ياختي اصدقاءه مو لازم يروح لهم على الاقل في الرمضان ..

افففففففف هالاصدقاء لزقه ماحد سالم منهم

وبعدين عيب عليه انتِ مقدره ظروفه ومتحملته مع انه فيه ضعف وهو ماهو مقدر وش قلة هالذوق المفروض انه مايتخلى عنك ابداً

الله يوفقكم ويسخر قلبه لك ويرزقكم بالذريه الصالحه ويكفيكِ شر اهله انه وللي ذلك والقادر عليه..

حابه أضيف لك شيء على ردي لك

وهو إنو بعض الرجال لما يكون عنده ضعف سواء منه أو من زوجته

يحس إنو جلسته مع زوجته مالها داعي

يعني أغلب الأزواج يناموا مع بعض عشان الله يرزقهم بالذريه الصالحه

لكن طالما إنو فيه سبب يمنع الحمل تلاقي إهتمام الزوج يقل بالزوجه

هدا الكلام أقوله لك من تجربتي لأني كان عندي إرتفاع في هرمون البرولاكتين

والله ما كتب لي إني أحمل رغم العلاج المستمر فكنت دايما أحس زوجي طفشان

مني ولما أتكلم معاه في موضوع جلوسه معايا أو حاجتي لقربه أحس من رده

وكأنه يقولي وإيش الفايده طالما مايحصل حمل

أدري إنو السبب مو منك بس حاولي تتكلمي مع زوجك ولو بطريق التلميح عشان يتعالج

وذكريه بإنوا الله قادر يرزقكم بطفل في أي وقت

ولا تنسي إنو هدا الموضوع مأثر فيه كثير

فحاولي معاه شوي شوي وإدعي إنو الله يهدي لك

ام ادم مشكوره يالغاليه على ردك
بس انا تكلمت عن مشكلتي باختصار شديد وماشرحت كل الظروف
مشكلة اهله انهم مايبوني من يوم تزوجنا لاني ماجيت على هواهم...جربت انزل كل يوم وافطر معهم صارت مشاكل مالها اول من تالي...يعني لما انزل معي الاكل لو يعجبهم يذمونه ومايمدحونه
مره زوجي ااكل من طبخي...وزعلت امه ليش ياكل من كبختي ويترك طبختها قال يمه انا كل يوم اكل طبخك..زمره نزلت لقيت ولد خالهم جالس معهم بمكاني على السفره..وانا اتغطى عنه طبعا وقفت بالدرج مدري وين اروح اطلع فوق ماعندي فطور...ظليت واقفه لين جاء زوجي معه صحن وقال خوذيه وادخلي المطبخ كولي قلت ليه انا شغاله...راح لامه وقال ليش عزمتي احد على الفطور زوجتي وشلون تاكل معنا قالت عادي نحط لها اكل بالمطبخ لحالها قال بس مو شغاله...زعلت علي وعليه وطردتني من البيت وقالت لاعاد تجين رحت بيت اهلي وبعد كم يوم طلقني ورجعني بعد العيد
وتقولين لي انزلي افطري معهم...ذولا عالم حتى السلام مايردونه علي...اتمنى يوم من تزوجت احد يسالني وش اخبارك كيفك اليوم شخبار اهلك...تخيلي انا اذا نزلت اسالهم وحده وحده كيفكم اليوم شخباركم وادلع اخته اخبارك ياعسل وشلونك ياحلوه ومع ذلك قلوبهم مثل الحجر عيا يلين

مره فكرت اعزمهم على الفطور وكاعاده عيبوا الاكل وطنشت من بكرا نزلت افطر عندهم ومن يوم مانزلت تخيلي هي وبنتها...قالو اننا تعبنا البارح مرره اللي تقول عجزت انام واللي تقول مت من العطش وش حنا اكلين اعوذبالله...طبعا انا وزوجي انصدمنا ولاقلنا ولاكلمه وفوق هذا اذا دخلوا بيتي تقل البلديه انواع المراقبه كل مكان يدخلونه وكل شيء يلاحظونه هذا ليه هنا هذا ليش خربان لاتحطين هذا هنا طيب مهب شغلكم بيتي وانا حرره
يعاملونن تقل خبله ماعرف شيء وهم السنع كله
وفوق هذا اذا سافرت يدخلون بيتي...وحتى غرفة نومي وياويلي لو اقفلهن تقوم القيامه بس انا اقفل وماعلي منهم
المنطق يقول انا اعيش بحالي وهو يعيشون بحالهم اسلم لي واسلم لهم

