مشكلتنا مع زوجة اخوي اللي شوهت سمعتنا حسبي الله فيها ونعم الوكيل

السلام عليكم ورحمة الله
راح اطرح مشكلتي وبقول لكم كل شي من البدايه
احنا ماشاء الله زوجنا اخونا الصيفية الللي فاتت الموهيم ماخلينا شي ماسويناه من فررحتنا فيه وفي زوجتة
يعني احنا ثنتين بنات اكبر منه ومتزوجات
وفي ثنتين اصغر منه وحدة متزوجة وحدة كانت مخطوبه وقتها وبببعدين الله يسعدها تزوجت
مالكم باطويله زوجة اخونا الله يهديها كنا طايرين فيها فرحه تعرفون اخونا هذا مافي اطيب من قلبه
كلمة لا هذه مايعرفها لو نبي عيونه يعطيناها
واحنا نفس الشي معه واهلي مالهم غيرة بعد الله حاطين كل نظرتهم يمة
يبونه مبسوط وسعيد وهو خدوم مرة لكل الناس خصوصا احنا يا اخواته
بعد ماتزوج وتمشى وراح شهر العسل
استقر في المدينة اللي فيها عملة بالظهران الموهيم انا ببعد ساكنه معه بنفس المدينة

المهم اثث بعض الاشياء الرئيسيه للبيت زي غررفة نوم مطبخ اجهزة وتررك المجالس واللصالات للها وزواجهم كان قبل رمضان فالمطبخ ما كان ماثث فصارو يجوني عالفطور والسحور وكنت كل يوم وانا كرف وامد سفرتين للرجال والحريم
عشان خاطر عيونه فديته والله ماشكيت بالعكس كنت انتظر اللحظة اللي يجوني فيها مع ان زوجتة تففطر او تتسحر وتغسل يدها وتر وح تجلس بدورة المياة اقل شي 20 دقيقة او اكثر ويوم تطلع تستلم جوالها تدخل مجلس الحريم وتسكر الباب وتستلم
مكالمات مع امها طبعا امها بنت خالتي مباشرة يعني منا وفينا

انسانه شوي نفسية الله يصلحها تفكيرها جاهل يعني مبدأها في الحياة ان الحريم مايحبون
بعض ولا يبون خير لبعض وان الحموات عدوات وهالشي اكتشفناه بعد ما اخذنا بنتها
مرة اللايام والبنت مانشوف منها الا كل خير وهي نفس الشي حطيناها من فوق الراس عزيناها ورزيناها واعتبررتها زي اختي الصغيررة وقلت لها هاللشي
ببعد فتررة صررت اللاحظ كثرة مكالماتها لامها يعني تسولف معي نص ساعه
وتروح تدخل اي غرفه وتقفل وتكلم امهاوبعدين تطلع

واثاريها تنقل كل سواليفنا لامها وامها ماشاء الله سنطران شغاله نقل اخبار وتقول كلام ماتعمل حسابه
وبعد كم شهر حملت زوجة اخوي
وصرت اوصي اخوي لايتعبها بالطبخ والشغل وهي تتدلع ومرة الايام وانتهى الوحام وطلعت الكرشه وكنا انا وياها مرة قريبات من بعض يعني اطبخ وارسل لها
واذا جتني اسوي اللي تشتهيه لانها حامل واا نروح لاحد من قريباتنا نروح سوى
وكانت كثير مرات تكلمني وتقول تروحين معي عند فلانه ومن هاكللام واروح عشانها وانا والله العظيم احيانا اكون طالعه عند احد او خالص جاهزة راح اطلع واتعذر لانها كلمتني تول ببجيبب
المهم في يوم من الايام ببعد زواج اختي جات وحدة من اخواتي لمراجعه في المستشفى
فالشي الطبيعي انها تجلس عند اخوي بيته وسيع وهي جاية مواعيد مستشفى وهي تعبانه جلسو في شقه مفروشة يمكن اسبوع بعدين حلف عليهم اخوي يتركون الشقة ويجلسون عنده

عاد جلسو يومين يابنات والله العظيم يومين بس واثاريها متضايقة وتحن وتزن على راس اخوي مسكين تقول تعبت اخدم في خواتك ابي اخذ راحتي وابي ارتاح في بيتي
ومن هالكلام اخوي يوم شافها كذا عصب منها لانه شايف اختي اللي جلست عنده يومين مريضة
وتعبانه ومع هذا تشتغل وزوجتة بس تكلم امها ويوم شافته معصب سكتت واليوم الثاني جا الظهر من اللعمل لقي اختي مجهزة الغدا وهي تحلف انها تسوية وهي ماسكة كلاويها من المغص
بس تقول للانها ملت من اكل المطاعم فاسالت زوجة اخوي نسوي غدا قالت سوي

يعني افهميها تبين قومي سوي تقول يوم دخل اخوي وانا اسوي غدا وماسكة جنبي من الم الكلى سأل عن زوجته وينها قالت مدري يوم دورررها لقيها مسكرررة على روحها

