مشكلتنا مع خدامتنا الأندونيسسيه.....أرجوكم ساعدوني؟؟

بسم الله الرحمن الرحيم
السلام عليكم ورحمة الله وبركاته

اشحالكم بنات أنا عندي مشكله وأتمنى انكم تساعدوني. خواتي انا حبيت اعرض عليكم مشكلتي لاني شفت من خلال هالقسم كيف يكون التعاون بين الاخوات من خلال الردود الطيبه اللي صراحه أنا اشوفها جداً عقلانيه واللي تريح صاحبة المشكله. والسبب الرئيس خلاني اعرض مشكلتي هو خبرتكن الكبيره في الحياه واتمنى انكم لوتعطوني لو شي بسيط من خبرتكن الواسعه.


ببدأ في مشكلتي, عندنا خدامه اندونيسيه صار لها سنتين عندنا صراحه تشتغل بضمير مع انها بطيئه بتقولون وين المشكله, المشكله اكتشفنا في موبايلها صورة واحد هندي, واختي اللي كشفت هالشي كانت تسألها عن موبايلها وكانت الخدامه تطبخ واختي شلت الموبايل ودخلت على الاستديو وشافت الصوره. أختي خبرتنا عن اللي شافته في موبايلها من ذاك اليوم لاحظنا ان الخدامه بعد ما تخلص شغلها فليل ما تنام تقعد تتكلم في الموبايل عربي مكسر يعني تكلم الهندي.

ومره امي اتصلت عليها فليل علشان تسوي لامي ريوق وتليفونها كان مشغول وسألتها امي ليش موبايلج مشغول قالت انا يكلم اختي داخل اندونيسيا الساعه 1 فليل ماتدخل العقل؟؟

المهم أمي مو مرتاحه وتبغينا نفتش موبايلها مره ثانيه بس اختي الكبيره قالت ليش نخلي الخدامه تشك فينا ويمكن تسوي شي يضرنا مثل السحر اهم شي تشتغل بضمير. وعلى فكره خدامتنا لسانها مو طويل وتسوي شغلها بهدوء بس انا خايفه ادخل الهندي بيتنا فليل وعلى فكره خدامتنا واااايد ذكيه ماترمس في الموبايل إلا فليل وطول النهار تشتغل.

خواتي شو رايكم نتجاهل الموضوع ونسكت وإلا نسفرها مع إن جددنا إقامتها قبل ما نعرف بسوالفها...............


فديتكن ردن علي ضروري.....................