وروده حبيبتي كيفك انا حاولت ارسلك خاص بس ماقدرت ماأدري وش السالفه عموما حبيبتي باقولك شي يمكن يكون قاسي بس لمصلحتك حنا ياالحريم اذا زعلنا وبغينا نشتكي لأحد قلنا الموضوع من وجهه نظرنا عشان نقنع انفسنا والناس ان الزوج هو الغلطان لكن الصحيح ان الرجل تفكيره غير وطريقه تعبيره عن الحب غير ولو رجلك مافيه صفه زينه كان مارجعتي له يام طلقك وكانت فرصه لك انك تتركينه انتي تبين الطلاق وانتي جربتيه كيف كانت مشاعرك وقدرتي تستغنين عنه ولا لا؟ اعتقد الجواب واضح لأنك رجعتي له ولا تقولين ظغطوا علي اهلي لو ماتبينه مارجعتي وبعدين كل أمس وأنا أفكر بموقف امك ليه ماتبيك تتطلقين ؟ أكيد هي ابخص وهي أكثر واحده تحبك وتخاف على مصلحتك صح ولا لا؟احنا ياالحريم العزامات الندامات ...وصدقيني كثره طلعات زوجك لأنه متضايق ويهرب من جو البيت هويلاقيها من اهله والا منك حتى لو ماحكيتي بس تصرفاتك او تلميحاتك :30: او انك تحسسينه انك صابره عليه وفوق كذا مطنشك او تحسسينه بالذنب كل هاالمشاعر توصلينها له بدون ماتتكلمين صح والا لا ؟لازم تكونين صريحه مع نفسك عشان تحلين مشكلتك...صدقيني الحرمه في مجتمعنا مظلومه يعني لو تطلقتي ماراح يخطبك الا المتزوجين وهو ياخذ بنت بنوت عادي :( انا أعرف واحد مايجيب عيال أخذ حرمتين وجلس مع كل واحده 5 سنين وباخر شي اخذ بنت عمرها 18 تخيلي!.. بمجتمعنا الرجال :arb: مايعيبه شي والبنات ماليات البيوت..... وانتي تقدرين تغيرين حياتك انسي موضوع الضعف وعامليه كانه ملك متوج وبيني له انك تحبين أهله ولا تقولين له عن اللي يصير بينكم وحاولي تصلحين العلاقه مع امه اقترحي مثلا انكم تروحون عمره مع بعض واكثري من الدعاء فهو يرد القدر وتعوذي من ابليس وتذكري الأشياء الحلوه اللي برجلك.. وانصحك تقرين الرجل من المريخ والمرأه من الزهره.. وفيه خلطه كويسه للضعف كاس كاجو غير محمص يخلط مع كاس عسل أصلي يؤخذ مقار ملعقه على الريق و قبل النوم خليه ياخذه بدون ماتقولين له انها علاج قولي انها صحيه مره وانك تاخذين منها والله يجعلها سبب خيروالله يعينك ويفرج عليك ويسخره لك سخره العبد لسيده واجعلي ابارك لك الشهر الجاي بحملك والله يهدي اهله ويسخرهم لك ويسخرك لهم والله يفرج عليك عاجلا غير اجل

هلا وردة..

بصراحة شيخة القصمان تكلمت وكلامها عداه العيب..

بس ودي تسمعين لإضافاتي لأنا احنا اللي عايشين بضروف مشابهه لك ولو اختلفت ببعض الأمور يمكن نكون اصدق الناس بنصحك لان اللي ايده في المويه مو زي اللي ايده بالنار....

شوفي ياحبيبة وياغاليه...

انتي الحين تقولين انك تحبينه وتموتين عليه..طبعا هذا كلامك انتي..

اذن..فأنسي كل اللي راح..وهذ مايبغالها شي.بس صفي قلبك من بعض المواقف اللي لزوجك ولاهله..

ثانيا..عودي لنفسك..شوفي نفسك كيف كانت قبل الزواج وكيف صارت بعد الزواج...

ماعندك هوايات؟؟صديقات؟؟اذا انتي متعلمة دوري وضيفه ولو ببلاش ولو كنتي لسى ماكملتي تعليمك كمليه....

ثالثا..دوري كل المواطن اللي تحسين ان راحتك راح تلاقينها فيها وملي حياتك فيها..لاتجلسين كذا يدك على خدك وتنتظرين التغير ينزل وحي على زوجك ..اذا ما تحركتي وسويتي شي مفيد لنفسك صدقيني راح تبقى حياتك مثل ماهي......
انا مثلا احب اروح عندأهلي بين كل فتره وفترة مع انهم بعيدين عني حوالي الثمانين كيلو..بس دايم ازورهم واجلس عندهم وزوجي ماعنده مشكله لان أهله قريبين من بيتنا مرة ويجلس رايح جاي عليهم ومايحتاج انا ارجع معاه يعني يخليني عندهم يومين ثلاثة واحيانا اسبوع..والحمد لله زي ماقلت لك اهله قريبين يعني استفدت من وجودهم بقربي وخليتها نقطة لصالحي.....
واحب اني انزل السوق واشوف ايش الاشياء الجديدة..
واحب ادور خلطات جديدة لنفسي من النت او ازور مواقع تجميل او ازياء اتفرج فيها..

