مشكلتي..لاتردوني:(

لو بقولك خليك واثقة من نفسك معناتها ماجبت شي جديد

المهم أنتي شوفي الجوانب المميزة عندك يعني مو معقولة تكونين كلك عيوووووب مستحيل

لو كنتي شاطرة في البيت والضيافة لازم تفتخرين بكونك ربة بيت ممتازة

عندك أولاد أفتخري فيهم وبتربيتك لهم


وبعدين أنتي قلت إن مافيك عيوب طيب وش المشكلة كلنا عاديين صح في ناس جميلين بس قليل أغلب الناس عاديين
لو الكل صار جميل ماصار الجمال ميزة!!

وهذي أخت زوجك تأكدي من تصرفها لا تكونين ظالمتها يمكن أنتي حساسة
ولو تأكدتي ترى كل السالفة شوية ثقل خليك ثقيلة إذا كنتم لوحدكم وعطتك وجه لا تندفعين معها كأنك فرحانةأنها معطيتك وجه!!
خليك ثقيلة عليها بالبداية راح ترتبكين بس بعدين راح تتعلمين وترى يقولون الثقل صنعة !!

وإذا كنتي من النوع الي يحب الأناقة وتحسين بالثقة خليك دايم أنيقة ونقي كلماتك وبالمجاملة اللطيفة راح تكسبين حب اللي حواليك

وتزرعين الثقة بنفسك

ولو أخطاتي يوم لا توقفين عند هالخطا وكأنه نهاية الحياة كلنااااااااااااا نخطئ و لا أحد معصووووم

عندي كلام كثير بس ما أبي أطول عليك

ام سعد وسعود لي عوده وابي اسمعك

في دورات ووسائل لرفع الثقه بالنفس وهالشيء يحتاج صبر ومجاهده حتى وصلي النتيجه المرغوبه

المهم حاولي تطورين نفسك تلتحقين بدورات وتنظرين لنفسك بصوره ايجابيه ( اذا عندك كرش فغيرك كرشه اكبر وحاولي تسوين تمارين للبطن )
لكن موتستسلمين وتقعدين تحطمين في نفسك

والسوالف كل الناس كذا يمكن ما شافت سلفتك من زمان فقعدت تسولف معها ومو قصدها تجاهل وانت حاولي بلباقه تشارينهم الحديث مو تقعدين تضيقين صدرك

اذا كان شكلك مو جذاااااااااب طيب ليش ما تخلي شخصيتك جذابة ؟؟؟

الشكل ما نقدر نغيرة لكن الشخصية نقدر نغيرها

عندك نانسي عجرم عااادية مرة واقل من عااااااادي ؟؟؟؟ لكن كيف شخصيتها ؟؟؟ تحسيها حتى في جلستها وطريقة استماعها

للناس فيها ثقة وحتى ابتسامتها كلها ثقة .. لدرجة صرنا نشوفها حلوة مررررة ... ترى الثقة تعطي نصف الجمال



مرة سمعت دكتور يقول .... اذا تبغى الوحدة تعمل ثقة وماهي عارفة كيف ؟؟

تختار شخصية معينه تعجبها من الفنانات ... مثلا نختار نانسي او يارا حقت اغنية صدفة ومن بين كل الناس علقني ...

المهم تكون هذي الشخصية شافتها اكثر من مرة على طبيعتها في مقابلة في استديو وغيرها ... وتقتبس هذي الشخصية

يعني تعتبر نفسها مكان هذي الفنانة ... وانتي تلقائيا راح تسوي حركات وكلام هذي الفنانة من ابتسامة ونظرات وغيرها

ومو شرط فنانة مثلا قريبة لكي تعجبك شكلها وشخصيتها حاولي تقتبسي شخصيتها وتمثلي دورها ... ترى مرة سهل

وجربيها مع زوجك ومع الجمعات بين الحريم

ووافيني بأخبارك

قولي كل يوم انا واثقه من نفسي

لمده غير محدوده وبتصيرين واثقه من نفسك