اختي الله يعافيك ويشافيك الحالة اللي انتي فيها اسمها الرهاب الاجتماعي صارت لي مرة الاعراض هي
افكار سوداوية دايما تحسين ان بصير مصيبة وان الناس راح تهاوش معاك
تحسين بخوف مو طبيعي وماله سبب خوف من الناس والحياة والمستقبل
تضعف شهيتك للاكل, والنوم متقلب
تصبحين حساسة ولا تحبين تكلمين احد لانك مالراح تتحملين اللي يقوله

ومالك خلق تلبسين ولا تزورين احد
وتلعثمين لما تتكلمين مع احد
وهناك الكثير من الاعراض

انا عالجتها باذكار الصباح والمساء ( المداومة عليها)

خليك مرافقة الناس الي تحب تضحك ومرحة
حاوري نفسك واعملي بالجملة هذي ( أنا راح أعيش اللحظة اللي انا فيها )
يعني لا تفكرين لا في الماضي ولا في المستقبل يعني لا تقولين فلانة كانت تقصد كذا وبكرة راح تقول لي كذا
قولي لنفسك اللي صار صار وانتهى واللي بيجي له مليون حل وحل باذن الله

قارني وضعك بوضع ناس اضعف منك وماعندهم القدرة على مواجهة الحياة وقولي انا احسن منهم
وان شاء الله تشافين
ولا اخفيك ان الامر فيه عين

لكن الانسان يقدر يشحن طاقته باللجوء الى ربه
ومحاولة تغير طريقة تفكيره

لان مرضك في افكارك والله يعافيك

هذي فعلا حالة نفسية ولا أخفيك اني أعاني نفس الأعراض بالضبط لما تتكلمين كأنك تتكلمين على لساني
تخيلوا صرت منكبة على نفسي انكباب غير طبيعي رغم اني طالبة جامعية والحين معلمة أجيال
اختي أنا ما اقدر اعطيك حل لان المسؤول هنا احوج من السايل
انا أقرى أذكار المساء والصباح فعلا هي حصن للللي لكن الشعور هذا صار دايم معاي
عزيزتي أنا أتوقع ان هذي الحالة مو وليدة اللحظة اتوقع انها تراكمية ارجعي لنفسك وانا بعد خلينا نشوف شنو اللي نبيه أنا صايرة احيانا اختلق اعذار عشان ابرر بكائي وانفعالاتي
صرت دايم مرتبكة احس خايفة من كل شيء احيانا احس اهلي بيصير فيهم شي احاتي متوترة بسورة مستمرة
اكيد لنا اسباب تدفعنا لهذي الحالة لو تعطي عمرنا لحظة ونوقف الزمن ونقول وبعدين !!!!!!!
أنا حاسة فيك الله يشفيلنا ولمسلمين

عزيزتي الزهرانيه ....
وضعك ... بختصار ... يحتاج لرقيه .... شرعيه ....
اجتهدي في تقوية ... إيمانياتك ... أولا ....
واقبلي على الرقيه الشرعيه وكلك يقين بأن ... ماتعانين ... يزول ... مع كلام الله وبكلام الله ....
ثقي عزيزتي .. ان الأمر ... بيد الله عزوجل ....
ماذكرتي ... أمر .... يدور في فلك .... العين ... أو السحر ... أو ربما المس ....
انا أؤيد كلام ... المشرفه الحبيبه ملاك ....
أعرضي حالتك ... على أحد المشائخ .... واذكري ادق التفاصيل ... حتى الأحلام ....
انا لاأرى في مشكلتك أي حاله نفسيه .... أبدا .....
أقرئي سورة البقره يومياً ....
وبإذن الله ستعود المياه لمجاريها ....
أسأل الله العظيم رب العرش العظيم ... أن يفرج همك ... وينفس .... كربك .... ويكشف غمك ....
شرح الله صدرك .... وأنار بصرك وبصيرتك .. وأخذ بيدك .... ورد لك عافيتك ... وأصلح لك زوجك ....

حياك الله أختى
البنات كفووا ووفوا بالرد ويارب تستفيدين
وخلى ثقتك بالله وأكثرى من الدعاء والالتجاء إلي الله فهو القدير على كل شىء
فرج الله عنك همك وكربك وأعانك على دين ودنياك
تمنياتى لكى بالشفاء العاجل