احب اتفرج على التلفزيون واشوف برامج حلوة ومنوعه

احب اسوي حلويات واكلها انا:)

احب اسمع اناشيد واحب اطلع عند صديقاتي واتابع اخبارهم..

واروح لقريباتي وازورهم ..

طبعا انا كنت بالاول مثلك اجلس لزوجي بالدقيقة والثانية وليش وليش وهو طبعا يوميا لازم يمر اهلة وغالبا ياخذني معاه طبعا عمتي امرأة مقعدة وهي انسانة طيبة ومحترمه صحيح لما تأخرحملي كانت شوي تثقل العيار بس كانت لم تشوفني اجي دايم واجلس مع بنتها اللي اكبر مني وتشوفني كيف كسبتها وونستها بسواليفي وبالهدايا بالذات اول سنة من زواجي بدت تتغير وتتحسن علاقتها معاي لانها كانت تشوف كيف اهتم بزوجي اللي هو ولدها وببنتها..

طبعا كان زوجي يسوي حركة اللي هي انه لما اكون معاه عندهم يجلس يسولف معاهم ولا كأني موجودة وهذي طبعا متفقين عليها لانه كان يبغى يحسسهم ان زوجتي ترا ما اخذتني منكم طبعا هذا لما اكون معاه صحيح كانت تحرقني بس انا اللي مريحني اني متفاهمه مع زوجي على كذا و هو اللي استأذن مني عشان يسوي كذا..

وطبعا اذا ماكنت معاه دايم يجي طاري بالخير ويمدح فيني وهذا اللي خلاهم يحترموني ويقدروني اكثر..

اش رايك في هالحركة..حلوة صح!! وما تكلف كثير .ولكني جنيت منها اشياء كثيرة..

طبعا مريت انا بحالات حسيت اني اكره عمتي احسها دايم تجيب طاري الحمل وبنتها هذي تزوجت بعدي بسنه وحملت على طول ماشاء الله وجابت بنوته خلال هالفترة كانت نفسيتي دمااااااااااااااااااااااار بشكل وكنت اتحسس من كل كلمة يقولها زوجي واهلة واحسهم يكرهوني ويحقدون علي واحسها تكرهني لاني ما حملت وووووووو.....يعني مثل حالتك الحين ..كنت اقلب كل شيء عليهم وما اطالع في نفسي..

وبعدها وش اكتشفت؟؟

نفسيتي كل مالها تسود اكثر..اهتمامي بنفسي عدم..ماعندي غير هم العيال انام واصحى عليه..اشوف الدنيا سودا من دونهم وان كل شي ضدي وان وان..

من جد انقهرت على نفسي وطريقتي في التعامل مع الحياة بضلامية وبسودادويه كاني اول وحدة يتأخر عنها الحمل!!!

انقلبت على نفسي انقلاب شديد وكان يوم لاينسى وبعد ما سويت الفحوصات على نفسي ارتحت راحة مابعدها راحة ويوم فحص زوجي وطلع عندة الضعف ابدا مابكيت ولا تجننت بديت اعمل واتحرك عشان لايضيع الوقت والحمد لله اثمرت جهودي وترا زوجي اكسل واحد في العالم من ناحية المراجعات بس لاني عرفت له قعدت وراه لين قطعنا شوط واستخدمنا خلطة ولنا شهر واحس في مردود ايجابي على نفسة وصحته هو...

طبعا تعاملي مع اهله تغير تماما ازلت النظارة السوداء من عيوني وبديت ارفع العتب واحاول اني اخفف من حساسيتي من موضوع الاطفال بحيث انه كل ما انفتح هالموضوع اناقش واضحك واتكلم واقول وطبعا هم شيء طبيعي يوم شافوا هالنفسية وهالوضع انفتحوا اكثر وماساروا يحطون بيننا حواجز عشان موضوع الاطفال وعادي يعطوني عيالهم ولااحد قد قال لأهذي يمكن تعطينا عين أو تسوي لنا مشاكل بالعكس يوم شافوني دايما كاشخة ومبسوطة وصحتي حلوة وزوجي بعد وشخصيتي قويه وبنت امها اللي تتفسف علي بموضوع العيال اكلها اكال:) انفتحت الدنيا بوجهي وحتى حبي للعيال احسه صار معتدل يعني حلوين بس صار عندي انطباع ان عيالي اللي الله بإذنه تعالي بيرزقني ايهاهم احلى وهم اللي يستحقون حبي وبس وغيرهم خس<---حلوة خس هذي ما ادري من وين طلعت..

المهم بعد كل هالانقلاب على نفسي وزعت اهتماماتي بالبيت والطبخ والترتيب والتلفزيون والزيارات وبإذن الله بستلم وضيفتي على النصف الثاني ..