ببغرفه وتكلم امها طبعا

طببعا عصب لكن بلعها المهم هذاك اليوم انا ارسلت لزوجة اخوي رساله اني بجيب عيالي عندها هي واختي وبروح اختار بلاط لبيتي ماردت علي بس انا ومن غبائي توقعت الوضع عادي
لانها من اول اذا راح زوجها العمل وهي تخاف لوحدها تاخذ بنتي تسكنها
وهي دائما تتظاهر انها تحبهم وكنت هذاك اليوم مرة مضطره اخليهم عندها
وخصوصا اختي موجودة فقلت بتهتم فيهم ساعتين وباخذهم

قامت هي تشتكي لاخوي اني خليت عيالي عندها وانها تعبت تخدمني انا واختي ومن هالكلام اخوي قالها جهزي شنطتك ويالله بوديك لاهلك قامت تبكي وتقول خلاص لا وبعد اصرار اخذها وداها لاهلها وشكى لابوها
من تقصيرها
لانها من يوم تزوجو ماعمرها تطبخ له يجي من عمله بغداه معه
وكل ملابسه تتكوم ماتغسل لدرجة انه يروح يشتري جديد لان مايلاقي شي نظيف يلبسه غير اهمالها بيتها ووصاختها وكان اول يشكي لي وانا اصبره قلت حامل وتعبانه حرام اصبر عليه بتوللد وتتغير
عاد بعد ماوداها للاهلها
قالي كل شي واثاريها دائما تشتكي له من احنا خواته طبعا ما يجيها احد منهم الا انا اخواتي الثانيات كل وحدة بمدينه ولا يشوفونها الا نادرا
حتى اختي يوم هي عرروس كانت تحرظه عليها مثلا اذا شرت شي مو راضي عليه او راحت مكان وهو مايبي كانت تقول لية ماتادبها يعني تبية ينكد عليها
ويوم جلست عند اهلها حول شهر جانا كلام كثير سب فينا احنا يا اخواته

وامها كلمت كل اللي نعرفهم وتبلتنا باشياء ماصارات وعيب حتى اكتبها هنا لكن كل اللي عرفونا ماصدقوها لانها هي شينه حتى امها وابوها مايطيقونها ا وابوها بس يدعي عليها ومن سنوات ماسلم عليها وغضبان عليها
عاد كلنا وكلنا امرنا لله وماقلنا غير حسبنا الله ونعم الوكيل

وبعدين دارت الدواير على امها وسبحان الله بعد رجوع زوجة اخوي بشهر وشوي صار مشكلة بينها وبين زوجها وكان راح يطلقها لولا تدخل خالي طبعا الحمد لله مشكلتهم مالها علاقه فينا


وحاول خالي يفهمها ان الحياة زوجية تعاون وصبر طبعا خالي رجل ملتزم وراعي دين

ومرة محترم وسالها عن كلامها هي وامها والله يابنات ماظلمتها والله العظيم يوم حلفها خالي يمين تقول الصدق قامت انهارت وصارت تبكي تقول ان كل اللي الكلام اللي قالته فينا كذب وسألها ليه طيب تتبلين حمواتك ماتخافين ربك
انت حامل وباخرر حملك والظلم مايجوز قالت امها يوم عرفت ان خوالي جايين يصلحون ويشوفون وش اللي صاير بيننا ققالت قولي كذا عن حمواتك كلام كبيرر ياببنات والله عيبب عليها قال ليه قالت
للان ماتبي احد يجي بيت بنتها
وتبي تقطع اخوانا من اهه واخواته عاد خالي انصدم منها وقال لها عيب ومن هاكلام

ومن فتررة هي متغيرة وتحسنت مع زوجها واخوي له شهرر يعزمني وانا والله مالي خلق اقابلها بعد اللي قالته فيني خصوصا انها ببنفسها تقول ماعمري شفت منها شي تقصدني


والاسبوع اللي راح بعد ما اخوي حلف علي رحت بيتهم وماقصرت مسويه كل شي وبببيتها نظيف لكن مازلت احسها ماتغيرت يابنات من يوم دخلت بيتها اللين طلعت وهي ماغيررر تتكلم وتنقل اخبارر وففلانه فيها وعلانه قالت
وقالت لي ان حماتي زوجة حماي كانت تكلم امها يوميا وتحش فيني وتنقل كلام لامها وهذه اللي مخلي امها حاقدة علي طبعا امها وحماتي صديقات وصداقتهم مبنيه على النميمة الله لا يبلانا
والله شايله هم المستقبل اذا من اولها كذا وش ببيصير بعدين


انصحوني كيف اتعامل معها الحين ومع امها حسبي الله فيها ونعم الوكيل ومع حماتي اللي تبلتني وخانت العشررة والصداقه اللي بيننا انا كنت بكلم حماتي لكن امي واخواتي قالو لا خليها ربي يتوالها وانا والله دايما ادعي واقول حسبي الله فيها ونعم الوكيل فيهم الثنتين
وادعو لهم بالهدايه خصوصا زوجة اخوي ربي يهديها ويسخرها للزوجها:06: