همس البتول :

عزيزتي وردة عشق انا بقولك نظرتي للموضوع بس لا تزعلين مني بصراحه أشوف الموضوع ماله أي علاقه بالطلاق .... ولا هو سبب يخليكي من الاساس تطلبين الطلاق ادري بالنسبه لك الموضوع صعب خاصة انتي ماعندك اطفال بس الحقيقه انتي مصعبه الموضوع على نفسك وتنظرين للأمور كلها من زاوية وحده ... أولا زوجك وحيد اهله ..شي طبيعي انه كل الوقت قاعد مع أهله ...بعدين الرجال تفكيرهم غير عننا احنا الحريم ...هم يعبرون عن حبهم بتنفيذ الطلبات والمشتريات والمصروف لكن احنا نشوف هالشي اساسا واجب منهم ولازم نصير وبنظرنا عشان يعبرون عن حبهم لازم يجلسون معنا ويسولفون ثانيا انتي بعد غلطانه في طريقة تعاملك مع اهله .... انتي المفروض كل ما نزل زوجك لأهله نزلتي معه سواء على فطور أو هشا أو سحور أو غيره انتي ادرى بجدول زوجك وبالاوقات اللي يكون عند أهله نزلي ذاك الوقت وعادي كانكم عايشين ببيت واحد صدقيني هذي الطريقه الوحيده اللي بتكسبين زوجك فيها وثالثا ابي أقولك ان كثرت الحن والزن على الزوج تطفش ...ايه تطفش ...لا تقولين انا اكلمه بهدوء او احاول اتفاهم معه بطريقه حلوه ..ترى كل هذي الامور بنظر الرجل حاجات تطفش وترى كل مازدتي على الموضوع وعدتي عليه راح يطفش أكثر واكثر وترى حبيت انبهك ان الرسول عليه الصلاة والسلام له حديث في الطلاق على امور بسيطه بس ما اذكر الحديث ..وفي مامعنى الحديث ان المرأة اذا طلبت من زوجها الطلاق بسبب أمر بسيط حرمت عليها رائحة الجنه فلا تنظرين الى هذي الامور البسيطه حتى وان كانت كبيره في نظرك بس تظل بالحقيقه صغييييره جدا والدليل تصفحي المشاكل في هالمنتدى لأخوات ازواجهم يخونونهم وفوق هذا ابدا مالجؤوا للطلاق ...لكنهم لجؤو لرب العالمين بالدعاء لهم حبيت اعلمك بشي اخير وهو ان حالتي ترى نفس حالتك تقريبا وهي ان زوجي وحيد أهله هو واخته ( اخته متزوجه ) واحنا عايشين عند أهله وياليت بس ابوه وامه لا بعد ساكنين معنا عماتي الكبار في السن هم ثنتين والله لي جيتي وعشتي معهم يوم وحده بتهددين زوجك باليوم الثاني يا بيت بروحي يالطلاق:) والحمدلله كاسبتهم كلهم ...وطول وقتي معهم انا وزوجي حتى الحين صار زوجي هو اللي يطلب بعض الاحيان اننا نطلع لغرفتنا عشان ناخذ راحتنا فاللي ابي اوصله لك هو الاهل ثم الاهل ثم الاهل كسبيهم وبتشوفين زوجك اشلون بيتغير معك للأحسن

عزيزتي وردة عشق انا بقولك نظرتي للموضوع بس لا تزعلين مني بصراحه أشوف الموضوع ماله أي علاقه...