكن أحيانا يومين على بعضهم وفي النهاية تعبانة ......
يوم من الايام فكرت أجيب لها العلاج وأنا الي أعطيها بنفسي لاني حسيت أنها تخرط علي وتتعمد تتعب علشان تقعد في الغرفة وتشغلنا معاها ....
مع العلم ترى معها شغالة ثانية والشغل خفيف عليها ..... المهم عطيتها العلاج بنفسي ومع أنها متضايقة أني أتابعها بالعلاج بس بالاخير طابت ....... وبعدها تتم كم أسبوع وتشكي من تعب ...

آخر شكوى لها وديتها الدكتورة قالت مافيها شئ بس عطتها مسكن والان بعد أسبوع تقول ماطبت ...
يابنات أنا أحس أنها تلمح أن المستوصف الحكومي مايفيدها وتبغى تعالج بالخاص مثلنا
ومرة قالت أسناني مع أني والله يابنات ماأشوفها تعبانة لما أتابعها و لما وديتها حكومي قالوا مانعالج الاسنان .....
قلت لها الخاص أوديك على حسابك أبشوف وش تقول ....
واللهم ياكافي قامت الدنيا ولا قعدت وسوت أزعاج وقالت أنا في سافر ........ المهم بعد تطنيشها رجعت وسكتت والغريبة ماشكت من سنها ....
بس يابنات أبسألكم إذا في ضرورة أنا عارفة إني ماني تاركتها .....
بس عشان ماأحطها في ذمتي هل علاجهم حنا مكفولين فيهم وعلى حسابنا ؟
مع أني ماأدري عن شروط العقد ( طبعا أنا من السعودية )
عشان إذا كان علينا شكلي غصب عني بوديها في كل مرة مايعجبها الحكومي
بس إذا كان العلاج على حسابها أقول لها في وجهها عشان تتأدب وتبطل شكاوي ...


معليش أنا قرقر كثير والبركة فيها اللي علمتني القرقر

ها يابنات أنا أنتظركم الله يعافيكم اللي عندها تجارب معهم الله يعافيها ويجزاها خير
واللي تعرف أكيد تعلمني علاجهم علينا والا عليهم ؟؟؟

وكيف تجاربكم أنتم هل تعالجونهم في الخاص ؟؟؟ والأدوية منكم ؟
أو حسب الحالة ؟؟؟