مشكلتى احب صديقتى واااايد

لي عودة بأذن الله

اكبر غلط ان الوحدة تتعلق في صديقتها اكثر من اللازم
لانه لابد يجي يوم وتتغير الظروف والنفوس ويتغير الحال
واسوء شي اذا كانت احدى الطرفين غيورة هنا الطامة الكبرى
لان الغيرة مرض لازم العلاج منه

اتمنى انك تكوني فهمتي قصدي:27:

والله يهدي النفوس ويصلح الحال
:26: :26:

اختى

حاولى توسعين دائرة معارفج

يعنى كونى لج صداقات ثانية

قوى علاقاتج مع جاراتج

و مع زميلاتج بالدوام

و مع قريباتج

و الحب اللى حاسه انج محتاجته منها .. حاولى تحصلينه من أماكن ثانية

من زوجج ... و بنتج

أتوقع علاقتج بزوجج هامشيه و انه بينكم فراغ عاطفى ( اعذرينى )

لأنى أتوقع انه ما فيه حوار بينكم .. مثلكم مثل أغلب الأزواج فى هالدنيا

حاولى تفتحين حوار مع زوجج ... حسسيه انج محتاجه حبه و انه يعبر لج عن هالحب

اختى

بيكون صعب عليج انج تتخلين عن هالمرض ( و اسمحى لى بهالكلمه )

بس خلى هالشى يصير بالتدريج :

- لما تمسكين سماعة التليفون تتصلين عليها .. غيرى الرقم و اتصلى على زوجج او صديقه ثانيه

لما تحسين انج محتاجه تشوفينها عزمى احد ثانى : جارة صديقه ثانيه أو وحده من قرايبج

و حاولى تستمتعين بقعدتج معاها و تتكلمين بالمواضيع اللى تحبينها .

أو اذا شفتى انه كل هالحلول صعبه .... سافرى مع زوجج و جددى علاقتج فيه

كل ما قوت علاقتج بزوجج راح تضعف علاقتج معاها

و مع كل هالحلول لازم تصلين و تدعين الله يخلصج من هالمرض

اتمنى انى اكون ساعدتج

مشكوره على الرد الجميل والمختصر وعلى النقاط المفيده وانشاء الله اقدر اتبعها واتخلص من هذا المرض ... واتمنى فعلا من قلبى ان تتقبلين صداقتى مدام انت اول وحده ردة على موضوعى واعتقد ان احنا من بلد واحد وهذا اكبر واقوى رابط

مع كل شكر والأحترام
ام دانه

اجعلي حبك لصديقتك ................في الله .......حتى تؤجرين عليه
ولا تكوني انانية ........فهي لها التزامات اخرى ..........واحساسك الزائد عن حده بسبب الفراغ..........فاشغليه بما يفيدك......وسترين النتيجة الأيجابية ان شاء الله