..اما زيارة اهلة فقصرتها على يوم واحد بالاسبوع واجيهم على سنقة عشرة كما يقولون واكون محضرة مواضيع من اللي تعجبهم وكلها ساعتين وامشي والحمد لله زوجي خليته على راحته يوميا لازم يروح لهم وهو من نفسه صار يخلي زيارتهم بين المغرب والعشاء عشان يبقى الليل كله معاي..

وطبعا ساعات انا صرت ازهق وارسله عند اهله ياكل عندهم اذا ما اشتهيت اطبخ:) يعني بدل ماكنت اول لهم نظرة سلبية وكارهتم الحين صرت ايجابيه اكثر معاهم وبالعكس استفدت من وجودهم بالقرب مني....

وطبعا اي رجال ما يحب المرة المسيكينه بالعكس يحب الفرفوشة الضحوكة اللي تملي بيتها وناسة وفرح..

طبعا انا عندي مفتاح سحري قدرت اكسب زوجي فيه وهو انه اذا جا من الدوام قرفان طفشان دايم احرص ان المطبخ يكون مفتوح واكون متعدلة والتلفزيون مفتوح ومرفوع كأن عندي عيال:)
وهو بس يدخل ويشم الاكل تنفتح نفسيته جدا طبعا انا دايما احرص اني مااكلمه عن اي شي وبعد ما احط الغدا واتفنن له في الصحون والحركات طبعا موقع عالم حواء ماقصر معاي:) ويبد ا ياكل ابدا اسحب منه شوي شوي وش اللي صا ر بعمله .. ترا من جد طريقك الى قلب الرجل يبدأ بمعدته وهذا انا كنت احاربه واقول غلط بيس يوم جريته اكتشفت انه سلاح قووووووووووووووووووي التأثير ..وطبعا ويبدا يعلمني صار كذا وصار كذا وانا اناقشة واقوله واعلمة من جد والله والحمد لله بهالطريقة ماصار يخبي عني اي شي والله ياوردة ساعات اكون مختنقة ابغا اتكلم معاه وافضفض له بس اشوف عندة شيء يبغا يقوله اترك له المجال واحسسه ولو بالتمثيل اني متفاعلة معاه يعني بالمختصر اجيد معاه فن الاستماع صدقيني والله راح تملكينه وهذا من واقع انا اعيشة ولو يروح كل يوم عند اهله 10 ساعات الاقيه جاي عندي طاير زي العصفور اللي يدور عشه...

ياغاليه والله اسفه طولت عليك الكلام وبربرت وووووووووووووووووووااااجد ادري بس والله ما ابغا لك الا كل الخير ودامك شارية زوجك وما تبغين غيرة اعطيتك خلاصة وعصرة تجاربي<---حشا كاتبة قصة حياتها وتقول خلاصة تجاربي:)


احس اني باقي عندي شي كثير ودي اقوله<---اقول بس اهجدي يالطيف تقل بالعة مسجل

بس والله من جد قلبي عليك ولا ودي تضيع حياتك عشان شغلات زي كذا..

هذا اللي عندي واتمنى والله تستفيدين وتبشرينا بكل جديد...

ولك مني كل الحب وصادق الود....

اختي وردة عشق معليش بكون معك صريحة كل البنات وانا بقول تحملي بس لين متى لو ان العيب منك

من العيال صبرت امه وهو ماظنيت هالنوعيه يصبرون بس حبيت اقولك قصة وحدة خويتي نفس حالتك

زيادة انه كان يشتغل بمنطقه مومنطقتهم يجي خميس وجمعه تخيلي يجي الاربعاء ومايطلع عندها الا ان ينامون كل اهله
ولاعندهم عيال والله تحزن طول الوقت وهي تتفنن عشانه وهو مدرى عنها كنت اقنعها تتطلق تقول مااقدر اهلي وسوالف ان العيلة متزوجين من بعض اقولها شبابك يذبل والرجال ماله عمر بالشباب فاهمه قصدي بعد 12 سنه صبر طقت روحها وتطلقت من يرد احلى سنين عمرها
اختي نصيحة فهمي امك انك تبين عيال يسندوونك بس عشان تقتنع
وصدقيني انتي الوحيده تدرين وتحسين اذا فيه خير فيكي والا 3 سنين اعتقد كافيه تحدد مصيرك
والله يفرج همك يارب العالمين

مثل ماقالت الاخت اللي فوقي..
انتي اللي تحددين مصيرك..

انا عايشة مثلك بس والله شاريته وهو شاريني ..

وانتي اللي تحددين اذا تبغينه ولا لا..

الله يفرجها عليك
الحل في كلمتيين : اشغلي نفسك
لأن النفس اذا ما شغلتيها شغلتك
واشغلي نفسك بالطاعة
وحاولي تشغليها بالعلاج
والطب الحمد لله تطور وان شاء الله يرزقك احسن ذرية