اختي حلاة العين
مشكوره عالدعوه حبيبتي



همس البتول

هو وحيد اهله ماقلنا شيء وبنفس الوقت هو زوجي وماعندي زوج ثاني غيره.... ضروري انه يكون عند اهله طول الوقت اي شرع واي دين واي عقل واي منطق قال هالكلام

انا موغلطانه بتعاملي مع اهله هم الغلطانين بتعاملهم معي عشان اكسبهم لازم يحاولون هم يكسبوني بعد يد وحده ماتصفق وماينفع اعطي ولااخذ بالمقابل غير حرقة الدم
معليش حبيبتي هو يحب اهله وانا احب كرامتي لاني انذليت كثير منهم وتحملت واكثر ماقدر اظغط على نفسي

وانا ماطلبت الطلاق من شيء بسيط....كون الزوج يطلع من البيت طول اليوم ومايعطي زوجته حقها
وش دمر اكثر البيوت وسبب انحراف الزوجات الا كثرة غياب الزوج عن البيت وتجاهله حقوق زوجته
انا الحمد الله على خلق ودين بس الشيطان حريص خصوصا في حالة الضعف ومره سمعت شيخ يقول
اذا تخاف الزوجه على نفسها انها تقع بالخطا بسبب تجاهل زوجها وكثرة خروجه او سفره حرام عليها تعيش معه دقيقه وحده...انا ماوصلت لهالدرجه بس مثل ماقلت المراة محتاجه للحب والحنان محتاجه احد يسمعها يجلس معها فيه احد يتحمل ويصبر واحد قدرته ضعيفه

واذا انتي قدرتي تتعاملين مع اهل زوجك بسهوله وتكسبينهم هذا لانهم معدن طيب وناس سهلين بالتعامل
انا اهل زوجي ماتدرين وش يبون لو اطلع انا وزوجي نتمشى سووها سالفه لو نسافر صارت مشكله عظمى يتدخلون حتى بالديره اللي بنسافر فيها..لما اجي من السوق يوقفوني يحققون معي وش شريتي
لما البس يقولون مب حلو لبسك...احيانا انزل ابجلس معهم يقومون ويخلووني لحالي بالمكان واجلس بالساعات بروحي قدام التلفزيون...والمشكله عمري مااذيتهم او غلطت عليهم او تدخلت بحياتهم او قلت لزوجي لاتروح لهم بالعكس كثير انصحه واحرصه عليهم لكن الله يرزقني على قد نيتي

namire
كلامك صحيح انا ابحث عن الاسقرار والشعور بوجود اسرة خاصه فيني انا
والسواق هو رافض الفكره بس بحاول وماراح ايأس
وحاولت اجيب احد من اهلي واهله...بس المشكله ابوي رافض يقول زوجك حاله مستعصيه
مشكوره حبيبتي على ردك

عطورات شرقيه
مشكوره حبيبتي معك حق بكل كلمه قلتيها بس الله يفرجها

مريوومه
غيدان
الفجر الأخير
لجونه
طيء السنين
قموسه
مشكورات يالغاليات والله يجزاكم خير على ردودكم
ومروركم ماقصرتوا معي الله يفرجها لكم دنيا واخره
ويسهل اموركم يارب

ياحبيبتي الله يكون بعونك والله محد مرتاح بهالدنيا وصدقيني ان الله إذا احب عبدآابتلاه

و الله يسعدك ويوفقك ويسخرلك زوجك ويحنن قلبه عليك وتكوني بعينه ملاك يااااااااااااااااارب